ADRE প্ৰশ্নকাকত ফাদিলৰ মূলতে ছেবাই নিয়োগ কৰা ফটোগ্ৰাফাৰ
অৱশেষত পৰ্দা ফাদিল, কালি ১৫ ছেপ্টেম্বৰ তাৰিখে অনুষ্ঠিত হৈ যোৱা তৃতীয় বৰ্গৰ পৰীক্ষাৰ আজি ১৬ ছেপ্টেম্বৰ তাৰিখে প্ৰশ্ন কাকত ফাদিল হোৱাৰ মূল অভিযুক্ত ধৰা পৰিল।
আৰক্ষীৰ বিশেষ তদন্তত পোহৰলৈ আহে সমষ্ট ঘটনা। কোনো পৰীক্ষাৰ্থীয়ে নহয়, বৰঞ্চ ছেবাই পৰীক্ষা কেন্দ্ৰৰ ফটো উঠোৱাকে নিয়োগ কৰা ফটোগ্ৰাফাৰে ফাদিল কৰিছিল প্ৰশ্নকাকত।
আৰক্ষী সঞ্চালক প্ৰধান জি পি সিঙে এক্স হেণ্ডেলৰ টুইট যোদে সদৰি কৰে এই তথ্য । লগতে সদৰি কৰে প্ৰশ্নকাকত ভাইৰেল কৰোতাৰ নাম আৰু ফটো।
আৰক্ষীৰ প্ৰাৰম্ভিক তদন্তত প্ৰকাশ পাইছে যে ছ’চিয়েল মিডিয়াত আপলোড কৰা ব্যৱহৃত প্ৰশ্নকাকত ধেমাজি জিলাৰ ছিমেন চাপৰিস্থিত উপেন্দ্ৰ ৰাষ্ট্ৰীয় একাডেমীত ব্যৱহাৰ কৰা হৈছিল।
ধেমাজি আৰক্ষীয়ে গোচৰটো সমাধান কৰিছে। প্ৰকাশ পাইছে যে প্ৰশ্ন কাকতখনৰ ফটো তুলিছিল মংগল সিং বসুমুটাৰী নামৰ এগৰাকী লোকে। যিটো কেন্দ্ৰত ছেবাই নিয়োগ কৰা ফটোগ্ৰাফাৰসকলৰ ভিতৰত এজন।
অভিযুক্তক বৰ্তমানে আটক কৰা হৈছে। আৰক্ষীৰ জেৰাত পৰীক্ষা শেষ হোৱাৰ পিছত প্ৰশ্নকাকতখনৰ ফটোগ্ৰাফী কৰা বুলি স্বীকাৰ কৰিছে মংগল সিং বসুমুটাৰীয়ে। অধিক তদন্তৰ বাবে জব্দ কৰা হৈছে তেওঁৰ মোবাইল ডিভাইচসমূহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
