২৫ বছৰ পাছত ভাৰতলৈ উভতিছে এইগৰাকী ৯০ দশকৰ জনপ্ৰিয় অভিনেত্ৰী, পুনৰ দেখা যাব নেকি চিনেমাত
৯০ দশকৰ ভাৰতীয় চিনেমাৰ এগৰাকী জনপ্ৰিয় অভিনেত্ৰী। আমিৰ খান- ছলমান খান- শ্বাহৰুখ খান- ছেইফ আলী খান- অক্ষয় কুমাৰ আদিৰ সৈতে কাম কৰি জনপ্ৰিয় হৈছিল। কিন্তু জনপ্ৰিয়তাৰ শীৰ্ষত থকাৰ সময়তে ভাৰত এৰি অভিনয় এৰি গুচি যায় সেই অভিনেত্ৰী।
এতিয়া ২৫ বছৰৰ পাছত পুনৰ ভাৰতলৈ উভতি আহিছে সেই জনপ্ৰিয় অভিনেত্ৰী মমতা কুলকাৰ্নী। অভিনেত্ৰীগৰাকীয়ে সামাজিক মাধ্যম ইনষ্টাগ্ৰাম যোগে সদৰি কৰিছে ভাৰতলৈ উভতি অহাৰ কথা।
অভিনেত্ৰী গৰাকী পুনৰ ভাৰতলৈ অহাৰ কথা সদৰি হোৱাৰ পাছতে চৰ্চালৈ আহিছে, পুনৰ বলীউডত কাম কৰিব নেকি মমতাই। পাছে সেই কথা স্পষ্ট কৰি দিছে মমতাই। অভিনয়ৰ বাবে নহয়, বহু বছৰৰ পাছত কুম্ভ মেলালৈ বুলিহে আহিব মমতা কুলকাৰ্নী।
তেখেতে কয়- বিগত ২৫ বছৰে ধৰি ভাৰতৰ পৰা আঁতৰত আছিল। এতিয়া কুম্ভ মেলা আৰম্ভ হবলৈ গৈ আছে। সেই মেলালৈ বুলি আহিছো। কিন্তু মই দুনাই চিনেমা ক্ষেত্ৰলৈ উভতি নাযাও। মই মোৰ জীৱনটো লৈ বহুত সুখী। মেলাত অংশ গ্ৰহণৰ পাছত পুনৰ উভতি যাম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
