ৰুছ সেনাই ইউক্ৰেইন আক্ৰমণে আজি নৱমটো দিন প্ৰায় অতিক্ৰম কৰিছে৷ ইউক্ৰেইনৰ ৰাজধানী কীয়েভ দখলৰ বাবেও সাজু হৈছে ৰুছ বাহিনী৷
ঠিক তেনে সময়তে শুকুৰবাৰে ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে দেশ এৰি পলায়ন কৰিছে৷ এই দাবী কৰিছে ৰুছ সংবাদ মাধ্যমে৷
লগতে পঢ়ক বিল গেটছৰ গালত প্ৰাক্তন পত্নী মেলিন্দা ফ্ৰেন্স গেটছৰ পুনৰ প্ৰচণ্ড চৰ! কিয় হৈছিল বিচ্ছেদ?
ৰুছ সেনাৰ উদ্ধৃতিৰে ৰাছিয়ান সংবাদ পত্ৰই দাবী কৰিছে যে প্ৰাণৰ মমতাত ইউক্ৰেইনৰ ৰাষ্ট্ৰপতি জেলেনস্কিয়ে দেশ এৰি পোলেণ্ডলৈ পলায়ন কৰিছে৷ অৱশ্যে ৰাছিয়াৰ এই দাবীৰ প্ৰত্যুত্তৰত ইউক্ৰেইন এতিয়ালৈকে কোনো প্ৰতিক্ৰিয়া প্ৰকাশ কৰা নাই৷
ইপিনে কিছুদিন পূৰ্বেও ৰাছিয়াৰ সংবাদ মাধ্যমে ইউক্ৰেইনৰ ৰাষ্ট্ৰপতিগৰাকীয়ে দেশ এৰি পলায়ন কৰা বুলি দাবী কৰিছিল৷ ৰুছ সংবাদ মাধ্যমৰ এই দাবীক নস্যাৎ কৰি যুদ্ধ বিধ্বস্ত ইউক্ৰেইনৰ ৰাষ্ট্ৰপতিগৰাকীয়ে সামাজিক মাধ্যমত ভিডিঅ’ বাৰ্তাৰে দেশবাসীৰ লগতে থকা বুলি ঘোষণা কৰিছিল৷
লগতে পঢ়ক কৰ্মচাৰীৰ বাবে সুখবৰ! পেঞ্চনৰ লগতে অৱসৰৰ বয়স বৃদ্ধি কৰিব চৰকাৰে!
ইমানেই নহয় জেলেনস্কিয়ে দেশৰ সেনা বাহিনীৰ সৈত্য যুদ্ধ ক্ষেত্ৰত বিচৰণ কৰি থকা ভিডিঅ’ও বাৰ্তা প্ৰেৰণ কৰি দেশৰ জনতাক এৰি মৃত্যু পৰ্যন্ত দেশ ত্যাগ নকৰে বুলি দৃঢ়তাৰে ঘোষণা কৰিছিল৷ তেওঁ লগতে দেশবাসীক ৰুছ সেনাৰ বিৰুদ্ধে হাতত অস্ত্ৰ তুলি লৈ যুদ্ধ কৰিবলৈও আহ্বান জনাইছিল৷
আনহাতে ৰাছিয়াৰ ইউক্ৰেইন আক্ৰমণৰ যোৱা এটা সপ্তাহত দেশখনৰ প্ৰায় ১২ লোকে দেশ ত্যাগ কৰা বুলি কোৱা হৈছে৷ ৰাষ্ট্ৰসংঘই এই তথ্য প্ৰকাশ কৰি কয় যে ১২ লাখ লোকে প্ৰাণৰ মমতা চুবুৰীয়া ৰাষ্ট্ৰলৈ পলায়ন কৰিছে আৰু ইয়াৰ মাজত ৫০ হাজাৰ যুৱক-যুৱতীও আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
