নিজৰ কঠোৰ পৰিশ্ৰম আৰু প্ৰতিভাৰ জোৰত শূন্যৰ পৰা সাফল্যৰ শিখৰত উঠিছে আৰু ভাৰতীয় প্লেবেক সংগীতৰ অন্যতম ধনী ব্যক্তিত্বত পৰিণত হৈছে৷ জানি থওক এই সংগীত আইকনে তেওঁৰ জীৱনজুৰি ঘটা সম্পদ আৰু প্ৰতিপত্তি কাক চমজাই গৈছে?
সুৰৰ সম্ৰাজ্ঞী আশা ভোঁছলেই ৯২ বছৰ বয়সত শেষনিশ্বাস ত্যাগ কৰিছে৷ সাত দশকৰো বেছি দীৰ্ঘ কৰ্মজীৱনত তেওঁ ১২০০০ ৰো বেছি গীত আৰু তেওঁৰ বিশ্বব্যাপী ৰেস্তোৰাঁ ব্যৱসায়ৰ মাধ্যমেৰে আনুমানিক ৮০-১০০ কোটি টকাৰ বিপুল সম্পদ আৰু অমূল্য উত্তৰাধিকাৰ ৰাখি গৈছে৷ অথচ নিজৰ কঠোৰ পৰিশ্ৰম আৰু প্ৰতিভাৰ জোৰত তেওঁ শূন্যৰ পৰা সাফল্যৰ শিখৰত উঠিছে আৰু ভাৰতীয় প্লেবেক সংগীতৰ অন্যতম ধনী ব্যক্তিত পৰিণত হৈছে৷
ভাৰতীয় সংগীত জগতৰ সুৰৰ ৰাণী আশা ভোঁছলেই ৯২ বছৰ বয়সত প্ৰয়াত হৈছে৷ যিয়ে সমগ্ৰ দেশত শোকাকুল পৰিবেশৰ সৃষ্টি কৰিছে৷ দেওবাৰে তেওঁৰ সন্তান আনন্দ ভোঁছলেই তেওঁৰ মৃত্যুৰ খবৰ নিশ্চিত কৰিছে৷ তিনি সন্তানৰ ভিতৰত দুই সন্তানক হেৰুৱাইছে৷ ফলত বিপুল সম্পত্তিৰ সাম্ৰাজ্যৰ মালিকানা পাব তেওঁৰ এক সন্তানৰ আৰু দুই নাতি-নাতিনীয়ে৷
সংগীত আৰু ৰয়েলটিৰ পৰা আয় কৰাই আশাজীৰ আয়ৰ প্ৰধান উৎস আছিল৷ তেওঁ গীত গোৱাৰ বাবে পাৰিশ্ৰমিক আৰু গীতৰ ৰয়েলটি লাভ কৰি আছিল৷ ২০টাতকৈ অধিক ভাষাত ১২০০০ গীত গাইছিল তেওঁ৷ যি বিশ্ব ৰেকৰ্ড৷ তেওঁৰ দেশীয় আৰু আন্তৰ্জাতিক লাইভ শ্ব’ আৰু সংগীত যাত্ৰাৰ পৰাই তেওঁ প্ৰচুৰ আয় কৰিছে৷ তেওঁৰ পুৰণি গীতসমূহৰ ডিজিটেল ষ্ট্ৰিমিং আৰু ৰেডিঅ’ত প্ৰচাৰৰ পৰা নিয়মিত ৰয়েলটি পাই আছিল৷
তেওঁ কেৱল এগৰাকী শিল্পীয়েই নহয়৷ তেওঁ আছিল এগৰাকী সফল ব্যৱসায়ীও৷ ডুবাই, কুৱেইট আৰু যুক্তৰাজ্যসহ বিশ্বৰ বিভিন্ন চহৰত আশাছ’ নামৰ তেঁওৰ ৰেস্তোৰা আছে৷ মুম্বাইৰ অভিজাত এলেকাসমূহতো তেওঁৰ কোটি কোটি টকা মূল্যৰ কেইবাটাও দামী ফ্লেট আৰু বাংলো আছে৷ ইয়াৰোপৰি তেওঁ কেইবাটাও নামকৰা ব্ৰেণ্ডৰ সৈতে যুক্ত হৈ প্ৰচুৰ সম্পদ অৰ্জন কৰি গৈছে৷
বিলাসী বাহনৰ প্ৰতি আশাৰ আছিল বিশেষ চখ৷ আশা ভোঁছলেই দামী আৰু বিলাসী যানবাহনত আগ্ৰহী আছিল বাবেই তেওঁৰ অডিসহ কেইবাটাও বিলাসী ব্ৰেণ্ডৰ বাহন আছে৷ যিসমূহ তেওঁ যাতায়াতৰ বাবে ব্যৱহাৰ কৰিছিল৷ সংবাদমাধ্যমৰ প্ৰতিবেদন অনুসৰি তেওঁৰ মুঠ সম্পদৰ পৰিমাণ আনুমানিক ৮০ কোটিৰ পৰা ১০০ কোটিৰ ভিতৰত৷ তেওঁৰ মুকুতা আৰু হীৰাৰ গহনাৰো বহু সংগ্ৰহ আছে৷ যিসমূহ তেওঁৰ ট্ৰেডমাৰ্ক হৈ উঠিছিল৷
স্থাৱৰ আৰু অস্থাৱৰ সম্পদৰ ওপৰিও আশাজীয়ে তেওঁৰ কণ্ঠৰ অমূ্ল্য উত্তৰাধিকাৰ ৰাখি থৈ গৈছে৷ তেওঁ দাদাছাহেব ফাল্কে পুৰস্কাৰ আৰু পদ্মবিভূষণ সহ সৰ্বোচ্চ সন্মানেৰে ভূষিত হৈছিল৷ তেওঁ সৰ্বদা তেওঁৰ সম্পদৰ এটা অংশ সমাজসেৱা আৰু দাতব্য কামত উৎসৰ্গা কৰিছিল৷ তেওঁ আমাৰ মাজৰ পৰা কায়িকভাৱে বিদায় ল’লেও তেওঁৰ কণ্ঠ আৰু কঠোৰ পৰিশ্ৰমে আগন্তুক প্ৰজন্মক অনুপ্ৰাণিত কৰি যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
