অসম চৰকাৰৰ মন্ত্ৰীসভাৰ নতুন মন্ত্ৰীৰ নাম ঘোষণা, ৪ বিধায়কে পালে মন্ত্ৰীত্ব।
অসম চৰকাৰৰ মন্ত্ৰীসভাৰ নতুন মন্ত্ৰীৰ নাম ঘোষণা। আনুষ্ঠানিক ঘোষণা কৰে নতুন মন্ত্ৰীৰ নাম। ৪গৰাকীকৈ বিধায়ক নতুনকৈ লাভ কৰিলে মন্ত্ৰিত্ব পদ।
ডঃ হিমন্ত বিশ্ব শৰ্মাৰ কেবিনেট মন্ত্ৰী সভাত অন্তৰ্ভুক্ত হ’ল প্ৰশান্ত ফুকন, কৌশিক ৰায়, কৃষ্ণেন্দু পাল আৰু ৰূপেশ গোৱালা। সামাজিক মাধ্যম যোগে মুখ্যমন্ত্ৰী ডঃ হিমন্ত বিশ্ব শৰ্মাই ঘোষণা কৰিলে নতুন মন্ত্ৰীৰ নাম।
কেবিনেটত পূৰ্বৰে পৰা খালী হৈ আছিল কেইবাটাও বিভাগ। ইয়াৰ উপৰিও আজি চাহ জনগোষ্ঠী উন্নয়ন দপ্তৰৰ দায়িত্বত থকা সঞ্জয় কিশানে এৰিছিল মন্ত্ৰী পদ। ট
উল্লেখ্য যে, অহা ৭ ডিচেম্বৰত অসম মন্ত্ৰীসভাৰ হ’ব সম্প্ৰসাৰণ হোৱাৰ কথা আছিল। তাৰ পূৰ্বেই আজি ৫ ডিচেম্বৰ তাৰিখেই মুখ্যমন্ত্ৰীয়ে সদৰি কৰিলে নতুন মন্ত্ৰীৰ নাম। এতিয়া কেৱল নতুন মন্ত্ৰীয়ে কি পদ লাভ কৰে সেয়াহে লক্ষ্যণীয় হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
