১০ বছৰীয়া মৃণ্ময় ঘটনাৰ ন ন তথ্য প্ৰকাশ, জিতুমণিৰ পৰিয়ালে জনা নাছিল দীপালী পূৰ্বে বিবাহিত বুলি
ৰাজ্য জোকাৰি যোৱা ১০ বছৰীয়া কণমানি মৃণ্ময়ৰ হত্যাকাণ্ডৰ আৰক্ষীৰ তদন্তত প্ৰকাশ পাইয়ে আছে নিতৌ ন ন তথ্য। এইবাৰ প্ৰকাশ পাইছে আন তথ্য। এইবাৰ বহু কেইটা চিচি টিভি ফুটেজ প্ৰকাশ পাইছে।
জিতুমণি আৰু দীপালীৰ অবৈধ প্ৰেমৰ বাবেই অকালতে প্ৰাণ হেৰুৱাইছে কণমানি মৃণ্ময়ে। প্ৰকাশ পোৱা চিচি টিভি ফুটেজ অনুসৰি, শনিবাৰে ঘাতক জিতুমনিয়ে বনগাঁৱৰ টিউচনৰ পৰা নিজৰ বাইকেৰে লৈ আহিছিল মৃণ্ময়ক।
তাতেই দোকান এখনত কণমানি মৃণ্ময়ক খুৱাইছিল কোল্ড ড্ৰিংকছ। তাৰ পাছত ভেটাপাৰাৰ পেট্ৰল পাম্পত বাইকত ভৰাইছিল পেট্ৰল। সেই সকলো দৃশ্য বন্দী হৈছিল CCTV ত।
তাৰ পাছতে ঘাটক জিতুমনিয়ে নিজৰ ভেটাপাৰাৰ বাসগৃহলৈ লৈ গৈছিল মৃণ্ময়ক। ঘৰৰ পৰা ডাঙৰ ট্ৰলি বেগ লৈ বশিষ্ঠৰ ফালে লৈ গৈছিল মৃণ্ময়ক। সেই দৃশ্যও বন্দী হৈছিল CCTVত।
বশিষ্ঠত নিৰ্জন ঠাইত নি টেঁটু চেপি মৃণ্ময়ক হত্যা কৰি ঘৰৰ পৰা নিয়া ট্ৰলিবেগটোতে ভৰাই পেলাই দিছিল জিতুমনিয়ে। হত্যাৰ সময়ত দীপালীৰ সৈতে ফোনত সংযুক্ত আছিল জিতুমণি।
তাতোকৈ চাঞ্চল্য কথা যে, একাউণ্ট জেনেৰেল (AG) অফিচৰ চতুৰ্থ বৰ্গৰ কৰ্মচাৰী জিতুমণি হালৈ আৰু মৃণ্ময়ৰ মাতৃ দীপালী ৰাজবংশীৰ বিগত ৭ বছৰ ধৰি প্ৰেমৰ সম্পৰ্ক । দুয়ো বিবাহিত হৈয়ো, নিজক নিজৰ সংসাৰ থকাৰ পাছতো প্ৰেমত পৰিছিল ইজনে সিজনৰ।
এই পৰকীয়া প্ৰেমৰ বাবেই জিতুমণিয়ে পত্নীৰ সৈতে বিবাহ বিচ্ছেদ লৈছিল। আনহাতে মাথো ৪ মাহ পূৰ্বে দীপালীয়েও বিবাহ বিচ্ছেদ লৈছিল স্বামীৰ পৰা।
পৰিয়ালৰ পৰা পৃথক হৈ দীপালী আৰু জিতুমণিয়ে নতুনকৈ সংসাৰ কৰাৰ সপোন দেখিছিল। কিন্তু দুয়োৰে মাজত হেঙাৰ হৈছিল মৃণ্ময়। তাৰোপৰি জিতুমণিৰ পৰিয়ালে জনা নাছিল দীপালী পূৰ্বে বিয়া হোৱা বুলি। যাৰ বাবেই শেষত একমাত্ৰ উপায় হিচাপে শেষ কৰি দিছিল মৃণ্ময়ৰ জীৱন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
