মাজনিশা অপাৰেচন সেন্দুৰ, বিয়লি ৪ বজাৰ লগে লগে অসমৰ ২০ জিলাত মকড্ৰিল
পূৰ্বেই ঘোষণা কৰিছিল আজি ৭ মে’ তাৰিখে সমগ্ৰ দেশত বাজিব মকড্ৰিল। দেশৰ বিভিন্ন ৰাজ্যৰ নিৰ্বাচিত ২৫৯ স্থানত বাজিব মকড্ৰিল বুলি ঘোষণা কৰিছিল কেন্দ্ৰীয় চৰকাৰৰ ফালৰ পৰা। পাছে তাৰে মাজতে মাজনিশা হঠাতে ভাৰত চৰকাৰে অতৰ্কীতে আক্ৰমণ চলাই পাকিস্তানৰ সন্ত্ৰাসবাদী ঘাটিত।
পেহেলগাম ঘটনাৰ প্ৰথমটো প্ৰতিশোধ হিচাপে ভাৰতীয় সেনাই অতৰ্কীতে চলোৱা এই এয়াৰষ্ট্ৰাইক আক্ৰমণক ২৬ নিহতৰ পত্নী সকলৰ সেন্দুৰৰ নামত এই অভিযানক নাম দিয়া হয় অপাৰেচন সিন্দুৰ। খবৰ অনুসৰি, এই অপাৰেচন সেন্দুৰত বৰ্তমানলৈ নিহত ১০০ৰো অধিক সন্ত্ৰাসবাদী।
আজি বিয়লিলৈ এতিয়া বাজিব মকড্ৰিলো। এক যুদ্ধৰ পৰিৱেশে এতিয়া বিৰাজ কৰিছে সমগ্ৰ দেশতে। জনসাধাৰণত সজাগ কৰাৰ উদ্দেশ্যে দেশৰ লগতে একেলগে অসমৰ ২০খন জিলাত বাজি উঠিব চাইৰেন।
বিয়লি ৪বজাৰ লগে লগে ২০জিলাত হ’ব মকড্ৰিল। এই মকড্ৰিল সন্দৰ্ভত জাৰি কৰা হৈছে গুৰুত্বপূৰ্ণ জাননী। মুখ্য সচিবেৰে জিলা আয়ুক্তৰ বৈঠকত লোৱা হ’ল গুৰুত্বপূৰ্ণ সিদ্ধান্ত।
মকড্ৰিলত উপস্থিত থাকিব SDRF, NDRF, চিভিল ডিফেন্সৰ বিষয়া। গৃহ মন্ত্ৰালয়ে জাৰি কৰিলে জৰুৰী নিৰ্দেশনা।
অসমৰ কোন কোন ঠাইত যুদ্ধৰ আখৰা কৰিব ভাৰতীয় সেনাই? গুৱাহাটীৰ কাহিলীপাৰাত বাজিব চাইৰেন, ইয়াৰ উপৰি বঙাইগাঁও, ডিব্ৰুগড়, ধুবুৰী, গোৱালপাৰা, যোৰহাট, শিৱসাগৰ, তিনিচুকীয়া, তেজপুৰ, ডিগবৈ, দুলীয়াজান, ৰঙিয়া, নামৰূপ, নাজিৰা, উত্তৰ লখিমপুৰ, নুমলীগড়, দৰং, গোলাঘাট, কাৰ্বি আংলং আৰু কোকৰাঝাৰত হ’ব যুদ্ধৰ অনুশীলন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
