অতি শীঘ্ৰেই চৰকাৰী কৰ্মচাৰীসকলে লাভ কৰিব পাৰে এটা অতি ভাল খবৰ৷ কেন্দ্ৰীয় চৰকাৰে ইয়াৰ কৰ্মচাৰীসকলৰ অৱসৰ বয়সৰ সীমা বৃদ্ধি কৰাৰ বাবে চিন্তা চৰ্চা কৰিছে৷
ইমানেই নহয় কেন্দ্ৰীয় চৰকাৰৰ কৰ্মচাৰীসকলৰ পেঞ্চনৰ ধনো বৃদ্ধিৰ কৰাৰ বাবে কেন্দ্ৰীয় চৰকাৰে বিশেষ পদক্ষেপ গ্ৰহণ কৰিব পাৰে৷
ইতিমধ্যে প্ৰধানমন্ত্ৰী বিত্তীয় পৰামৰ্শ দাতা সমিতিয়ে এক সাৰ্বজনীন পেঞ্চন ব্যৱস্থাৰ বাবে প্ৰস্তাৱ প্ৰেৰণ কৰিছে৷
লগতে পঢ়ক অভিজ্ঞ সঞ্জীৱ কাপুৰক জেট এয়াৰৱেজৰ CEO হিচাপে নিযুক্তি প্ৰদান
এই প্ৰস্তাৱত কেন্দ্ৰীয় চৰকাৰৰ কৰ্মচাৰীসকলৰ অৱসৰ বয়স বৃদ্ধি আৰু পেঞ্চনৰ ধন বৃদ্ধিৰ প্ৰস্তাৱ আছে৷ ইয়াৰ পৰীক্ষণ চলি আছেও বুলি জানিব পৰা গৈছে৷
সমিতিৰ প্ৰতিবেদনত প্ৰতিজন অৱসৰপ্ৰাপ্ত কৰ্মচাৰীক প্ৰতি মাহে কমেও ২ হাজাৰ টকাৰ পেঞ্চন দিয়াৰ লগতে জ্যেষ্ঠ নাগৰিকৰ বাবে সুৰক্ষিত বিত্তীয় সাহায্য প্ৰস্তুত কৰাৰ ওপৰত গুৰুত্ব দিবলৈ পৰামৰ্শ দিয়া হৈছে।
প্ৰতিবেদনত কোৱা হৈছে যে কৰ্মচাৰীসকলৰ কৰ্মবয়স বৃদ্ধি কৰাৰ লগতে সামাজিক চাপ হ্ৰাস নিশ্চিত কৰাৰ বাবে প্ৰচেষ্টা ল’ব লাগে। আনকি ৫০ বছৰৰ উৰ্ধৰ বয়সৰ লোকসকলে তেওঁলোকৰ দক্ষতাও বৃদ্ধি কৰিব পাৰে।
লগতে পঢ়ক বিতৰ্কৰ কুইন ৰাখী সাৱন্তৰ সকীয়নি ৰাছিয়াক, ‘যুদ্ধ বন্ধ কৰক নহ’লে…’ কি ক’লে ৰাখীয়ে?
ইফালে প্ৰধানমন্ত্ৰীৰ বিত্তীয় উপদেষ্টাৰ নিযুক্তিৰ বয়স বৃদ্ধিৰ সৈতে সাৰ্বজনীন পেঞ্চনৰ বিষয়টো কাৰ্যকৰী কৰাৰ সিদ্ধান্ত লোৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
