অসম লাইভ২৪ঃ এটাৰ পিছত আনটো ভৱিষ্যতবাণীৰে বাবা ভাংগা এতিয়া সকলোৰে চিনাকি এজন ব্যক্তি৷ বুলগেৰিয়াৰ নবী বাবা ভাংগাৰ ভৱিষ্যতবাণীৰ আলোচনা এতিয়া সমগ্ৰতে৷ ভাৰতৰ বাবে ২০২২ বৰ্ষত এটা ডাঙৰ ভৱিষ্যবাণী কৰিছে বাবা ভাংগায়৷ আগন্তুক ২ মাহত সঁচা হ’ব পাৰে বাবা ভাংগাৰ ভৱিষ্যতবাণী৷
বাবা ভাংগাই ২০২২ চনত ভাৰতত ফৰিঙৰ আক্ৰমণ আৰু অনাহাৰৰ ভৱিষ্যবাণী কৰিছে। বাবা ভাংগাৰ মতে, ২০২২ চনত সমগ্ৰ বিশ্বতে তাপমাত্ৰা হ্ৰাস পোৱাৰ পাছতেই ফৰিঙৰ প্ৰাদুৰ্ভাৱ বৃদ্ধি পাব। জাক জাক ফৰিঙে ভাৰতত শস্যৰ পথাৰসমূহত আক্ৰমণ কৰিব৷ ইয়াৰ ফলত ভাৰতত দুৰ্ভিক্ষও হ’ব পাৰে৷ ২০২২ চনটো শেষ হ’বলৈ এতিয়াও মাজত দুটামাহ বাকী থকাৰ সময়তে এই ভৱিষ্যতবাণী সঁচা হৈ পৰিব নেকি বুলি চিন্তিত হৈ উঠিছে বহুজন৷
উল্লেখ্য যে, ২০২২ চনৰ বাবে বাবা ভাংগাই ৬টা ভৱিষ্যবাণী কৰিছিল। অষ্ট্ৰেলিয়াকে ধৰি এছিয়াৰ কেইখনমান দেশত বানপানী, পানীৰ নাটনি, এলিয়েনৰ আক্ৰমণ, ফৰিঙৰ আক্ৰমণ, ভাৰ্চুৱেল ৰিয়েলিটি বৃদ্ধিৰ ভৱিষ্যবাণী কৰিছিল। ইয়াৰ বাহিৰেও বাবা ভাংগাই চাইবেৰিয়াৰ পৰা নতুন ভাইৰাছ আহিব বুলি ভৱিষ্যবাণী কৰিছিল, যিটো কৰ’না ভাইৰাছতকৈও অধিক মাৰাত্মক হ’ব পাৰে বুলিও প্ৰকাশ কৰিছিল বাবা ভাংগাই৷ ২০২২ চন সন্দৰ্ভত বাবা ভাংগাই কৰা ৬ টা ভৱিষ্যবাণীৰ ভিতৰত ২ টা সঁচা প্ৰমাণিত হৈছে।
অষ্ট্ৰেলিয়াৰ বাহিৰেও তেওঁ এছিয়াৰ কেইখনমান দেশত বানপানীৰ ভৱিষ্যবাণী কৰিছিল, যিটো সত্য প্ৰমাণিত হৈছে। শেহতীয়াকৈ অষ্ট্ৰেলিয়াৰ লগতে পাকিস্তানতো বানপানীত কেইবা হাজাৰো লোকৰ মৃত্যু হৈছে। ইয়াৰ বাহিৰেও বাবা ভাংগাই কিছুমান দেশত পানীৰ নাটনি হ’ব বুলিও ভৱিষ্যবাণী কৰিছিল সেয়াও বাস্তৱত পৰিণত হৈছে। পৰ্তুগাল আৰু ইটালীৰ বহু চহৰ চলিত বৰ্ষত খৰাং পৰিস্থিতিৰ সন্মুখীন হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
