সামাজিক মাধ্যমত তেওঁ খুবেই জনপ্ৰিয় হৈ পৰিছিল৷ তেওঁৰ ভিডিঅ’ দেখিলে আপুনিও হয়তো লাইক বা কেয়াৰ ইমজি এটা তেওঁৰ বাবে দিছিল৷ ছচিয়েল মিডিয়াত লাখ লাখ লোকৰ হৃদয়ত স্থান দখল কৰা বিবেক পাংগেনীৰ ২০২৪ চনৰ ১৯ ডিচেম্বৰত মৃত্যু হয়।
দীৰ্ঘদিন ধৰি মগজুৰ কৰ্কটত আক্ৰান্ত হৈ আছিল তেওঁ। কৰ্কটৰ সৈতে যুঁজি থাকিলেও বিবেক আৰু তেওঁৰ পত্নী ছ’চিয়েল মিডিয়া প্লেটফৰ্মত যথেষ্ট সক্ৰিয় আছিল। তেওঁৰ পত্নী সৃজনীয়ে দুয়োৰে ভিডিঅ’বোৰ অবিৰতভাৱে শ্বেয়াৰ কৰি আছিল৷ তেওঁৰ কাহিনীয়ে লাখ লাখ মানুহক অনুপ্ৰাণিত কৰাৰ লগতে দুয়োকে ৰোগৰ সৈতে যুঁজিবলৈকো সাহস দিছিল৷ অৱশেষত কৰ্কটৰ ওচৰত হাৰ মানিলে বিবেকে৷ সৃজনাক এৰি ঘূৰি নহাৰ বাটেৰে গ’লগৈ বিবেক৷ সৃজনালৈ থৈ গ’ল ভালপোৱাৰ সুগন্ধি থকা এখিনিমান স্মৃতি৷ বিবেকৰ মৃত্যুৰ খবৰ ভাইৰেল হোৱাৰ পাছতেই লাখ লাখ লোকে শ্বেয়াৰ কৰিছে তেওঁৰ পোষ্ট৷ তেওঁক শেষ শ্ৰদ্ধা কাষত ৰৈ জনাবলৈ নাপালেও সামাজিক মাধ্যমতেই দিছে এমুঠি অশ্ৰুঅঞ্জলী৷
কৰ্কটৰ সৈতে সাহসেয়ে যুঁজি গ’ল বিবেকে
বিবেক পাংগেনী ব্ৰেইনৰ কৰ্কটত আক্ৰান্ত হৈছিল৷ বিবেকৰ অসুখৰ কথা তেওঁৰ পত্নী সৃজনায়ে সামাজিকমাধ্যমযোগে জনাইছিল সকলোকে৷ ইনষ্টাগ্ৰাম ৰিল আৰু ভিডিঅ’ত তেওঁৰ চিকিৎসা, মানসিক সংগ্ৰাম আৰু শক্তিশালী ইচ্ছাশক্তিও দেখুওৱা হৈছিল৷ এই ভিডিঅ’সমূহৰ জৰিয়তে তেওঁ এই বাৰ্তাই দিছিল যে, কঠিন সময়তো আশা আৰু ইতিবাচকতা বজাই ৰখাটো গুৰুত্বপূৰ্ণ। বিবেকে ষ্টেজ ৪ ব্ৰেইন কেন্সাৰৰ সৈতে যুঁজি আছিল, য’ত তেওঁৰ জীয়াই থকাৰ সম্ভাৱনা অতি কম আছিল, কিন্তু তথাপিও তেওঁ হাৰ নামানি যুঁজ দিছিল৷ এই যুঁজত তেওঁক সংগ দিছিল পত্নী সৃজনাই৷
স্বাস্থ্যৰ ধাৰাবাহিক অৱনতি ঘটিছিল বিবেকৰ
শেহতীয়াকৈ তেওঁৰ স্বাস্থ্যৰ অৱস্থা দ্ৰুতগতিত অৱনতি ঘটিছিল। চিকিৎসাৰ চলি থকাৰ মাজতেই ১৯ ডিচেম্বৰত তেওঁৰ মৃত্যু হয়। এই মৰ্মান্তিক ঘটনাই তেওঁৰ পৰিয়াল আৰু বন্ধু-বান্ধৱীক গভীৰ শোকত পেলাইছে৷ তেওঁৰ সৈতে প্ৰতি সময়তে সংগ দিয়া পত্নী সৃজনা কোন সেই বিষয়েও এতিয়া জানিবলৈ আগ্ৰহী হৈ উঠিছে বহুজন৷
সৃজনা সুবেদী কোন?
বিবেক পাংগেনীৰ পত্নী সৃজনা সুবেদী মূলতঃ নেপালৰ আৰু বৰ্তমান তেওঁ আমেৰিকাত বাস কৰে৷ বিবাহৰ পিছত তেওঁৰ জীৱনটো অতি সুখেৰে চলি আছিল যদিও হঠাৎ স্বামীৰ কেন্সাৰ ধৰা পৰে৷ ইয়াৰ পিছত সৃজনাই স্বামীক প্ৰতিটো খোজতে সহায় কৰিছিল আৰু কঠিন সময়ত তেওঁৰ সকলো প্ৰয়োজনৰ যত্ন লৈছিল। নিজৰ সাধ্য অনুসৰি স্বামীৰ সেৱা কৰি আছিল৷
সৃজনাই নিজেই কাটি পেলাইছিল সুন্দৰ চুলিকোছা
সৃজনা চুবেৰীৰ প্ৰতিও মানুহ আকৰ্ষিত হৈছিল। স্বামী বিবেকক তেওঁ যথেষ্ট ভালপাইছিল যাৰ বাবে বিবেকৰ চুলি সম্পূর্ণ নোহোৱা হৈ যোৱা দেখি নিজৰ চুলিও কাটি পেলালে৷ সৃজনাই স্বামীৰ কঠিন সময়ত সকলো ধৰণেৰে সহায় কৰিছিল। স্বামীৰ মৃত্যুৰ পিছতে সৃজনা ভাঙি পৰিছে৷ অনুৰাগীৰ প্ৰাৰ্থনা বিবেকৰ আত্মাই শান্তি পাওক লগতে এই দুখৰ পৰা সোনকালেই যাতে সৃজনা ওলাই আহিব পাৰে তাৰবাবে নেদেখাজনে শক্তি দিয়ক সৃজনাক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
