অসম লাইভ২৪ঃ যিমানেই দিন বাঢ়িছে অযোধ্যাৰ ৰাম মন্দিৰত দৰ্শনাৰ্থীৰো ভীৰ বাঢ়িছে। পুণ্যাৰ্থীয়ে ৰামৰ দৰ্শন কৰাৰ ওপৰিও ৰাম মন্দিৰৰ বাবে দুহাত উজাৰি অনুদানো দিছে। ৰামৰ চৰণ টকাৰ পাহাৰেৰে প্ৰতিদিনেই ঢাক খাই পৰে। নিশাৰ ভিতৰতে লাখ লাখ টকা কৰ্তৃপক্ষই সেই স্থানৰ পৰা স্থানান্তৰো কৰিব লগা হয়। যিমানেই দিন বাঢ়িছে সিমানেই অযোধ্যাৰ ৰাম মন্দিৰত দৰ্শনাৰ্থীৰ ভিৰ উপচি পৰিছে। মন খুলি ৰামলালাৰ চৰণত দান কৰিছে ভক্তসকলে। অনলাইন, অফলাইন দুটা প্ৰক্ৰিয়াতেই ৰাম মন্দিৰত অনুদান জমা হৈছে।
বৰ্তমান পৰ্যন্ত কিমান কিমান ধন দানপাত্ৰত সোমাইছে?
ৰামলালাৰ মন্দিৰ উদ্বোধন কৰা হৈছে ২২ জানুৱাৰীত। প্ৰাণ প্ৰতিষ্ঠাৰ পাছৰ দিনটোত অৰ্থাৎ ২৩ জানুৱাৰীৰ পৰা সাধাৰণ ভক্তসকলৰ উদ্দেশ্যে মন্দিৰৰ দুৱাৰ খুলি দিয়া হৈছে। সেইদিনাই ৰামলালাৰ চৰণত জমা হৈছে মুঠ ২কোটি ৯০লাখ অনুদান। ২৪ জানুৱাৰীত ভক্তই দান কৰিছে প্ৰায় ২কোটি ৪৩ লাখ টকা। ২৫ জানুৱাৰীত অনুদান হিচাপে জমা হৈছে ৮লাখ ৫০হাজাৰ টকা। গণৰাজ্য দিৱসৰ দিনটোতো পুৱাৰে পৰা অযোধ্যাত মানুহৰ ঢল নামিছে। সেইদিনাই ৰামলালাৰ অনুদান বক্সত জমা হৈছে ১৫লাখ টকা। ইয়াৰপাছতেই ২৭ জানুৱাৰী ৰাম মন্দিৰ ট্ৰাষ্টত জমা হৈছে ১৩ লাখ টকাৰ চেক আৰু ৮লাখ নগদ ধন। ২৮ জানুৱাৰীত কেৱল নগদেই অনুদান আহিছে ১২লাখ। ২৯ জানুৱাৰীত ভক্তই দান কৰিছে ৭লাখ টকাৰ চেক আৰু ৫লাখ নগদ।
২৩জানুৱাৰী- ৫লাখ
২৪জানুৱাৰী- ২.৫ লাখ
২৫জানুৱাৰী- ২লাখ
২৬ জানুৱাৰী- ৩.৫লাখ
২৭ জানুৱাৰী- ২.৫লাখ
২৮ জানুৱাৰী- ৩.২৫লাখ
এইসমূহৰ ওপৰিও ৰাম মন্দিৰৰ প্ৰণামী বক্সতো প্ৰতিদিনে হাজাৰ হাজাৰ ধন জমা হৈছে। অনুমান অনুসৰি প্ৰতিদিনে সেই দানপাত্ৰত প্ৰায় ৩লাখ টকাৰ অনুদান আহিছে। মন্দিৰৰ মুঠ ৬টা প্ৰণামী কাউণ্টাৰত আছে ৪টা দানপাত্ৰ। অৰ্থাৎ ভক্তসকলৰ বাবে মন্দিৰৰ দুৱাৰ খোলাৰ পৰা বৰ্তমান পৰ্যন্ত মুঠ ৭কোটি ৫৩লাখ টকাৰো বেছি অনুদান জমা হৈছে ৰামলালাৰ নামত।
২৩ জানুৱাৰী- ২কোটি ৯০লাখ
২৪জানুৱাৰী- ২কোটি ৪৩লাক
২৫ জানুৱাৰী- ৮লাখ ৫০হাজাৰ
২৬ জানুৱাৰী- ১কোটি ১৫লাখ
২৭জানুৱাৰী- ২১ লাখ
২৮ জানুৱাৰী- ১২ লাখ
২৯ জানুৱাৰী- ১২ লাখ
৯দিনত মুঠ কিমান ভক্তৰ সমাগম হৈছে অযোধ্যাৰ ৰামমন্দিৰত?
ৰাম মন্দিৰৰ দুৱাৰ সাধাৰণ মানুহৰ বাবে খুলি দিয়াৰ পাছতেই মুঠ ৯দিনত ১৯লাখ দৰ্শনাৰ্থীয়ে ৰামলালাৰ দৰ্শন কৰিছে। প্ৰতিদিনে গড়ে ২লাখ ভক্ত সমাগম হৈছে অযোধ্যাৰ ৰাম মন্দিৰত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
