প্ৰথমে ২৫ শতাংশ শুল্ক, এইবাৰ ৬টা ভাৰতীয় কোম্পানীৰ ওপৰত নিষেধাজ্ঞা ট্ৰাম্পৰ
ভাৰতক সমুখেৰে বন্ধু ৰাষ্ট্ৰ আখ্যা দিয়া আমেৰিকাই পাছে পিছফালৰ পৰা আক্ৰমণ কৰিলে। ৰাছিয়াৰ সৈতে ভাল বন্ধুত্ব ৰখা বাবে কালি ভাৰতৰ ওপৰত ২৫ শতাংশ টেৰিফ তথা শুল্ক লগোৱাৰ পাছত এইবাৰ পুনৰ আন এক আঘাত। ভাৰতৰ ৬ টাকৈ কোম্পানীৰ ওপৰত নিষেধাজ্ঞা আৰোপ ট্ৰাম্প প্ৰশাসনৰ।
ইয়াৰ মূলতে তেল। এইবাৰ ইৰাণৰ সৈতে ভাৰতে পেট্ৰ’লিয়াম সামগ্ৰীৰ লেনদেনৰ বাবেই আমেৰিকাই এইদৰে এক্সন গ্ৰহণ কৰে আৰু ভাৰতৰ ৬ টাকৈ কোম্পানীৰ ওপৰত নিষেধাজ্ঞা আৰোপ কৰে। আমেৰিকাৰ বৈদেশিক মন্ত্ৰালয়ে সদৰি কৰে এই বিষয়ে।
এই ৬ কোম্পানী হৈছে- কঞ্চন পলিমাৰ্চ (Kanchan Polymers), অলকেমিকেল ছলিউচনছ প্ৰাইভেট লিমিটেড (Alchemical Solutions), ৰমনিকলাল এছ গোচালিয়া এণ্ড কোম্পানী (ramniklal S Gosalia and Company), জুপিটাৰ ডাই কেম প্ৰাইভেট লিমিটেড (Jupiter Dye Chem), গ্ল’বেল ইণ্ডাষ্ট্ৰিয়েল কেমিকেলছ লিমিটেড (Global Industrial Chemicals), পাৰ্চিচটেন্ট পেট্ৰ’কেম (Persistent Petrochem).
আমেৰিকা প্ৰশাসনে কেৱল এই ৬ কোম্পানীৰ ওপৰতে নিষিদ্ধতা আৰোপ কৰা নাই, ইয়াৰ উপৰি অন্য ৬ টা মুঠ ১২ টা কোম্পানীৰ ওপৰতে নিষিদ্ধ আৰোপ কৰিছে। এই কোম্পানী সমুহ ভাৰতৰ লগতে চীন, ইণ্ডোনেছিয়া, তুৰ্কী, আৰৱৰ কোম্পানীয়ো অন্তৰ্ভুক্ত।
আমেৰিকাৰ এই সিদ্ধান্তৰ পিছতে ভাৰতত হাহাকাৰ। ক্ষতিগ্ৰস্ত হ’ব ভাৰতৰ বস্ত্ৰ, ৰত্ন, অলংকাৰ, মোবাইল ফোন, যন্ত্ৰপাতি, ঔষধ, ৰাসায়নিক সামগ্ৰী, কৃষি সামগ্ৰী, জোতা আদি শিল্প উদ্যোগত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
