শোকাৱহ দুৰ্ঘটনা, অস্থি উটুৱাবলৈ গৈ প্ৰাণ হেৰুৱালে একে পৰিয়ালৰে ৫ লোকসহ ৬ গৰাকীয়ে
এক ভয়ংকৰ তথা শোকাৱহ দু্ৰ্ঘটনাৰ খবৰ। যি খবৰে কঁপাই তুলিছে উত্তৰ প্ৰদেশ। একে পৰিয়ালৰে ৫ লোক সহ ৬ গৰাকীৰ মৃত্যু। এই ভয়ংকৰ দুৰ্ঘটনাটো সংঘটিত হৈছে উত্তৰ প্ৰদেশৰ চিত্ৰকুটত।
ঘটনা সন্দৰ্ভত জানিব পৰা অনুসৰি, বলেৰ’ বাহনখনত থকা পৰিয়ালটোৱে অস্থি উটুৱাবলৈ বুলি প্ৰয়াগৰাজলৈ গৈ আছিল। এখন বলেৰ’ বাহনৰতযাত্ৰা কৰি আছিল পৰিয়ালটো। সেই বাহনৰ সৈতে মুখামুখি সংঘৰ্ষ হয় এখন ট্ৰাকৰ।
সেই ভয়ংকৰ মুখামুখি সংঘৰ্ষতেই প্ৰাণ হেৰুৱাই একে পৰিয়ালৰে ৫ লোকে। লগতে প্ৰাণ হেৰুৱায় বাহন খনৰ চালকে। ইয়াৰ উপৰিও আন ৫ লোক গুৰুতৰ ভাৱে আহত।
দুৰ্ঘটনাৰ সময়ত বলেৰ’ বাহন খন অতি তীব্ৰ গতিত আছিল। যাৰ ফলতেই বিপৰীত দিশৰ পৰা অহা ট্ৰাক এখনত প্ৰচণ্ড জোৰে খুন্দা মাৰে। বলেৰ’ বাহনখন দুৰ্ঘটনাটোৰ ফলত একেবাৰে ভাঙি চুৰমাৰ হৈ পৰে।
লগতে ঘটনাস্থলীতে প্ৰাণ হেৰুৱাই ৬ গৰাকীয়ে। ইয়াৰ উপৰিও আন ৫ গৰাকী লোক আহত হয়। ইয়াৰে ২ গৰাকীৰ অৱস্থা সংকট জনক। উন্নত চিকিৎসাৰ বাবে দুয়োগৰাকীকে হায়াৰ চেণ্টাৰ প্ৰয়াগৰাজলৈ প্ৰেৰণ কৰা হৈছে । আনহাতে ৩ গৰাকীৰ জিলা হাস্পতালতে চিকিৎসা চলি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
