অসম লাইভ২৪ঃ অসমৰ মুখ্যমন্ত্ৰীৰ তালিকাখন বৰ বেছি দিঘলীয়াও নহয়৷ বৰ্তমান অসমৰ মুখ্যমন্ত্ৰীৰ দায়িত্বত থকা ডঃ হিমন্ত বিশ্ব শৰ্মা হৈছে অসমৰ ১৫ নম্বৰ মুখ্যমন্ত্ৰী৷
ভাৰতবৰ্ষই স্বাধীনতা লাভ কৰাৰ পাছতেই অসমৰ প্ৰথমগৰাকী মুখ্যমন্ত্ৰী আছিল গোপীনাথ বৰদলৈ৷ গোপীনাথ বৰদলৈয়ে ১৯৮৭ চনৰ ১৫ আগষ্টত অসমৰ মুখ্যমন্ত্ৰীৰ দায়িত্বভাৰ গ্ৰহণ কৰিছিল৷ তেওঁৰ কাৰ্যকাল সমাপ্ত হয় ১৯৫০ চনৰ ৫ আগষ্টত৷ গোপীনাথ বৰদলৈৰ পাছতেই মুখ্যমন্ত্ৰীৰ আসনত বহে বিষ্ণুৰাম মেধী৷ ১৯৫০ চনৰ ৯ আগষ্টত শাসনভাৰ গ্ৰহণ কৰে মেধীয়ে৷ মেধীৰ কাৰ্যকাল অন্ত পৰে ১৯৫৭ চনৰ ২৭ ডিচেম্বৰত৷
বিমলা প্ৰসাদ চলিহাই মুখ্যমন্ত্ৰীৰ আসনত বহে ১৯৫৭ চনৰ ২৮ ডিচেম্বৰত৷ বিমলা প্ৰসাদ চলিহাৰ কাৰ্যকাল অন্ত পৰে ১৯৭০ চনৰ ৬ নৱেম্বৰ তাৰিখে৷ বিমলা প্ৰসাধ চলিহাৰ পাছতেই মহেন্দ্ৰ মোহন চৌধুৰী৷ তেওঁৰ কাৰ্যকাল হৈছে ১৯৭০ চনৰ ১১ নৱেম্বৰৰ পৰা ১৯৭২ চনৰ ৩০ জানুৱাৰীলৈকে৷ তাৰপাছতেই মুখ্যমন্ত্ৰীৰ আসনত বহে শৰৎ চন্দ্ৰ সিংহ৷ শৰৎ চন্দ্ৰ সিংহৰ কাৰ্যকাল আছিল ১৯৭২ চনৰ ৩১ জানুৱাৰীৰ পৰা ১৯৭৮ চনৰ ১২ মাৰ্চলৈ৷
ষষ্ঠতম মুখ্যমন্ত্ৰী হিচাপে শপত লৈছিল গোলাপ বৰবৰাই৷ ১৯৭৮ চনৰ ১২ মাৰ্চত শপত গ্ৰহণ কৰে গোলাপ বৰবৰাই৷ তেওঁৰ কাৰ্যকাল আছিল ১৯৭৯ চনৰ ৪ অক্টোবৰলৈ৷ তাৰপাছতেই মুখ্যমন্ত্ৰীৰ দায়িত্বভাৰ গ্ৰহণ কৰে যোগেন্দ্ৰ নাথ হাজৰিকাই৷ যোগেন্দ্ৰ নাথ হাজৰিকাৰ হ্ৰস্বকালীন কাৰ্যকাল হৈছে ১৯৭৯ চনৰ ৯ অক্টোবৰৰ পৰা ১৯৭৯ চনৰেই ১১ ডিচেম্বৰলৈ৷ যোগেন্দ্ৰ নাথ হাজৰিকাৰ পাছতেই ছৈয়দা আনোৱাৰা টাইমূৰ৷ আনোৱাৰা টাইমূৰৰ কাৰ্যকাল আছিল ১৯৮০ চনৰ ৬ ডিচেম্বৰৰ পৰা ১৯৮১ চনৰ ৩০ জুনলৈকে৷
কেশৱ চন্দ্ৰ গগৈয়ে মুখ্যমন্ত্ৰীৰ আসনত বহে ১৯৮২ চনৰ ১৩ জানুৱাৰীৰ পৰা ১৯৮২ চনৰেই ১৯ মাৰ্চলৈকে৷ তাৰপাছতেই অসমৰ মুখ্যমন্ত্ৰীৰ দায়িত্বভাৰ গ্ৰহণ কৰে হিতেশ্বৰ শইকীয়াই৷ হিতেশ্বৰ শইকীয়া দুবাৰকৈ অসমৰ মুখ্যমন্ত্ৰীৰ আসনত বহে৷ তেওঁৰ প্রথমটো কাৰ্যকাল আছিল ১৯৮৩ চনৰ ২৭ ফেব্ৰুৱাৰীৰ পৰা ১৯৮৫ চনৰ ২৩ ডিচেম্বৰলৈ৷ তেজেধুৱা অসমত আকৌ এবাৰ মুখ্যমন্ত্ৰীৰ দায়িত্ব লয়, ১৯৯১ চনৰ ৩০ জুনৰ পৰা ১৯৯৬ চনৰ ২২ এপ্ৰিললৈ৷
১১ সংখ্যক আৰু ১৮ সংখ্যক মুখ্যমন্ত্ৰীৰ দায়িত্বভাৰ লৈছিল ডঃ প্ৰফুল্ল কুমাৰ মহন্তই৷ প্রফুল্ল মহন্তৰ প্ৰথমটো কাৰ্যকাল আছিল ১৯৮৫ চনৰ ২৪ ডিচেম্বৰৰ পৰা ১৯৯০ ২৮ নৱেম্বৰলৈ৷ দ্বিতীয়টো কাৰ্যকাল আছিল ১৯৯৬ চনৰ ১৫ মেৰ পৰা ২০০১ চনৰ ১৭ মেলৈকে৷
তাৰমাজতেই ১৯৯৬ চনৰ ২২ এপ্ৰিলৰ পৰা ১৯৯৬ চনৰ ১৪ মেলৈকে মুখ্যমন্ত্ৰীৰ দায়িত্বভাৰ গ্ৰহণ কৰিছিল ভূমিধৰ বৰ্মণে৷
এই সকলোবোৰৰ মাজতেই অসমৰ মুখ্যমন্ত্ৰীৰ আসনৰ বহা অন্য একক মুখ্যমন্ত্ৰী আছিল তৰুণ গগৈ৷ দিঘলীয়া সময় ধৰি অসমত নেতৃত্ব দিয়া মুখ্যমন্ত্ৰীগৰাকীয়েই হৈছে তৰুণ গগৈ৷ তৰুণ গগৈয়ে অসমৰ মুখ্যমন্ত্ৰীৰ দায়িত্বভাৰ লৈছিল ২০০১ চনৰ ১৭ মেত৷ তেওঁৰ কাৰ্যকাল সমাপ্ত হৈছিল ২০১৬ চনৰ ২৪ মেত৷ প্ৰায় ১৫ বছৰ ধৰি অসমক নেতৃত্ব দিয়াৰ বাবেই তেওঁ অসমৰ এগৰাকী লেখত ল’বলগীয়া মুখ্যমন্ত্ৰী বুলি প্ৰতিসময়তে চৰ্চিত৷
তৰুণ গগৈৰ পাছতেই অসমৰ মুখ্যমন্ত্ৰীৰ আসন শুৱনি কৰে সৰ্বানন্দ সোনোৱালে৷ সৰ্বানন্দ সোনোৱালে দায়িত্বভাৰ গ্ৰহণ কৰিছিল ২০১৬ চনৰ ২৪ মেত৷ তেওঁৰ কাৰ্যকাল অন্ত পৰে ২০২১ চনৰ ১০ মে তাৰিখে৷ সৰ্বানন্দ সোনোৱালৰ পাছতেই ১৫ সংখ্যক মুখ্যমন্ত্ৰীৰূপে শপত গ্ৰহণ কৰে ডঃ হিমন্ত বিশ্ব শৰ্মাই৷ বৰ্তমান অসমৰ মুখ্যমন্ত্ৰী হিমন্ত বিশ্ব শৰ্মাই কাৰ্যভাৰ গ্ৰহণ কৰে ২০২১ চনৰ ১০ মে তাৰিখে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ