তেওঁৰ কণ্ঠৰ জাদুত মুগ্ধ বিশ্ব৷ গানৰ বিশ্বত তেওঁ যেন একক সম্ৰাট৷ অৰিজিৎ সিং এটা প্ৰজন্মৰ আৱেগৰ নাম৷ চিনেমাত গীত গোৱাৰ ওপৰিও দেশ-বিদেশত তেওঁ কনছাৰ্ট কৰে৷ প্ৰায় দৈনিকেই চলি থাকে তেওঁৰ গানৰ কাম৷ আগষ্ট মাহতো কেইবাটাও কনছাৰ্টৰ বাবে চুক্তিবদ্ধ হৈ আছিল অৰিজিৎ৷ ব্ৰিটেইনৰ বিভিন্ন স্থানত অনুষ্ঠান পৰিবেশনৰ কথা আছিল অৰিজিতৰ৷
কিন্তু হঠাৎ সকলো অনুষ্ঠান বাতিলৰ সিদ্ধান্ত লৈ বিশেষ পোষ্ট শ্বেয়াৰ কৰিছে অৰিজিৎ সিঙে৷ তেওঁ কাৰণত উল্লেখ কৰিছে যে, তেওঁ বৰ্তমান অসুস্থ৷ অসুস্থতাৰ বাবে তেওঁ অনুষ্ঠান পৰিবেশন কৰিব নোৱাৰিব৷ সেয়ে সামাজিক মাধ্যমযোগে সকলোৰে ওচৰত ক্ষমা খুজিছে অৰিজিতে৷
https://www.instagram.com/reel/C-IZ_UgShex/?utm_source=ig_web_copy_link
সামাজিক মাধ্যমত দিয়া বিবৃত্তিত অৰিজিৎ সিঙে লিখিছে, ‘সকলোকে অত্যন্ত দুঃখেৰে জনাও যে শাৰীৰিক অসুস্থতাৰ কাৰণে আগষ্টত হ’বলগীয়া সমস্ত শ্ব’ পিছুৱাই দিছো৷ মই জানো আপোনালোকে মোৰ শ্ব’ৰ বাবে অপেক্ষা কৰি আছিল৷ মই তাৰবাবে আপোনালোকৰ ওচৰত ক্ষমা বিচাৰিছো৷ আপোনালোকৰ ভালপোৱা আৰু সমৰ্থনেই মোৰ একমাত্ৰ শক্তি৷ এই থমকি ৰোৱা সময়ৰে পৰাই মই নতুন প্ৰতিজ্ঞা লৈছো৷ ইয়াৰ পাছত আমাৰ যি সাক্ষাৎ হ’ব সেয়া স্মৰণীয় হ’ব৷’
অৰিজিতৰ শ্ব’ আছিল লণ্ডন, বাৰ্মিংহাম, মানচেষ্টাৰ ইত্যাদি ঠাইত৷ আগষ্ট মাহৰ পৰিবৰ্তে এই শ্ব’সমূহ হ’ব ছেপ্টেম্বৰৰ ১৫ৰ পৰা ২২ তাৰিখৰ ভিতৰত৷ পষ্ট’টোৰ শেষত অৰিজিতে লিখিছে, ‘পৰিস্থিতি বুজাৰ বাবে আপোনালোকক ধন্যবাদ৷ আপোনালোকৰ সৈতে এক সুখময় স্মৰণীয় মুহূৰ্তৰ বাবে মই উদগ্ৰীৱ হৈ আছো৷’ সকলোবোৰৰ মাজত অসুস্থতা কি সেয়া প্ৰকাশ কৰা নাই গায়কজনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
