হাড় কপোঁৱা ঠাণ্ডা। তীব্ৰ ঠাণ্ডাত হ্ৰদৰ পানী বৰফলৈ ৰূপান্তৰ হৈছে। তাৰমাজতেই হঠাৎ এখন বিমান ভাঙি পৰিল। কিন্তু আশ্চৰ্যজনকভাৱে সেই বিমানৰ ভিতৰৰ পৰা প্ৰাণ ৰক্ষা পৰি ওলাই আহিল পাইলটসহ দুই বিমানযাত্ৰী। বৰফৰ মাজত বিমানৰ পাংখা সোমাই পৰি ১২ ঘণ্টা পৰ্যন্ত সেই পাংখাৰ ওপৰত ওলমি থকিল পাইলট আৰু দুটি শিশু। তেওঁলোকক জীৱিত অৱস্থাত দেখি চমকি উঠিল উদ্ধাৰকাৰী দলো। পাইলট আৰু দুই শিশুক লগে লগেই হাস্পতালত ভৰ্তি কৰাই উদ্ধাৰকাৰী দলে। কিন্তু অৱস্থা তিনিওৰে সুস্থিৰ বুলিয়েই জনাইছে উদ্ধাৰকাৰী দলে।
ঘটনা বিগত দেওবাৰৰ। আমেৰিকাৰ আলাস্কাৰ হিমবাহ গলা পানীৰ হ্ৰদৰ ওপৰত ভাঙি পৰিছিল সৰু বিমানখন। Piper PA-12 Super Cruiser বিমানখনত উঠি ফুৰিবলৈ ওলাই গৈছিল পাইলটসহ তেওঁৰ দুই কন্যা। বিমানত উঠি বৰফৰ সৌন্দৰ্য চাই থাকোতেই নামি আহিল বিভিষিকা। আকাশৰ পৰা হঠাৎ বিমানখনে নিয়ন্ত্ৰণ হেৰুৱাই হ্ৰদৰ ওপৰত পৰে। তাৰপিছতেই বিমানখনৰ দুৰ্ঘটনাৰ খবৰ লাভ কৰে চুবুৰীয়া এলেকাৰ লোকে। তেওঁলোকে লগে লগেই উদ্ধাৰকাৰী দলক খবৰো দিয়ে। কিন্তু উদ্ধাৰকাৰী দলে ধাৰণা কৰিব পৰা নাছিল যে তাত তিনি লোকক জীৱিত অৱস্থাত পাব।
উদ্ধাৰকাৰী দলৰ পাইলট টেৰি কোডছে এই সন্দৰ্ভত কয়, বেছ কিছু সময় আকাশত উৰাৰ পাছতেই বিমানখন ভাঙি পৰে। বিমানখন উদ্ধাৰৰ বাবে গৈ মই বুকুত এটা বিষ লৈ আহিছো। এই বিষ কি মই কৈ বুজাব নোৱাৰো। কাৰণ মই দুৰৈৰ পৰা প্ৰথমে দেখি ভাৱিছিলো এই বিমানত কোনো জীৱিত অৱস্থাত নাই। বিমানখন বৰফত আধাতকৈয়ো বেছি অংশ সোমাই আছে। মই বিমানখনৰ যেতিয়া একেবাৰে কাষ পাওঁ তেতিয়া দেখো যে বিমানৰ ওলাই থকা পাংখাখনত তিনিটা মানুহ ওলমি আছে। প্ৰথমে তেওঁলোক জীৱিত নে মৃত মই ধৰিব পৰা নাছিলো। চুই চাই গম পাও তিনিও জীয়াই আছে। প্ৰায় ১২ ঘণ্টা সময় হিমচেঁচা ঠাণ্ডাত তেওঁলোক তেনেকৈয়ে পৰি আছিল।
আলাস্কাৰ দক্ষিণ পশ্চিমত অৱস্থিত Tustumena নামৰ হ্ৰদত পূৰ্বেও বহুবাৰ বিমান দুৰ্ঘটনা হৈছে। আলাস্কাৰ ডিপাৰ্টমেণ্ট অফ ফিছ এণ্ড গেমে সেই হ্ৰদৰ ওপৰেৰে বিমান উৰুওৱাত নিষেধাজ্ঞাও জাৰি কৰিছে। হিমবাহ গলা পানীৰ এই হ্ৰদৰ চাৰিওফালে পাহাৰ আৰু পৰ্বতে ঘেৰি থকা। তাতেই বতাহৰ গতিৰো কিছু খেলিমেলি। ফলত নৌকা আৰু বিমানৰ দুৰ্ঘটনা হোৱাৰ আশংকাও খুবেই বেছি। শেহতীয়াকৈ দেওবাৰৰ এই বিমান কেনেকৈ দুৰ্ঘটনাত পতিত হল সেয়া বৰ্তমানো জানিব পৰা হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
