অসম লাইভ ২৪ঃ ৰাজ্য চৰকাৰে ১ ছেপ্টেম্বৰৰ পৰা বিদ্যালয়সমূহ খোলাৰ সিদ্ধান্ত গ্ৰহণ কৰাৰ পৰিপ্ৰেক্ষিতত সৃষ্টি হৈছে প্ৰতিক্ৰিয়া৷ দুৰ্নীতি বিৰোধী যুৱ-শক্তি, অসমে এক প্ৰেছ বিজ্ঞপ্তিযোগে চৰকাৰৰ এই সিদ্ধান্তৰ বিৰোধিতা কৰিছে৷ সংগঠনটোৱে ক’ৰোনা সংক্ৰমণ ৰোধৰ পাছতহে বিদ্যালয় খুলিবলৈ দাবী জনাই কয় যে- ‘মৃত্যুতকৈ শ্ৰেষ্ঠ নহয় শিক্ষা৷’
তদুপৰি সংগঠনটোৱে কয়- ‘এইখন ডিজিটেল ইণ্ডিয়াৰ চৰকাৰ৷ গতিকে ডিজিটেল পদ্ধতিৰে ৰাজ্য চৰকাৰে ঘৰতে শ্ৰেণীকোঠা পাব পৰা ব্যৱস্থা ৰূপায়ণ কৰক৷’ আনহাতে টেলিভিশ্যন চেনেলসমূহৰ জৰিয়তেও শিক্ষা প্ৰদান কৰিবলৈ সংগঠনটোৰ সভাপতি ধৰ্মকান্ত গগৈয়ে প্ৰেছ বিজ্ঞপ্তিযোগে আহ্বান জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
