প্ৰাক্তন বিজেপি নেত্ৰী তথা ৰাষ্ট্ৰীয় মুখপাত্ৰ নূপুৰ শৰ্মাই পগয়ম্বৰ হজৰত মহম্মদৰ বিষয়ে অপমান তথা আপত্তিজনক মন্তব্য কৰাৰ পিছতে আন্তঃৰাষ্ট্ৰীয় ৰাজনীতি উত্তাল হৈ পৰিছে৷
বিশেষকৈ মধ্য প্ৰাচ্যৰ কে’বাখনো ৰাষ্ট্ৰই বিজেপি দল আৰু ভাৰত চৰকাৰক জৱাবদিহি কৰিছে৷ মধ্য প্ৰাচ্যৰ কে’বাখনো ৰাষ্ট্ৰই ভাৰতক কূটনৈতিক হেঁচা প্ৰদান কৰাৰ পিছতে বিজেপিয়ে দলটোৰ দুই ৰাষ্ট্ৰীয় মুখপাত্ৰ নূপুৰ শৰ্মা আৰু নবীন কুমাৰ জিন্দালক প্ৰাথমিক সদস্য পদ খাৰিজ কৰাৰ লগতে বহিষ্কাৰ কৰিবলৈ বাধ্য হয়৷
ইফালে বিতৰ্কিত নেত্ৰীগৰাকীয়ে কোনো লোকৰ ধর্মীয় অনুভূতিত আঘাত কৰাৰ তেওঁৰ উদ্দেশ্য নাছিল বুলি স্পষ্টীকৰণ দি ক্ষমা খুজিবলৈ বাধ্য হয়৷ আনহাতে, নূপুৰ শৰ্মাৰ আৰু নবীন কুমাৰ জিন্দালৰ বিৰুদ্ধে বিজেপিয়ে কঠোৰ পদক্ষেপ গ্ৰহণ কৰিলেও ইছলামিক দল সংগঠনসমূহ ক্ষান্ত হোৱা নাই৷
লগতে পঢ়ক স্বাস্থ্যজনিত সমস্যা! EDৰ চমনক উপেক্ষা কৰিব নেকি ছোনিয়া গান্ধীয়ে?
বৰং পগয়ম্বৰ হজৰত মহম্মদক অপমান কৰাৰ বিৰুদ্ধে এইবাৰ গৰজি উঠিছে ইছলামিক সন্ত্ৰাসবাদী সংগঠন অল-কায়দা৷
বিশ্বৰ বিভিন্ন ৰাষ্ট্ৰত নেটৱৰ্ক থকা মধ্য প্ৰাচ্যৰ সন্ত্ৰাসবাদী সংগঠনটোৱে এক পত্ৰযোগে ৰাজধানীসহ চাৰিখন ৰাজ্যত ভয়ংকৰ আত্মঘাতী আক্ৰমণ সংঘটিত কৰাৰ ভাবুকি প্ৰদান কৰিছে৷
সন্ত্ৰাসবাদী সংগঠনটোৱে এখন পত্ৰৰ যোগেদি নবী হজৰত মহম্মদক অপমান কৰাৰ বিৰুদ্ধে ‘নবীৰ সন্মানৰ বাবে যুঁজ’ বুলি বৰ্ণনা কৰি দিল্লী, গুজৰাট, উত্তৰ প্ৰদেশ আৰু মুম্বাইত আত্মঘাতী আক্ৰমণ সংঘটিত কৰিব বুলি ভাবুকি প্ৰদান কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
