ৰাজ্যত পুৱাৰে পৰা বৰষুণ, অহা ৪ দিনলৈ একে থাকিব বতৰ, ২০ জিলাত এলাৰ্ট
বতৰ বিজ্ঞান কেন্দ্ৰই সদৰি কৰাৰ পাছতে আজি পুৱাৰে পৰা ৰাজ্যৰ বিভিন্ন ঠাইৰ লগতে গুৱাহাটী মহানগৰীতো বৰষুণ। ৰাজ্যৰ কিছু কিছু ঠাইত প্ৰবল বৃষ্টিপাতৰ লগতে বতাহো হোৱা খবৰ প্ৰাপ্ত।
অনাগত ৪ দিনলৈ ৰাজ্যত অব্যাহত থাকিব পাৰে বৰষুণৰ লগতে বজ্ৰপাত। লগতে বতৰ বিজ্ঞান কেন্দ্ৰই সদৰি কৰা অনুসৰি ৰাজ্যৰ কেইবাখনো জিলাত এই বৰষুণৰ মাত্ৰা অধিক হোৱাৰ সম্ভাৱনা, যাৰ বাবে জাৰি কৰিছে এলাৰ্ট।
তিনিচুকীয়া, ডিব্ৰুগড়, চৰাইদেউ,শিৱসাগৰ আৰু ধেমাজিত অধিক ভয়াৱহ ৰূপ লব পাৰে বতৰে। এই কেইখন জিলাত এলাৰ্ট জাৰি কৰাৰ লগতে গোৱালপাৰা, কোকৰাঝাৰ, বাক্সা, বৰপেটা, বঙাইগাঁওতো জাৰি কৰা হৈছে ইয়েল্ল’ এলাৰ্ট।
আনহাতে এই বৰষুণে ৰাজ্যৰ জিলা সমূহৰ লগতে গুৱাহাটীতো বৰষুণ হোৱাত একপ্ৰকাৰৰ সুখ অনুভৱ কৰিছে জনসাধাৰণে। কিয়নো বিগত কিছুদিন ধৰি হৈ থকা গৰমৰ পৰা সামান্য পৰিমানে হলেও পৰিত্ৰাণ লাভ কৰিছে বৰষুণজাক অহাৰ বাবে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
