এফালে ভাৰতীয় ক্ৰিকেট দলে অষ্ট্ৰেলিয়াৰ মাটিত বৰ্ডাৰ গাভাস্কাৰ ট্ৰফিৰ বাবে পাঁচ মেচৰ টেষ্ট চিৰিজ খেলিছে৷ অন্যহাতে ভাৰতীয় ক্ৰিকেট জগতত এক চাঞ্চল্যকৰ আপডেট সন্মুখলৈ আহিছে৷ তাতেই ভাৰতীয় ক্ৰিকেট দলৰ বিশ্বকাপজয়ী এজন খেলুৱৈ সন্মুখীন হৈছে ডাঙৰ সমস্যাৰ৷ কেৱল সেয়াই নহয়, তেওঁৰ বিৰুদ্ধে গ্ৰেপ্তাৰী পৰোৱানাও জাৰি হৈছে৷
গ্ৰেপ্তাৰী পৰোৱানা ইণ্ডিয়াৰ প্ৰাক্তন তাৰকা অপেনাৰৰ বিৰুদ্ধে
টিম ইণ্ডিয়াৰ হৈ খেলা প্ৰাক্তন তাৰকা অপেনাৰ ৰবিন ওথাপ্পাৰ বিৰুদ্ধে এটা ডাঙৰ গোচৰত গ্ৰেপ্তাৰি পৰোৱানা জাৰি কৰা হৈছে৷ ৰবিন উথাপ্পা ভাৰতীয় ক্ৰিকেট দলৰ এজন গুৰুত্বপূৰ্ণ সদস্য আছিল৷ ২০০৭ চনৰ t20 বিশ্বকাপত চেম্পিয়নজয়ী ভাৰতীয় দলৰ অংশ আছিল৷
https://x.com/orderofindia/status/1870344178661560333
কিয় জাৰি কৰা হৈছে গ্ৰেপ্তাৰী পাৰোৱানা
মূলত ৰবিন উথাপ্পাৰ বিৰুদ্ধে প্ৰভি়ডেণ্ট ফাণ্ড কেলেংকাৰীৰ অভিযোগ উঠিছে৷ পি এফ কমিছনাৰ গোপাল ৰেড্ডি ভাৰতী. দলৰ প্ৰাক্তন তাৰকা প্লেয়াৰ ৰবিন উথাপ্পাৰ বিৰুদ্ধে গ্ৰেপ্তাৰী পাৰোৱানা জাৰি কৰিছে৷ পুলকেশীনগৰ আৰক্ষীক এই বিষয়ে ক্ৰিকেটাৰৰ বিৰুদ্ধে কঠোৰ ব্যৱস্থা লোৱাৰ নিৰ্দেশ দিয়া হৈছে৷ কৰ্ণাটকৰ প্ৰাক্তন খেলুৱৈ ৰবিন উথাপ্পা চেঞ্চুৰিজ লাইফষ্টাইল ব্ৰেণ্ড প্ৰাইভেট লিমিটেড নামৰ এটা প্ৰাইভেট কোম্পানীয়ে পৰিচালনা কৰিছে৷ উথাপ্পাৰ বিৰুদ্ধে অভিযোগ যে তেওঁৰ সংস্থাত কৰ্মৰত কৰ্মীসকলৰ দৰমহাৰ পৰা পিএঠ কাটি লোৱা হৈছিল৷ তাৰপাছতেই সেই পি এফ বৰ্তমান পৰ্যন্ত তেওঁলোকৰ ওচৰত জমা কৰা হোৱা নাই৷ যাৰ পৰিমাণ ২৩লাখ টকা৷ এই অৱস্থাত PF কমিছনাৰ গোপাল ৰেড্ডিয়ে বিগত ৪ ডিচেম্বৰত পুলকেশীনগৰ থানালৈ এখন চিঠি লিখি সেই বিষয়ে ৱাৰেণ্ট জাৰি কৰাৰ আবেদন কৰিছে৷ ইয়াৰপাছতেই পুলিছে ৱাৰেণ্ট জাৰি কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
