চলিত বছৰৰ শেষত ৫৫বছৰীয়া প্ৰেয়সীক বিয়া কৰাবলৈ সাজু হৈছে আমাজনৰ প্ৰতিষ্ঠাতা তথা এগজিকিউটিভ চেয়াৰমেন জেফ বেজোছ৷ দীৰ্ঘ ৮বছৰীয়া সম্পৰ্কত থকাৰ পাছত বান্ধৱী লৰেন ছাঞ্চেজক বিয়া কৰাবলৈ সাজু হৈছে বেজছ৷ সংবাদসূত্ৰৰ খবৰ অনুসৰি ডিচেম্বৰ মাহৰ ২৮ তাৰিখে বিবাহপাশত আৱদ্ধ হ’ব জেফ আৰু লৰেন৷ আমেৰিকাৰ কলোৰাডোৰ এস্পেইনত আয়োজিত হ’ব এই তাৰকাদ্বয়ৰ বিবাহ৷
জনা গৈছে যে সম্পৰ্কত থকাৰ সময়ত এস্পেইন চহৰত মাজে মাজে সময় কটাইছিল জেফ বেজোছ আৰু লৰেনে৷ এই চহৰত অধিকাংশ সময় দুজনক একেলগে দেখাও পাইছিল বহুজনে৷ সেয়ে নিজৰ নতুন জীৱন আৰম্ভ কৰাৰ বাবে সেই প্ৰিয় চহৰকেই বাচি লৈছে জেফ বেজছ আৰু লৰেনাই৷
২৮ ডিচেম্বৰত বিয়াৰ তাৰিখ চূড়ান্ত হ’লেও তেওঁ পূৰ্বৰ দুদিনৰ পৰাই এই অনুষ্ঠানৰ আৰম্ভ হ’ব বুলি জনাইছে৷ এস্পেইনৰ এক বিলাসবহুল ৰেস্তোৰাত দুদিন ধৰি চলিব অনুষ্ঠান৷ তাৰবাবে বিলাসবহুল হোটেলো ইতিমধ্যেই বুকিং হৈ গৈছে বুলিও সংবাদসূত্ৰই প্ৰকাশ কৰিছে৷
সংবাদমাধ্যমৰ সূত্ৰৰ পৰা জনা গৈছে যে বিয়া উপলক্ষে ৬০০ মিলিয়ন ডলাৰ ভাৰতীয় মুদ্ৰাত ৫ হাজাৰ ৯৭ কোটি ১৫ লাখ টকা খৰত হৈছে জেফ বেজছৰ৷ অতিথিৰ তালিকা অৱশ্যে বৰ বেছি দীঘল নহয় বেজছৰ৷ ঘনিষ্ঠ সূত্ৰৰ খবৰ অনুসৰি জেফ আৰু লৰেনৰ বিয়াত মুঠ ১৮০ জন অতিথি নিমন্ত্ৰিত হৈছে৷ বিবাহৰ অনুষ্ঠানত থাকিব দেশী বিদেশী কেইবাজনো তাৰকা৷ সেই তালিকাত থাকিব জৰ্ডানৰ ৰানীৰ পৰা হলীউডৰ নায়কো৷
জেফ বেজছে তেওঁৰ বিয়াত নিমন্ত্ৰণ জনাইছে মাইক্ৰছফ্টৰ কৰ্তা বিল গেটছকো৷ হলীউড অভিনেতা লিঅ’নাৰ্ডো ডিকপ্ৰিঅ’ৰ ওপৰিও একাধিক তাৰকাক দেখা যাব পাৰে জেফ আৰু লৰেনৰ বিবাহৰ অনুষ্ঠানত৷ জৰ্ডানৰ ৰানী কুইন ৰাণীকো নিমন্ত্ৰণ জনাইছে জেফ আৰু লৰেনে৷ ১৯৬৯ চনৰ ডিচেম্বৰ মাহত নিউ মেক্সিকোৰ আলবুকাৰ্কত জন্ম লৰেনৰ৷ বৰ্তমান তেওঁৰ বয়স ৫৫ বছৰ৷ লৰেনৰ কৰ্মজীৱন আৰম্ভ হৈছিল সাংবাদিক হিচাপে৷ একাধিক শ্ব’ৰ সঞ্চালিকা হিচাপেও কাম কৰিছে তেওঁ৷
দ্যা লঙ্গেষ্ট ইয়াৰ্ড, ফাইট ক্লাব, ফেণ্টাষ্টিক ফোৰ আৰু টেড-২ নামৰ একাধিক হলীউড ছবিত অভিনয় কৰা দেখা গৈছে লৰেনক৷ এক বিখ্যত পত্ৰিকাৰ বিচাৰত বিশ্বৰ প্ৰথম ৫০গৰাকী সুন্দৰী মহিলাৰ তালিকাত আছে লৰেন৷ ২০১৬ চনত প্ৰযোজনা সংস্থা খোলে লৰেনে৷ বিমানকৰ্মী হিচাপে কেৰিয়াৰ গঢ়াৰ ইচ্ছা আছিল তেওঁৰ৷ কিন্তু ওজন বেছি হোৱাৰ বাবে সেই ইচ্ছা পূৰণ নহ’ল বুলিও তেওঁ এক সাক্ষাৎকাৰত জনাইছিল৷
২০০৫ চনত হলীউডৰ এজেণ্ট পেট্ৰিক হোৱাইটছেলক বিয়া কৰাই লৰেনে৷ বিবাহৰ পাছত ২০০৬ চনত পুত্ৰসন্তান ইভান আৰু ২০০৮ চনত কন্যাসন্তান এলাৰ জন্ম দিয়ে তেওঁ৷ ২০১৮ চনত জেখৰ সৈতে বিবাহ বহিৰ্ভূত সম্পৰ্কত সোমাই পৰে লৰেন৷ যাৰবাবে তীব্ৰ সমালোচনাৰো সন্মুখীন হৈছিল লৰেন৷ ২৫ বছৰ পাছত মেকেঞ্জি স্কটৰ সৈতে বিবাহত আছিল জেফ বেজছো৷ লৰেনৰ কাৰণেই জেফ আৰু মাকেঞ্জিৰ ২৫ বছৰীয়া দাম্পত্য জীৱনৰ ছেদ হয়৷
জেফ আৰু মেকেঞ্জিৰ বিচ্ছেদ আছিল বিশ্বৰ সকলোতকৈ দামী বিচ্ছেদ৷ মেকেঞ্জিৰ সৈতে বিচ্ছেদৰ পাছত ২০২৩ চনৰ মাৰ্চ মাহৰ পৰা ঘৰ ভাড়া কৰি সংগী লৰেনৰ লগত আছিল জেফ৷ তাৰবাবে তেওঁ প্ৰায় ৫কোটি টকা ভাড়াও দিব লাগিছিল জেফ বেজছে৷ বিবাহৰ পূৰ্বে তেওঁৰ বিয়া ভঙাৰ মূল্য কিমান হ’ব সেই বিষয়টোক লৈ চৰ্চা হৈছিল সংবাদমাধ্যমত৷ প্ৰিনাপ নামৰ এক চুক্তিপত্ৰত স্বাক্ষৰ কৰিছিল জেফ আৰু লৰেন দুজনেই৷ তাতেই কোৱা গৈছে যে বিবাহ নিটিকিলে বিশাল অংকৰ ক্ষতিপূৰণ পাব লৰেনে৷
জেফৰ প্ৰাক্তন পত্নী মেকেঞ্জিয়ে বিবাহবিচ্ছেদৰ পাছত প্ৰায় ৩১৪ কোটি ৩২ লাখ ৪৬ হাজাৰ টকা ক্ষতিপূৰণ পাইছিল৷ ইয়াৰ সৈতে আমাজনৰ যৌথ মালিকানাৰ ২০০ লাখ শ্বেয়াৰ৷ সেই ঘটনাৰ পুনৰাবৃত্তি যাতে নহয় তাৰবাবে বিয়াৰ পূৰ্বৰে পৰাই চুক্তি ৰাখিছে জেফে৷ ২০২৩ চনৰ মে মাহত জেফ আৰু লৰেন ফ্ৰান্সৰ দক্ষিণলৈ ছুটি কটাবলৈ গৈছিল৷ তাতেই এক প্ৰমোদতৰীত লৰেনক ২১ কোটি ১১ লাখ টকাৰ এটা গোলাপী হীৰাৰ আঙঠি দি বিবাহৰ প্ৰস্তাৱ দিছিল আমাজন কৰ্তাই৷ সেই বিৰল হীৰাটো ২০ কেৰেটৰ৷
জেফ আৰু লৰেনৰ বাগদান অনুষ্ঠানটিও কম আকৰ্ষণীয় নাছিল৷ ৪ হাজাৰ কোটিৰ বিলাসবহুল প্ৰমোদতৰী কুৰুত বাগদত্তাৰ সৈতে আঙঠিসলনি পৰ্ব কৰিছিল জেফে৷ বিশ্বৰ অন্যতম ধনকুবেৰ জেফৰ প্ৰমোদতৰীও যেন বিলাসিতাৰে ভৰা৷ ছুইমিং পুলৰ পৰা হেলিপে়ড, কি নাই তাত?
জেফৰ দৰে লৰেনো মহাকাশ অভিযানক লৈ অত্যন্ত উৎসাহী৷ লৰেনে নিজে বিমান আৰু হেলিকপ্টাৰ চলোৱাৰ প্ৰশিক্ষণ দিছে৷ আগন্তুক দিনত জেফৰ মহাকাশ অভিযান সংস্থা ব্লু অৰিজিনৰ সৈতে মহাকাশলৈ যোৱাৰো পৰিকল্পনা কৰিছে তেওঁ৷ বিবাহক লৈ জেফে নিজৰ এক্স হেণ্ডেলত লিখিছে, ‘সমগ্ৰ বিষয়টো একদমেই সঁচা নহয়৷ একোৱেই ঘটা নাই৷ এইবোৰ বিশ্বাস নকৰিব৷ দিনৰ পাছত দিন একে খবৰেই নিজেও দেখি আছো৷ সত্যতকৈ অসত্য বাতৰি বেছিকৈ ভাইৰেল হৈছে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
