আগষ্ট মাহ মেষৰ বাবেই… ধন লাভৰ যোগ আছে যদিও ব্যয়ে পেলাব চিন্তাত, জানক কেনে হ’ব মেষৰ দিন?

আগষ্ট মাহত মেষ ৰাশিৰ জাতকৰ বেছ উন্নতিৰ সম্ভাৱনা আছে৷ কিছু কিছু ক্ষেত্ৰত অৱশ্যে সতৰ্ক হোৱাটোও খুবেই প্ৰয়োজন৷ বৃদ্ধিপ্ৰাপ্ত ব্যয় নিয়ন্ত্ৰণ কৰক৷ ইয়াৰোপৰি স্বাস্থ্যৰ বিশেষ যত্ন লওক৷ এই মাহত অৰ্থলাভৰ যোগ আছে এই ৰাশিৰ জাতকৰ৷ কেৰিয়াৰৰ বাবে এই সময় অনুকূল৷ পৰিশ্ৰমৰ মাধ্যমেৰে নিজৰ স্থান সুদৃঢ় কৰাত সফল হ’ব৷ ব্যৱসায়ত সহায় লাভ কৰিব৷ এনে কিছু ব্যক্তিৰ সৈতে আপোনাৰ সাক্ষাৎ ঘটিব যিয়ে আপোনাক প্ৰভাৱিত কৰিব৷ প্ৰেমৰ সম্পৰ্ক গভীৰ হ’ব৷ দাম্পত্য জীৱনৰ বাবে এই সময় ভাল৷ বিদেশ যাত্ৰাৰ সপোন পূৰণ হ’ব৷ আগষ্ট মাহ মেষ ৰাশিৰ জাতকৰ কেনে যাব কোন কোন  ক্ষেত্ৰত লাভৱান হ’ব জানি থওক পূৰ্বেই৷

মেষৰ কেৰিয়াৰ

কেৰিয়াৰৰ দিশৰ পৰা মেষ ৰাশিৰ জাতকৰ আগষ্ট মাহ অনুকূল থাকিব৷ কৰ্মক্ষেত্ৰত অধিক পৰিশ্ৰম কৰিব৷ নতুন দায়িত্ব পাব এই ৰাশিৰ জাতকে৷ ভালধৰণে নিজৰ কাম সম্পন্ন কৰিব পাৰিব মেষ ৰাশিৰ জাতকে৷ নিজৰ স্বাস্থ্যক উপেক্ষা কৰি দিনে ৰাতিয়ে পৰিশ্ৰম কৰিব৷ বৰিষ্ঠ অধিকাৰীসকলে আপোনাৰ পৰিশ্ৰমক প্ৰশংসা কৰিবলৈ বাধ্য হ’ব৷ এই মাহত পদলাভ সম্ভৱ৷ আপোনাৰ অধিকাৰ বৃদ্ধি পাব৷ বেকাৰ যুৱকে চাকৰি লাভ কৰিব পাৰে৷ ইয়াৰোপৰি চাকৰি পৰিবৰ্তনৰ চেষ্টাতো সফল হ’ব৷ কৰ্মক্ষেত্ৰত সহকৰ্মীৰ সহযোগীতা পাব৷ মাহৰ দ্বিতীয়াৰ্ধত বিৰোধীসকলৰ পৰা কিছু সতৰ্কতা অৱলম্বন কৰক৷

ব্যৱসায়ীসকলৰ বাবেও এই সময় শুভ৷ যোগ্যতা অনুসৰি ব্যৱসায় সম্প্ৰসাৰণ কৰিব পাৰিব৷ বজাৰত সুনাম অৰ্জন হ’ব৷ নতুন ব্যক্তিৰ সৈতে যোগাযোগ গঢ়ি উঠিব, বহুতেই আপোনাৰ ব্যৱসায়ত অংশীদাৰ হ’ব৷ ব্যৱসায়িক পৰিকল্পনা সফল হ’ব৷ ব্যৱসায় বিস্তাৰৰ পথ প্ৰশস্ত হ’ব৷ ব্যৱসায়ত ব্যয় বাঢ়িব৷ মাহৰ মাজসময়ত চৰকাৰী ক্ষেত্ৰৰ মাধ্যমেৰে ব্যৱসায়ীয়ে ভাল মুনাফা অৰ্জন কৰিব পাৰে৷

আৰ্থিক ৰাশিফল

আৰ্থিক জীৱনত বিস্তৰ উঠাপৰা থাকিব৷ অৰ্থলাভৰ চেষ্টা চলাই যাওক সফল হ’বই৷ ভাল পৰিমাণৰ আমদানি বৃদ্ধি হ’ব৷ দৈনন্দিন আয় বাঢ়িব৷ চেষ্টাৰ দ্বাৰা অধিক ধনলাভৰ যোগ তৈয়াৰ হ’ব৷ ৰাহুৰ প্ৰভাৱত ব্যয় নিয়ন্ত্ৰণ কৰা সম্ভৱ হ’ব৷ কাৰণ ব্যয় নিয়ন্ত্ৰণ কৰিব নোৱাৰিলে আৰ্থিক সংকটে দেখা দিব পাৰে৷ মাহৰ প্ৰথম দিশত বৃহস্পতিয়ে আপোনাৰ আৰ্থিক পৰিস্থিতি মজবুত কৰিব৷ সম্পত্তি সংক্ৰান্তিয় বিষয়ত সাফল্য লাভ কৰিব পাৰিব৷ পৰিয়ালত ধন-সম্পত্তিৰ আগমনৰ যোগ আছে৷ অৰ্থ লাভ কৰিব পাৰিব৷ চৰকাৰী ক্ষেত্ৰৰ মাধ্যমেৰে লাভ সম্ভৱ৷ ব্যৱসায়ত লাভৰ যোগ আছে৷

স্বাস্থ্য ৰাশিফল

স্বাস্থ্যৰ বিশেষ যত্ন লওক এই মাহত৷ আগষ্টৰ শেষৰ দিনা স্বাস্থ্যোন্নতি হ’ব৷ ৰোগ প্ৰতিৰোধ ক্ষমতা বৃদ্ধি পাব৷ কিন্তু মাজে মাজে স্বাস্থ্যজনিত সমস্যাই আপোনাক চিন্তিত কৰি তুলিব পাৰে৷ নিজৰ প্ৰতি বেপৰোৱা হৈ উঠিব পাৰে যাৰবাবে আপোনাৰ স্বাস্থ্য সমস্যা বাঢ়িব৷ নিজৰ যত্ন লওক৷ প্ৰয়োজনত চিকিৎসকৰ পৰামৰ্শ লওক৷

প্ৰেমত কেনে?

আগষ্ট মাহত মেষ ৰাশিৰ জাতকৰ প্ৰেম আৰু দাম্পত্য জীৱন গভীৰ হ’ব৷ প্ৰেম জীৱনত ৰোমান্স বাঢ়িব৷ এজনে আনজনক নতুন উপহাৰো দিব পাৰে৷ প্ৰেমিক-প্ৰেমিকে এজনে আনজনৰ সৈতে ভাল সময় কটাব৷  দাম্পত্য জীৱনত মাধুৰ্যতা বৃদ্ধি পাব৷ স্বামী-স্ত্ৰীৰ মাজত ৰোমান্স আৰু ভালপোৱা বাঢ়িব৷ পুৰণি সমস্যাৰ পৰা মুক্তি পাব এই ৰাশিৰ জাতকে৷ জীৱনসংগীৰ বাবে অৰ্থ ব্যয় কৰিব লাগিব৷ তেওঁৰ স্বাস্থ্যজনিত সমস্যা হ’ব পাৰে৷ দাম্পত্য জীৱনত অৱসাদ বৃদ্ধি পাব পাৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ