বিশ্বৰ সৰ্ববৃহৎ ঔষধ প্ৰস্তুতকাৰী ভাৰতীয় প্ৰতিষ্ঠান ছেৰাম ইনষ্টিটিউট অৱ ইণ্ডিয়াৰ এজন সঞ্চালকৰ পৰা চাই অপৰাধীয়ে ১ কোটি টকা লুটি নিছে৷ প্ৰতিষ্ঠানটোৰ মুখ্য কাৰ্যবাহী বিষয়া আদৰ পুনাৱালাৰ নামত সঞ্চালকজনলৈ ভুৱা হোৱাটছএপ মেচেজ কৰি ধন লুটি নিয়াৰ অভিযোগ উত্থাপন হৈছে৷
পুনে আৰক্ষীয়ে প্ৰকাশ কৰা মতে নিজকে আদৰ পুনাৱালা বুলি পৰিচয় দি প্ৰতিষ্ঠানটোৰ সঞ্চালক সতীশ দেশপাণ্ডেই একাউন্টৰ ১ কোটি টকা ট্ৰেন্সফাৰ কৰি প্ৰৱঞ্চনাৰ বলি হয়৷ ঘটনাটো যোৱা বুধ আৰু বৃহস্পতিবাৰে সংঘটিত হোৱা বুলি জানিব পৰা গৈছে৷
ইতিমধ্য ঘটনাৰ সন্দৰ্ভত প্ৰতিষ্ঠানটোৰ সঞ্চালক সতীশ দেশপাণ্ডেই পুনেৰ বুণ্ড গাৰ্ডেন আৰক্ষী থানাত অভিযোগ দাখিল কৰিছে৷ উক্ত এজাহাৰৰ ভিত্তিত আৰক্ষীয়ে জালিয়াতি আৰু আই আই টি আইনৰ অধীনত গোচৰ ৰুজু কৰি তদন্ত আৰম্ভ কৰিছে৷
লগতে পঢ়ক ‘গাৰ্গী’- পুৰুষৰ অহমিকা আৰু নাৰীৰ যন্ত্ৰণাৰ সুস্পষ্ট প্ৰকাশ!
জ্যেষ্ঠ আৰক্ষী পৰিদৰ্শক প্ৰতাপ মানকাৰে জনোৱা মতে, প্ৰতিষ্ঠানটোৰ সঞ্চালক সতীশ দেশপাণ্ডেৰ হৈ বুণ্ড গাৰ্ডেন আৰক্ষী থানাত এটা গোচৰ ৰুজু কৰা হৈছে।
‘‘মোৰ ওচৰলৈ এটা হোৱাটছএপ মেছেজ আহিল, য’ত ব্যক্তিজনে নিজকে আদৰ পুনাৱালা বুলি পৰিচয় দিছিল। মেছেজত মোৰ পৰা ১ কোটি টকা খোজা হৈছিল। মই ১ কোটি টকা ট্ৰেন্সফাৰ কৰি দিয়াৰ পাছতহে গম পালে যে মই ঠগ খাইছো। আশ্চৰ্যজনক কথাটো হ’ল যে মেছেজত অহা নম্বৰটো আছিল আদৰ পুনাৱালাৰ।’’ ভুক্তভোগী সঞ্চালক সতীশ দেশপাণ্ডেই কয়৷
লগতে পঢ়ক চৰকাৰী নথিত মৃত, বন্ধ কৰিলে বৃদ্ধ পেন্সন; দৰাৰ বেশত প্ৰতিবাদ ১০২ বছৰীয়া বৃদ্ধৰ
প্ৰতিষ্ঠানটোৰ সঞ্চালকজনে চিইঅ’ অধৰ পুনাৱালাই টকা খোজা বুলি ভুল কৰি টকাখিনি অনলাইনত ট্ৰেন্সফাৰ কৰিছিল। টকা ট্ৰেন্সফাৰ কৰাৰ পিছত সতীশ দেশপাণ্ডেই উপলব্ধি কৰে যে আদৰ পুনাৱালাই কেতিয়াও মেচেজ কৰি টকা নিবিচাৰে। ইয়াৰ পাছতে তেওঁ নিশ্চিত হয় কোনো লোকে তেওঁৰ পৰা প্ৰৱঞ্চনাৰেৰে ধনখিনি লুটি নিয়ে।
উল্লেখ্য যে ছেৰাম ইনষ্টিটিউটে কোভিড ভেকচিন কোভিডশ্বীল্ড প্ৰস্তুত কৰিছিল৷ ইয়াৰ পাছত চিইঅ’ আদৰ পুনাৱালাই যোৱা জুলাই মাহত ঘোষণা কৰিছিল যে মাংকি পক্সৰ mRNA ভেকচিন প্ৰস্তুত কৰাৰ পৰিকল্পনা কৰিছে। এই ক্ষেত্ৰত নোভাভেক্স কোম্পানীয়ে তেওঁলোকক সহায় কৰা বুলি পুনাৱালাই সদৰী কৰিছে। ২৩ জুলাইত বিশ্ব স্বাস্থ্য সংস্থাই মাংকি পক্সৰ বাবে জৰুৰীকালীন অৱস্থা ঘোষণা কৰিছিল। এই কথা মনত ৰাখি ছেৰাম ইনষ্টিটিউটে মাংকি পক্স ভেকচিন তৈয়াৰ কৰাৰ সিদ্ধান্ত লৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
