লিভাৰৰ সমস্যা ক্ৰমান্বয়ে সাধাৰণ হৈ পৰিছে। বিশেষকৈ ফেটি লিভাৰত আক্ৰান্ত ৰোগী দ্ৰুতগতিত বৃদ্ধি পাইছে। যকৃতৰ ৰোগে পুৰুষ আৰু মহিলা উভয়কে আক্ৰান্ত কৰে, কিন্তু মহিলাৰ ক্ষেত্ৰত ইয়াৰ লক্ষণ বেলেগ বেলেগ নেকি? কাৰ বিপদ বেছি? এই সকলোবোৰৰ বিষয়ে আমি বিশেষজ্ঞৰ পৰা জানো আহক। বিশেষজ্ঞসকলৰ মতে মহিলাৰ কিছুমান ক্ষেত্ৰত লক্ষণ আৰু বিপদৰ পাৰ্থক্য থাকিব পাৰে। পৰিৱৰ্তিত জীৱনশৈলীৰ বাবে মহিলাৰ লিভাৰৰ ৰোগৰ লক্ষণৰ ধৰণ কিছু বেলেগ দেখা গৈছে।
কিছুমান বিশেষ কাৰকে মহিলাৰ লিভাৰৰ ৰোগৰ সম্ভাৱনা বৃদ্ধি কৰিব পাৰে ৷ হৰম’নৰ পৰিৱৰ্তন, মেদবহুলতাই লিভাৰৰ ৰোগৰ সম্ভাৱনা বৃদ্ধি কৰে। কিছুমান ক্ষেত্ৰত ডায়েবেটিছে লিভাৰতো প্ৰভাৱ পেলায়।
মহিলাৰ লিভাৰৰ ৰোগৰ লক্ষণ বেলেগ বেলেগ নেকি?
বিশেষজ্ঞসকলে কয় যে লিভাৰ ৰোগৰ বহু লক্ষণ পুৰুষ আৰু মহিলাৰ ক্ষেত্ৰত একে যদিও মহিলাৰ ক্ষেত্ৰত কিছুমান বেলেগ হ’ব পাৰে, যেনে অনিয়মিত মাহেকীয়া আৰু হৰম’নৰ সমস্যা। ইয়াৰ বাহিৰেও বেছিভাগ লক্ষণ পুৰুষৰ দৰেই, যেনে, অনবৰতে ভাগৰুৱা আৰু দুৰ্বলতা, পেটত ফুলা বা গধুৰ হোৱা, চকু হালধীয়া হোৱা (জণ্ডিচ), ভোক নলগা আদি। বহু ক্ষেত্ৰত মহিলাসকলে এই লক্ষণসমূহ স্বাভাৱিক ক্লান্তি বা হৰম’নৰ পৰিৱৰ্তন বুলি ভাবি আওকাণ কৰে, যাৰ বাবে এই ৰোগ পলমকৈ ধৰা পৰে। বহু ক্ষেত্ৰত যকৃতৰ যথেষ্ট ক্ষতি হোৱাৰ পিছতহে ৰোগী চিকিৎসাৰ বাবে চিকিৎসালয়লৈ আহে।
সময়মতে চিনাক্তকৰণ কিয় গুৰুত্বপূৰ্ণ?
লিভাৰ হৈছে এনে এটা অংগ যিয়ে বেমাৰ নোহোৱাকৈ দীৰ্ঘ সময় ধৰি কাম কৰিব পাৰে। ইয়াৰ বাবে লক্ষণসমূহ সহজে দেখা নাপাবও পাৰে। বহু ক্ষেত্ৰত এই অৱস্থা আনকি চিৰ’ছিছলৈও আগবাঢ়িব পাৰে। গতিকে লিভাৰৰ ক্ষতিৰ লক্ষণসমূহৰ ওপৰত চকু ৰাখিব। ইয়াক সহজভাৱে ল’ব নালাগে। যদি ইয়াৰ লগত লিভাৰৰ ক্ষতিৰ আন লক্ষণ দেখা দিয়ে তেন্তে চিকিৎসকৰ পৰামৰ্শ লওক।
কেনেকৈ প্ৰতিৰোধ কৰিব পাৰি?
- খাদ্যৰ যত্ন লওক
- দৈনিক ব্যায়াম কৰক
- আপোনাৰ ওজন নিয়ন্ত্ৰণত ৰাখক
- গৰ্ভাৱস্থাৰ সময়ত বিশেষ সাৱধানতা অৱলম্বন কৰিব লাগে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
