প্ৰেমৰ বাবে মানুহে নকৰে কি। প্ৰেমৰ বাবেই মানুহে সাত-সাগৰ তেৰ নদীৰ সিপাৰেও উৰা মাৰে। প্ৰেমৰ বাবেই সকলো বদ অভ্যাস ত্যাগ কৰা বা প্ৰেমৰ বিৰহত নিজৰ জীৱন শেষ কৰি দিয়া ঘটনাও আমি শুনি আহিছো। আমি শুনি আহিছো প্ৰেমে নামানে বয়স তথা সমাজৰ বাধা। সেয়ে কেতিয়াবা ১৮ বছৰীয়া যুৱকৰ সৈতে আদবয়সীয়া মহিলাৰ প্ৰেম বা ১৯ বছৰীয়া তৰুণীৰ সৈতে আদবয়সীয়া পুৰুষৰো প্ৰেম কাহিনী শুনি আহিছো। প্ৰেমে ধৰ্ম-জাতি ভেদৰ কোনো পাৰ্থক্যও যে নামানে সেয়াও সময়ে সময়ে আমি শুনি আহিছো। কিন্তু কেতিয়াবা প্ৰেমৰ বাবে ২৪ ঘণ্টা ধৰি মোবাইল টাৱাৰৰ উচ্চতাত আৰোহন কৰি আকোঁৰগোজ হৈ থকা শুনিছেনে? ২৪ ঘণ্টা ধৰি এগৰাকী মহিলাই এটা মোবাইল টাৱাৰত উঠি আকোঁৰগোজ হৈ থকা এটা ঘটনাই শেহতীয়াকৈ বিশেষভাৱে চৰ্চা লাভ কৰিছে।
কিয় মোবাইল টাৱাৰত উঠিল মহিলাই?
এই ঘটনা সংঘটিত হৈছে বিহাৰৰ বলিয়া জিলাৰ ছিকন্দৰপুৰৰ লীলকৰ গাঁৱত। নিজৰ প্ৰেমিকক বিচাৰি মহিলাগৰাকীয়ে উক্ত গাঁওখনলৈ আহে। ইয়াৰ পিছতো প্ৰেমিকক নাপায় এনেকৈ গাঁওখনত অৱস্থিত মোবাইল টাৱাৰটোত আৰোহন কৰে মহিলাগৰাকীয়ে। মহিলাগৰাকীৰ এই কাণ্ডৰ খবৰ পায়ে স্থানীয় আৰক্ষী প্ৰশাসন ঘটনাস্থলীত উপস্থিত হৈ মহিলাগৰাকীক কাকুতি-মিনতি কৰে যদিও সুদীৰ্ঘ প্ৰায় ২৪ ঘণ্টাৰ মূৰতহে অৱশেষত মহিলাগৰাকী তললৈ নামি আহে। এই ঘটনা সংঘটিত কৰা মহিলাগৰাকীৰ নাম পুনম দেৱী।
দৰাচলতে লীলকৰ নামৰ গাঁওখনৰে জোঁৱাই সৌৰভ বিন্দৰে প্ৰেমৰ সম্পৰ্ক আছিল মহিলাগৰাকীৰ। মহিলাগৰাকীয়ে লীলকৰ গাঁওলৈ বিচাৰি অহাৰ খবৰ পায়ে সৌৰভে পলায়ন কৰে। মহিলাগৰাকীৰ এই কাণ্ডত ত্ৰাহি মধুসুদন সুঁৱৰা আৰক্ষীয়ে বিহাৰৰ দেৱৰীয়াৰ পৰা সৌৰভক বিচাৰি মহিলাগৰাকীৰ ওচৰলৈ অনাতহে এই হাই ভল্টেজ ড্ৰামাৰ অন্ত পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
