অসম লাইভ২৪ঃ এটাৰ পাছত আনটো ৰক্তক্ষয়ী যুদ্ধৰ সাক্ষী হৈছে বিশ্ববাসী। গাজাত এতিয়া কেৱল গোলা-বাৰুদ আৰু বিস্ফোৰণৰ শব্দ। আনফালে ৰাছিয়া-ইউক্ৰেইনতো একেই পৰিবেশ। সেই যুদ্ধৰো এতিয়ালৈকে যতি পৰা নাই। এই সকলোবোৰ পৰ্যবেক্ষণ কৰি বহু সামৰিক বিশেষজ্ঞই কৈছে এয়া তৃতীয় বিশ্বযুদ্ধৰেই আৰম্ভণি। এই যুদ্ধত শেষ হৈ যাৰ অৰ্ধ পৃথিৱী? ইউক্ৰেইন-ৰাছিয়া আৰু ইজৰাইল-গাজাৰ যুদ্ধৰ শেষ কেতিয়া হ’ব কোনেও নাজানে।
পৃথিৱীৰ দুই শক্তিশালী দেশ ৰাছিয়া আৰু আমেৰিকা এই দুই যুদ্ধৰ সৈতে ওতপ্ৰোতভাৱে জড়িত। যাৰবাবে বহুতেই তৃতীয় বিশ্বযুদ্ধৰ উকমুকনিও দেখা পাইছে। পৃথিৱীৰ ভিতৰত ৰাছিয়া আৰু আমেৰিকা দুই দেশৰ হাততেই সৰ্বাধিক অস্ত্ৰ আছে। দেশৰ সামৰিক শক্তি পৰিমাপৰ অন্যতম মানদণ্ড হৈছে পাৰমানৱিক অস্ত্ৰৰ সংখ্যা। বিশেষজ্ঞমহলৰ একাংশৰ মত, আমেৰিকা, ৰাছিয়াই মুক্তভাৱে যুদ্ধৰ ঘোষণা কৰিলেই আৰম্ভ হ’ব তৃতীয় বিশ্বযুদ্ধ। সামৰিক সৰঞ্জামৰ নিৰিখত ৰাছিয়া, আমেৰিকা কোনোখন দেশেই কম নহয়। এতিয়াও দুই দেশৰ মাজত সামৰিক অস্ত্ৰৰ প্ৰতিদ্বন্দিতা অব্যাহত আছে। এখন দেশে আনখন দেশতকৈ শক্তিশালীৰ পৰা অতিশক্তিশালী পাৰমাণবিক বোমা তৈয়াৰ কৰাৰো প্ৰতিযোগিতা অব্যাহত ৰাখিছে।
সম্প্ৰতি আমেৰিকাই এনে এক পাৰমাণৱিক বোমা তৈয়াৰ কৰিছে যি বোমা ১৯৪৫ চনত হিৰোছিমাৰ ওপৰত পেলোৱা বোমাতকৈ ২৪ গুণ শক্তিশালী হ’ব বুলিও জনাইছে আমেৰিকাৰ এক সূত্ৰই। নিউজ ওইকৰ এক প্ৰতিবেদনত প্ৰকাশ কৰামতে, ‘এয়া মস্কোৰ ওপৰত নিক্ষেপ কৰিলে তিনি লাখতকৈয়ো বেছি মানুহৰ মৃত্যু হ’ব। আহত হ’ব প্ৰায় ৮.৬৮ লাখ মানুহ। এই পাৰমাণৱিক বোমা ১৯৬০ৰ দশকত হোৱা শিতল যুদ্ধৰ সময়ত তৈয়াৰ কৰা এক ধৰণৰ B6 1 গ্ৰেভিটি বোমা। পেণ্টাগনৰ এক প্ৰেছ বিজ্ঞাপ্তিত জনোৱা অনুসৰি, বাইডেনৰ অস্ত্ৰ কোষাগাৰত সংৰক্ষিত হৈ আছে এই বোমা। আমেৰিকাক তেওঁৰ প্ৰতিপক্ষৰ বিৰুদ্ধে শক্তিশালী কৰি তুলিবলৈ আৰু মিত্ৰসকলৰ আস্থা বজায় ৰখাত সহায়ক হ’বলৈকে এই বোমা কাৰ্যক্ষম কৰি ৰাখিছে আমেৰিকাই।’
অৱশ্যে বৰ্তমান পৰ্যন্ত আমেৰিকাই এই বোমাৰ শক্তিৰ বিষয়ে উল্লেখ কৰা নাই। অৱশ্যে এই বোমা নিৰ্মাণৰ কাম প্ৰত্যক্ষ কৰা লোকৰ মতে B6 ১-৭ৰ স্তৰতো বিস্ফোৰণ ঘটাব পাৰিব এই বোমাই। B6১-৭ পাৰমাণবিক বোমাৰ ফলন আছিল ৩৬০ কিলোটন TNT কিলোটনৰ সমান। এয়া দ্বিতীয় বিশ্বযুদ্ধৰ সময়ত জাপানৰ হিৰোছিমাত পেলোৱা ১৫ কিলোটন বোমাৰ ধাৰণক্ষমতাতকৈ ২৪ গুণ বেছি। এই বোমা যদি কোনো এলেকাত নিক্ষেপিত হয় লগে লগেই সেই এলেকা ধূলিস্যাৎ হৈ পৰিব। বোমা বিস্ফোৰণৰ স্থানৰ পৰা আধা কিঃমিঃ ব্যাসাৰ্ধত থকা সকলোবোৰ নিমিষতে ধুলি হৈ পৰিব। এটাও ঘৰ, অট্টালিকা নাথাকিব। বিস্ফোৰণৰ স্থানৰ পৰা প্ৰায় ডেৰ কিঃমিঃ ব্যাসাৰ্থৰ ভিতৰত সকলোৰে মৃত্যু নিশ্চিত। বিস্ফোৰণৰ স্থানৰ পৰা ৩.২ কিঃমিঃ দূৰত্বত থকা সকলোৰে এক মাহৰ ভিতৰত মৃত্যু নিশ্চিত।
উল্লেখ্য যে, এই পাৰমাণৱিক বোমা ইমানেই শক্তিশালী যে যি এলেকাত এই বোমা নিক্ষেপিত হয় তাৰপৰা ৩.২ কিঃমিঃৰ ভিতৰত থকা সকলো ব্যক্তিৰ ওপৰতেই বিকিৰণৰ প্ৰভাৱ পৰিব। বিকিৰণৰ প্ৰভাৱ ইমানেই বেছি হ’ব যে পৰবৰ্তী এক মাহৰ ভিতৰত সেই সকল ব্যক্তিৰো মৃত্যু অৱধাৰিত। বাকী ১৫ শতাংশ মানুহৰ কৰ্কটত মৃত্যু হোৱাৰ আশংকা বাঢ়িব। ২ কিঃমিঃ এলেকাৰ ভিতৰত এটা বোমা বিস্ফোৰণ হ’লে সকলো ঘৰ লগে লগেই ধুলি হৈ পৰিব। জুইয়ে দহি চাই কৰি পেলাব সকলো ব্যক্তিক। দুৰাৰোগ্য ৰোগত আক্ৰান্ত হোৱা ব্যক্তিৰ সংখ্যাও বাঢ়ি যাব। অৱশ্যে বৰ্তমানলৈকে আমেৰিকাই কোনোধৰণৰ পাৰমানৱিক আক্ৰমণৰ ঘোষণা কৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
