পেৰালিম্পিকত ভাৰতৰ পদকৰ সংখ্যা বৰ্তমানলৈকে হৈছেগৈ ২২৷ ৪ ছেপ্টেম্বৰত ক্ৰীড়াক্ষেত্ৰত আৰু এখ অভিলেখ ভাৰতীয় এথলিটৰ৷ এইবাৰ পদকৰ সংখ্যাৰেই নহয় সোণ জয়েৰেও আগুৱাইছে ভাৰতৰ পেৰালিম্পিকৰ খেলুৱৈ৷ পেৰালিম্পিকৰ সপ্তম দিনত আৰ্চাৰীত সোণৰ পদক আনিছে হৰবিন্দৰ সিঙে৷ অলিম্পিকত আৰ্চাৰীত ভাল ফলাফল নাহিলেও এইবাৰ পেৰালিম্পিকেই সলাইছে ভাৰতৰ ছবি৷ পেৰালিম্পিকত সোণ জয়ৰ এই যাত্ৰা সহজ মুঠেও নহয় হৰবিন্দৰৰ৷ শৈশৱতে ভৰি বিকল হৈ পৰা হৰবিন্দৰৰ আৰ্চাৰীত আগুৱাই যোৱা এই যাত্ৰা মুঠেও সহজ নহয়৷ এইবাৰ পেৰালিম্পিকৰ কেইদিনমান পূৰ্বেই মাতৃক হেৰুৱাইছে হৰবিন্দৰে৷
মাতৃৰ মৃত্যু
পেৰিছ পেৰালিম্পিকৰ ২০ দিনৰ পূৰ্বে মাতৃক হেৰুৱাইছে হৰবিন্দৰ সিঙে৷ এই দুখৰ মাজতো তেওঁৰ একাগ্ৰতাই এতিয়া মুগ্ধ কৰিছে বহুজনক৷ সোণ জয় কৰি পেৰিছৰ পৰা হৰবিন্দৰে কয়, ‘২০ দিন পূৰ্বে মাক হেৰুৱাইছো৷ মানসিকভাৱে বহু চাপত আছিলো৷ জীৱনত বহু কিবাই হেৰুৱাইছো৷ মোৰ মাৰ কঠোৰ পৰিশ্ৰম আৰু আশীৰ্বাদৰ কাৰণেই মই আজি সোণ জিকিব পাৰিছো৷
চিকিৎসকৰ ভুলৰ বাবে অচল হৈ পৰিল দুভৰি
হাৰিয়ানাৰ কৈথালৰ বাসিন্দা হৰবিন্দৰ সিং৷ ডেৰ বছৰ বয়সত হৰবিন্দৰৰ ডেংগি ধৰা পৰে৷ সেই সময়ত চিকিৎসকৰ ইঞ্জেকছনে হৰবিন্দৰক এনেকৈ প্ৰভাৱিত কৰিছিল যে তেওঁ ভৰি দুখনেই সম্পূৰ্ণ অচল হৈ পৰে৷ ইয়াৰপাছতেই এখন ভৰি লাহে লাহে কিছু সুস্থ হয় কিন্তু এখন ভৰি সম্পূৰ্ণৰূপে অচল হৈ পৰে৷
এখন ভৰিৰেই হৰবিন্দৰে চলাই যায় জীৱন সংগ্ৰাম৷ থমকি নৰ’ল হৰবিন্দৰ৷ নকমিল সাহসো৷ সফলতাৰ বাবে তেওঁ এনেকৈ পৰিশ্ৰম কৰিলে যে তেওঁ প্ৰথমগৰাকী এথলিট হিচাপে পেৰালিম্পিকৰ আৰ্চাৰীত দেখলৈ সোণৰ পদক আনিলে৷
ঘৰৰ কাষৰ কৃষিভূমিত চলাইছিল অনুশীলন
কৰ’নাৰ সময়ত সমগ্ৰ ফিল্ড আদি বন্ধ ৰখা হৈছিল৷ সেয়ে অনুশীলনৰ বাবে ঠাই নাছিল হৰবিন্দৰৰ৷ পুত্ৰৰ খেলৰ প্ৰতি আগ্ৰহ দেখি আগুৱাই আহে পিতৃ৷ নিজৰ কৃষিভুমিৰে অলপ স্থানত পিতৃয়ে পুত্ৰৰ বাবে আৰ্চাৰী ট্ৰেক বনাই দিলে৷ হৰবিন্দৰ সিঙে ফাইনেলত ৬-০ত জয়লাভ কৰিছে৷ পোলেণ্ডৰ লিকাছ ছিচজেকক পৰাস্ত কৰিছে হৰবিন্দৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
