অসম লাইভ২৪ঃ ‘ইমান ডাঙৰ এলেকাত সাপ ওলোৱাটো ডাঙৰ কথা নহয়৷ লাইট অফ হোৱাটো স্বাভাৱিক কথা৷ MCB Down হোৱাৰ বাবে কিছু সময়ৰ বাবে লাইট বন্ধ হৈছিল৷’ বৰ্ষাপাৰাত অসম ক্ৰিকেট সন্থাই সম্বোধন কৰা সংবাদমেলত কৰিছে এই মন্তব্য৷
সংবাদমেলত অসম ক্ৰিকেট সন্থাৰ বিষয়ববীয়াই কয়, ‘MCB Down হোৱা বাবে কিছু সময়ৰ বাবে লাইট বন্ধ হৈছিল৷ লাইটটো পুনৰ জ্বলিবৰ বাবে ১৫ মিনিট সময়ৰ প্ৰয়োজন হয় সেইবাবে কিছু দেৰি হৈছিল। Metal helight technology-য়ে ১০ বছৰ ধৰি আছিল৷ এতিয়া সেইবোৰ সলনি কৰি পুনৰ LED ৰ চিষ্টেম আমি সংযোজন কৰিম। সদায় লাইট on আৰু off কৰিলে কিছু লাইট বন্ধও হৈ যায়৷’ ইয়াৰোপৰি লাইটৰ প্ৰসংগত ACA-য়ে সংবাদমেলত কয় যে ১৫ টা generator-ৰ সহায়ত দেওবাৰে খেলখন চলোৱা হৈছে৷’
ইপিনে ষ্টেডিয়ামত সাপ ওলোৱাৰ প্ৰসংগত অসম ক্ৰিকেট সন্থাৰ বিষয়ববীয়াই কয় যে এইয়া কোনো ডাঙৰ কথা নহয়৷ সাপ ওলোৱাৰ বাবে খেলৰ মাজতেই দৰ্শকে অন্য একধৰণৰ আমোদহে পালে৷ পূৰ্বে ৪-৫ খন খেলপথাৰত এনেকৈ সাপ ওলাইছে৷ ইমান বিশালকায় এলেকাত সাপ ওলোৱাটো একো ডাঙৰ কথা নহয় বুলি উল্লেখ কৰাৰ লগতে সাপ ওলোৱাৰ এই দৃশ্য আচলতে Discovery বা National geography-ত দেখুৱাবলগীয়া এটা দৃশ্য বুলি মন্তব্য কৰে৷
উল্লেখ্য যে দেওবাৰে অনুষ্ঠিত খেলখনত ষ্টেডিয়ামত পানী বটলত MRP-তকৈ অধিক ধন লোৱাসকলৰ বিৰুদ্ধে বিহিত ব্যৱস্থা গ্ৰহণৰ কথাও সংবাদমেল যোগে ঘোষণা কৰিছে ACA-এ৷ আনহাতে IPL-ক লৈও চিন্তা-চৰ্চা অব্যাহত ৰখা ACA-এ হৰ্ষ ভোগলেৰ মন্তব্যক লৈ প্ৰতিক্ৰিয়া ব্যক্ত কৰি কয়, ‘হৰ্ষ ভোগলে মানুহ দেখা নাপালে, কুকুৰ দেখা নাপালে, সাপহে দেখা পালে৷ সাপ ওলোৱা দৃশ্যটোতো Discovery, National geography-ত দেখুৱাব পৰা এটা দৃশ্য৷ ইফালে সাপডাল নমৰাকৈ গ্ৰাউণ্ডৰ পৰা উলিয়াই অনাৰ বাবে দিগম্বৰ বড়ো ধন্যবাদৰ পাত্ৰ৷ আমি দিগম্বৰ বড়োক এই কাৰ্যৰ বাবে পুৰস্কৃত কৰিম৷’
সংবাদমেলত ACA-এ বৰ্ষাপাৰা ষ্টেডিয়ামৰ Ground technician-ৰ দায়িত্বত থকা দিগম্বৰ বড়োৰ সাহসী পদক্ষেপৰো শলাগ লয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
