অসম লাইভ ২৪ঃ ক’ৰোনাৰ সৈতে যুঁজিবলৈ এইবাৰ মুম্বাই আৰক্ষীৰ হাতত তুলি দিলে ‘হেল্থ ট্ৰেকিং ডিভাইচ’ অক্ষয় কুমাৰে। এই ডিভাইচৰ জৰিয়তে ক’ৰোনাৰ লক্ষণ শীঘ্ৰে জানিব পৰা যায়, ফলত ক’ৰোনাৰ সৈতে যুঁজিবলৈ আৰু সুৰক্ষিত হৈ থাকিব পাৰে মুম্বাই আৰক্ষী। মহাৰাষ্ট্ৰৰ কেবিনেট মন্ত্ৰী তথা মুখ্যমন্ত্ৰী উদ্ধৱ ঠাকৰেৰ পুত্ৰ আদিত্য থাকৰেই নিজৰ টুইটাৰ একাউণ্টৰ জৰিয়তে এই খবৰ জনাইছে। মুম্বাই পুলিচৰ সৈতে অক্ষয়ৰ এখন ফটো শ্বেয়াৰ কৰি আদিত্য ঠাকৰেয়ে লিখিছে ‘মুম্বাই আৰক্ষীৰ হাতত ‘ফিটনেছ হেল্থ ট্ৰেকিং ডিভাইচ’ তুলি দিছে অভিনেতা অক্ষয় কুমাৰে। এই ডিভাইচে শৰীৰত অক্সিজেনৰ পৰিমাণ, তাপমাত্ৰা আৰু হৃদপিণ্ডৰ গতি সম্পর্কে অৱগত কৰায়।’ ক’ৰোনাৰ সৈতে যুঁজ দিবলৈ এই ডিভাইচ অতি প্ৰয়োজনীয়। বিগত মাহত নাচিক আৰক্ষীক এই ডিভাইচ প্ৰদান কৰিছিল অভিনেতাগৰাকীয়ে। উল্লেখযোগ্য যে ইয়াৰ পূর্বে মুম্বাই আৰক্ষীক বিশেষ ৰিষ্ট বেন প্ৰদান কৰিছিল অক্ষয়ে। মুম্বাই আৰক্ষীক ১০০০টা ভাইটেল ৩.০ নামৰ এই বিশেষ ৰিষ্ট বেন দিছিল অক্ষয় কুমাৰে। এই বেনটিৰ নির্মাতা GOQUI। আৰু ইয়াৰ ব্ৰেণ্ড এম্বাচাদৰ অক্ষয় কুমাৰ। সংস্থাটোৰ দাবী ক’ৰোনা আক্ৰান্ত কোনো ব্যক্তি কাষলৈ আহিলে এই বেনৰ ক্ৰীণত ধৰা পৰে। কেৱল সেয়াই নহয়, ক’ৰোনাৰ সৈতে যুঁজিবলৈ মুম্বাইৰ পুলিচ ফাউণ্ডেচনক ২ কোটি টকা অর্থ সাহায্য আগবঢ়াইছে অক্ষয় কুমাৰে। ইয়াৰ উপৰিও প্ৰধানমন্ত্ৰী পিএম কেয়াৰত ২৫ কোটি, মুম্বাই মিউনিচিপাল ক’ৰ্পৰেছন (BMC)ক আর্থিক অনুদান আগবঢ়াইছিল বলীউড অভিনেতা অক্ষয় কুমাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
