অষ্ট্ৰলিয়ান কিম্বদন্তী ক্ৰিকেটাৰ শ্বেন ৱাৰ্ণৰ মৃত্যু হৈছে৷ শুকুৰবাৰে বিশ্ব ক্ৰিকেটৰ সৰ্বকালৰ শ্ৰেষ্ঠ স্পীনাৰগৰাকীৰ মৃত্যু হোৱা বুলি নিশ্চিত কৰা হৈছে৷
মাত্ৰ ৫২ বছৰ বয়সতে থাইলেণ্ডত মৃত্যু হোৱাৰ ক্ৰিকেটাৰ গৰাকীৰৰ মৃত্যুৰ কাৰণ হৃতৰোগ সন্দেহ কৰা হৈছে৷
থাইলেণ্ডৰ ক’হ চামুইত ৱাৰ্ণৰ মৃত্যু হোৱা বুলি প্ৰাক্তন ক্ৰিকেটাৰ গৰাকীৰ মেনেজমেন্ট কোম্পানীটোৱে সদৰী কৰিছে৷
লগতে পঢ়ক ছুপাৰষ্টাৰ প্ৰভাসে কিয় ছবিৰ অন্তৰংগ আৰু চুম্বনৰ দৃশ্যত শ্বুটিং কৰিব নিবিচাৰে?
অষ্ট্ৰেলিয়াৰ প্ৰাক্তন ক্ৰিকেটাৰ গৰাকীয়ে অষ্ট্ৰেলিয়াৰ হৈ ১৯৯২ চনৰ পৰা ২০০৭ চনলৈ ১৪৫ খন টেষ্ট মেচ আৰু ১৯৪ খন এদিনীয়া আন্তঃৰাষ্ট্ৰীয় মেচত প্ৰতিনিধিত্ব কৰিছিল৷
ৱাৰ্ণে টেষ্টত ৭০৮ টা উইকেটেৰে বিশ্ব ক্ৰিকেটৰ দ্বিতীয় সৰ্বোচ্চ উইকেট সংগ্ৰহকাৰী আছিল আৰু এদিনীয়া আন্তঃৰাষ্ট্ৰীয় মেচত ২৯৩ টা উইকেটেৰে তেওঁ মুঠ ১০০১ টা আন্তজাৰ্তিক ইউকেট সংগ্ৰহ কৰিছিল৷
লগতে পঢ়ক বিল গেটছৰ গালত প্ৰাক্তন পত্নী মেলিন্দা ফ্ৰেন্স গেটছৰ পুনৰ প্ৰচণ্ড চৰ! কিয় হৈছিল বিচ্ছেদ?
ৱাৰ্ণৰ নেতৃত্বতে ইণ্ডিয়ান প্ৰিমিয়াৰ লীগৰ প্ৰথমটো সংস্কৰণত ৰাজস্থান ৰেয়লছে চেম্পিয়ন হৈছিল৷
বিভিন্ন সময়ত বিভিন্ন বিতৰ্কত সাঙুৰ খাই পৰা ৱাৰ্ণে নিষিদ্ধ ঘোষিত ড্ৰাগছ সেৱন কৰাৰ অভিযোগ ২০০৩ত ক্ৰিকেটৰ পৰা নিবাৰ্সিতও হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
