বৰ্তমান বুধ বক্ৰী দশাত আছে৷ ২২ আগষ্টত বুধে বিপৰীতমুখী চলনত সিংহ ৰাশি ত্যাগ কৰি কৰ্কট ৰাশিত প্ৰৱেশ কৰিব৷ ইয়াৰপাছতেই ২৮ আগষ্টত বুধ আকৌ মাৰ্গী হ’ব. অৰ্থাৎ বক্ৰী চলন এৰি চিধা পথেৰে ফুৰিব৷ বৈদিক জ্যোতিষ অনুসৰি মিথুন আৰু কন্যা ৰাশিৰ অধিপতি গ্ৰহ হৈছে বুধ৷ সৌৰজগতৰ সকলোতকৈ সৰু আৰু সকলোতকৈ দ্ৰততৰভাৱে নিজৰ স্থান সলনি কৰা এই গ্ৰহে বক্ৰী চলনেৰে কৰ্কটত গোচৰ কৰাৰ ফলত সকলোতকৈ লাভৱান হ’ব পাঁচ ৰাশিৰ জাতকৰ৷ চাকৰি হওক বা ব্যৱসায় হওক, কেৰিয়াৰত সকলোতকৈ দুৰ্দান্ত সাফল্য পাব৷ চাই লওক বক্ৰী বুধে কৰ্কটত গোচৰ কৰিলে ভাগ্য খুলি যাব এইকেইটা ৰাশিৰ জাতকৰ৷
বৃষ ৰাশি
বক্ৰী বুধে কৰ্কট ৰাশিত আহি কেৰিয়াৰত বৃহৎ সাফল্য লাভ কৰিব পাৰিব বৃষ ৰাশিৰ জাতকে৷ এই সময়ত আপুনি নিজৰ কঠোৰ পৰিশ্ৰমৰ সুফল পাব৷ সকলোৱে আপোনাৰ কামৰ প্ৰশংসা কৰিব৷ চাকৰি পৰিবৰ্তন কৰিব বিচাৰিলে এই সময় শুভ৷ ব্যৱসায়ীয়ে আৰ্থিক লাভ কৰিব পাৰিব৷ নিজৰ কথাৰে সকলোৰে মন জয় কৰিব পাৰিব আপুনি৷
কন্যা ৰাশি
কন্যা ৰাশিৰ অধিপতি গ্ৰহ হৈছে বুধ৷ বক্ৰী বুধৰ স্থান পৰিবৰ্তনৰ ফলত লাভজনক হ’ব কন্যা ৰাশিৰ জাতকৰ বাবে৷ এই সময়ত আপুনি বহু টকা সঞ্চয় কৰিব পাৰে৷ পূৰ্বে কৰা বিনিয়োগৰ পৰা আপোনাৰ আৰ্থিক লাভ হ’ব৷ নিজৰ বুদ্ধি আৰু দক্ষতাৰে অফিচৰ ঊৰ্ধতন কৰ্তৃপক্ষৰ মন জয় কৰিব পাৰে কন্যা ৰাশিৰ জাতকে৷ যদি আপোনাৰ টকা কৰোবাত ফচি আছে তেওঁলোকে সেই ধন উভতাই পাব৷
তুলা ৰাশি
কৰ্কট ৰাশিত বক্ৰী বুধৰ গোচৰৰ ফলত আৰ্থিক অৱস্থাৰ চকুত লগা উন্নতি হ’ব তুলা ৰাশিৰ জাতকৰ৷ এই সময়ত আপোনাৰ সৌভাগ্য পূৰ্বতকৈ শক্তিশালী হ’ব৷ আৰু জীৱনৰ সকলো ক্ষেত্ৰত সাফল্য অৰ্জন কৰিব পাৰে৷ উপাৰ্জনৰ নতুন পথ মুকলি হ’ব আপোনাৰ সন্মুখত৷ পৰিয়ালৰ সমৰ্থন লাভ কৰিব তুলা ৰাশিৰ জাতকে৷ কাৰ্যালয়ত আপোনাৰ প্ৰভাৱ প্ৰতিপত্তি বাঢ়িব৷ শৰীৰ, স্বাস্থ্য আদিৰ সমস্যা থাকিলে এই সকলোবোৰৰ পৰা আপুনি মুক্তি পাব৷
বৃশ্চিক ৰাশি
কৰ্কট ৰাশিত বক্ৰী বুধে গোচৰ কৰিলে ভাল দিন আৰম্ভ হ’ব বৃশ্চিক ৰাশিৰ জাতকৰ বাবে৷ এই সময়ত আপোনাৰ মনৰ সকলো ইচ্ছা পূৰণ হ’ব৷ কোনো ধৰ্মীয় যাত্ৰা কৰিব পাৰে এই ৰাশিৰ জাতকে৷ বিদেশ যাত্ৰা কৰাৰো যোগ আছে৷ ব্যৱসায় সম্প্ৰসাৰণ কৰিব পাৰে৷ আৰু ব্যৱসায়ত লাভ হোৱাৰো যোগ আছে৷ মনৰ সকলো টেনছনৰ পৰা মুক্তি পাব৷ এই সকলো বিষয়ত নিজৰ পৰিয়ালক কাষত পাব বৃশ্চিক ৰাশিৰ জাতকে৷
ধনু ৰাশি
বিপৰীত চলনেৰে বুধে ধনু ৰাশিত চলিব৷ এই সময়ত আপুনি নিজৰ ব্যৱসায় আৰু ব্যক্তিত্ব পজিটিভ পৰিবৰ্তন দেখা পাব পাৰে৷ আপোনাৰ সুন্দৰ ব্যৱহাৰে আপোনাক মুগ্ধ কৰিব পাৰে৷ যুক্তি সহকাৰে নিজৰ মতামত অন্যৰ সন্মুখত তুলি ধৰিব পাৰে ধনু ৰাশিৰ জাতকে৷ কেৰিয়াৰত বৃহৎ সাফল্য লাভৰ যোগ আছে৷ পৰিয়ালত শান্তি থাকিব আৰু সাংসৰিক সকলো প্ৰয়োজন আপুনি পূৰণ কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
