জম্মু-কাশ্মীৰত প্ৰথম পৰ্যায়ৰ নিৰ্বাচনৰ ভোটগ্ৰহণ সমাপ্ত হৈছে৷ জম্মুৰ-নিৰ্বাচনী ধামখুমীয়াৰ মাজতেই শনিবাৰে (২১ ছেপ্টেম্বৰ) জম্মুত উপস্থিত হৈছে কেন্দ্ৰীয় গৃহমন্ত্ৰী অমিত শ্বাহ। ইয়াৰ মাজতে এক সমাৱেশত ভাষণ দিওঁতে এক বৃহৎ ঘোষণা কৰিছে গৃহমন্ত্ৰী অমিত শ্বাহে। গৃহমন্ত্ৰী অমিত শ্বাহে কয়, ‘ঈদ আৰু মহৰমত দুটাকৈ গেছ চিলিণ্ডাৰ বিনামূলীয়াকৈ আপোনালোকক দিম৷’
মান্ধাৰৰ এখন ৰাজহুৱা সভাত ভাষণ প্ৰসংগত কেন্দ্ৰীয় গৃহমন্ত্ৰী অমিত শ্বাহে কয়, ‘জম্মু-কাশ্মীৰত আব্দুল্লা, মুফতি আৰু নেহৰু-গান্ধী পৰিয়ালে ৯০ৰ দশকৰ পৰা এতিয়ালৈকে সন্ত্ৰাসবাদ বিয়পাইছে। একে সময়তে নৰেন্দ্ৰ মোদী নেতৃত্বাধীন বিজেপি চৰকাৰে জম্মু-কাশ্মীৰৰ পৰা সন্ত্ৰাসবাদৰ অন্ত পেলাইছে। ইয়াৰ যুৱক-যুৱতীসকলৰ হাতে হাতে শিলৰ সলনি লেপটপ তুলি দিয়া হৈছে।
জম্মু-কাশ্মীৰত শেষ হ’বলৈ ওলাইছে তিনিটা পৰিয়ালৰ শাসন
গৃহমন্ত্ৰী অমিত শ্বাহে কয়, ‘এই নিৰ্বাচনে জম্মু-কাশ্মীৰৰ তিনিটা পৰিয়ালৰ শাসনৰ অন্ত পেলাব। আব্দুল্লা পৰিয়াল, মুফতি পৰিয়াল আৰু নেহৰু-গান্ধী পৰিয়াল, এই তিনিটা পৰিয়ালে ইয়াত গণতন্ত্ৰক নিয়ন্ত্ৰণত ৰাখিছিল। ২০১৪ চনত যদি মোদী চৰকাৰ নাহিলে পঞ্চায়ত, ব্লক আৰু জিলা নিৰ্বাচন অনুষ্ঠিত নহ’লহেঁতেন।’
অবিচি, পিছপৰা শ্ৰেণী, পাহাৰীয়াসকলে লাভ কৰিলে সংৰক্ষণ
কেন্দ্ৰীয় গৃহমন্ত্ৰী অমিত শ্বাহে আৰু কয়, ‘মোদী অহাৰ পিছতে অ’বিচি, পিছপৰা শ্ৰেণী, পাহাৰীয়াবাসীয়ে সংৰক্ষণ পালে। মই যেতিয়া বিধেয়কখন দাখিল কৰিছিলো তেতিয়া ফাৰুক আব্দুল্লাৰ দলটোৱে প্ৰতিবাদ কৰি ইয়াত গুৰজাৰ ভাইসকলক উচটনি দিবলৈ আৰম্ভ কৰিছিল। ৰাজৌৰীলৈ আহোঁতে মই প্ৰতিশ্ৰুতি দিছিলোঁ যে আমি গুৰ্জাৰ ভাইসকলৰ সংৰক্ষণৰ ব্যৱস্থা কৰিমেই৷ আৰু পাহাৰীয়া লোকসকলকো সংৰক্ষণ দিম৷ আমি সেই প্ৰতিশ্ৰুতি পালন কৰিলোঁ। কংগ্ৰেছে কয় যে আমি সংৰক্ষণৰ অন্ত পেলাম, আনহাতে, বিজেপিয়ে কৈছে যে আমি গুৰ্জাৰ বাকৰৱাল আৰু পাহাৰীসকলক সকলোতে সংৰক্ষণ দিম।’
যুৱকৰ হাতৰ পৰা শিল কাঢ়ি নিলে পিএম মোদীয়ে
অমিত শ্বাহে কয় যে, মোদীজীয়ে জম্মু-কাশ্মীৰৰ যুৱকৰ হাতৰ পৰা শিল কাঢ়ি লৈছে। ফাৰুক আব্দুল্লাই লণ্ডনত হলিডে পালন কৰে৷ তেওঁলোকে কয়, আমি সংৰক্ষণ শেষ কৰিম, কিন্তু আমাৰ চৰকাৰে সংৰক্ষণ দিবলৈ কাম কৰিব। ইয়াৰোপৰি
মহিলাৰ একাউণ্টত ১৮ হাজাৰ টকাকৈ দিয়া হ’ব। আনহাতে, ঈদৰ দিনা ২ চিলিণ্ডাৰ দিয়া হ’ব। ইয়াৰ উপৰিও আমি ৫০০ ইউনিট বিদ্যুৎ বিনামূলীয়াকৈ যোগান ধৰিম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
