অসম চৰকাৰে ৰাজ্যৰ ৩৪ খন চৰকাৰী বিদ্যালয় বন্ধ কৰাৰ সিদ্ধান্তই দেশৰ ৰাজনীতিতো বিশেষভাৱে চৰ্চা লাভ কৰা দেখা গৈছে৷
বিশেষকৈ দিল্লীৰ মুখ্যমন্ত্ৰী অৰবিন্দ কেজৰিৱালে বিদ্যালয় বন্ধই সমস্যা সমাধানৰ পথ নহয়, বৰং এতিয়া আমি সকলোৱে সমগ্ৰ দেশতে নতুন বিদ্যালয় প্ৰতিষ্ঠা কৰাৰহে প্ৰয়োজন বুলি টুইট কৰাৰ পিছতে অসমৰ মুখ্যমন্ত্ৰী ডঃ হিমন্ত বিশ্ব শৰ্মা আৰু মন্ত্ৰী পীয়ুষ হাজৰিকাই অবৰিন্দ কেজৰিৱালক উভতি ধৰিছে৷
মন্ত্ৰী পীয়ুষ হাজৰিকাই অৰবিন্দ কেজৰিৱালক টুইটাৰত আক্ৰমণ কৰি কয় যে কেজৰিৱালৰ দিল্লীৰ চৰকাৰী স্কুলৰ মডেল এক ভুৱা মডেলহে ৷ আনকি মন্ত্ৰী পীয়ুষ হাজৰিকাৰ মতে দিল্লী বিদ্যালয়সমূহৰ প্ৰদৰ্শন অসমৰ বিদ্যালয়সমূহতকৈ দুৰ্বল৷
লগতে পঢ়ক দেশত উছনেই হ’ব নেকি কংগ্ৰেছ? কংগ্ৰেছ ত্যাগ নেতা জ্যেষ্ঠ গোলাম নবী আজাদৰ
ইফালে মুখ্যমন্ত্ৰী হিমন্ত বিশ্ব শৰ্মাই দিল্লীৰ মুখ্যমন্ত্ৰী কেজৰিৱালৰ টুইট আক্ৰমণ কৰি নিজৰ শিক্ষামন্ত্ৰীত্বৰ কালৰ পৰা বৰ্তমানলৈকে অসমত ৮৬১০ খনতকৈও অধিক বিদ্যালয় প্ৰতিষ্ঠা কৰাৰ লগতে চৰকাৰীকৰণ কৰা বুলি মন্তব্য কৰে৷
ইয়াৰ পাছতে দিল্লীৰ মুখ্যমন্ত্ৰীগৰাকীয়ে ৰিটুইট কৰিছে৷ ৰিটুইট কৰি দিল্লীৰ মুখ্যমন্ত্ৰী কেজৰিৱালে কয় ‘‘এনে লাগিছে আপুনি মোক বেয়াহে পাইছে৷ আপোনাৰ ব্যৰ্থতাবোৰ প্ৰকাশ কৰা মোৰ উদ্দেশ্য নাছিল৷ আমি সকলোৱে একেখন দেশৰ৷ আমি ইজনে সিজনৰ পাৰ শিকা উচিত৷ তেতিয়াহে ভাৰতক এক নম্বৰ দেশ হিচাপে নিৰ্মাণ কৰিব পাৰিম৷’’
‘‘মই অসমলৈ যাম৷ কওক কেতিয়াকৈ যাম? আপুনি শিক্ষা ক্ষেত্ৰত কৰা আপোনাৰ ভাল কামবোৰ মোক দেখুওৱাব৷ আপুনি দিল্লীলৈ আহক, মই আপোনাক দিল্লী কামবোৰ দেখুওৱাম৷’’ এই বুলি কৈ কেজৰিৱালে অসমৰ মুখ্যমন্ত্ৰী ডঃ হিমন্ত বিশ্ব শর্মাক প্ৰত্যাহ্বান জনায়৷
अरे। लगता है आप बुरा मान गए। मेरा मक़सद आपकी कमियाँ निकालने का नहीं था। हम सब एक देश हैं। हमें एक दूसरे से सीखना है। तभी तो भारत नम्बर वन देश बनेगा
मैं आता हूँ ना असम। बताइए कब आऊँ? आप शिक्षा के क्षेत्र में अपने अच्छे काम दिखाना। आप दिल्ली आइये, मैं आपको दिल्ली के काम दिखाता हूँ https://t.co/SQCJyerfII
— Arvind Kejriwal (@ArvindKejriwal) August 26, 2022
অৱশ্যে এতিয়া অসমৰ মুখ্যমন্ত্ৰী ডঃ হিমন্ত বিশ্ব শৰ্মাই দিল্লীৰ মুখ্যমন্ত্ৰী অৰবিন্দ কেজৰিৱালৰ প্ৰত্যাহ্বান গ্ৰহণ কৰিব নে অথবা কৰিবলৈ সাহস কৰিব পাৰিবনে নোৱাৰে সেয়া পৰৱৰ্তী সময়ত লক্ষণীয় হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
