বিপিন ৰাৱাট দুৰ্ঘটনাত পতিত হোৱা হেলিকপ্টাৰৰ ব্লেকবক্স উদ্ধাৰ, তদন্ত বাবে নিয়া হৈছে ব্লেকবক্সটো

অসম লাইভ ২৪ঃ দুৰ্ঘটনাস্থলীত উদ্ধাৰ বিপিন ৰাৱাট দুৰ্ঘটনাত পতিত হোৱা হেলিকপ্টাৰৰ ব্লেকবক্স৷ উদ্ধাৰৰ পাছতে তদন্ত বাবে নিয়া হৈছে ব্লেকবক্সটো৷ কাইলৈ অৰ্থাৎ শুকুৰবাৰে দিল্লীৰ কেণ্টত শেষকৃত্য সম্পন্ন হ’ব CDS বিপিন ৰাৱাটৰ৷ ৰাষ্ট্ৰীয় মৰ্যাদাৰে সম্পন্ন কৰা হ’ব শেষকৃত্য৷

আজি দিল্লীলৈ আজি অনা হ’ব বিপিন ৰাৱাট আৰু পত্নী মধুলিকা ৰাৱাটৰ নশ্বৰ দেহ৷ ১১ গৰাকী সেনাৰ নশ্বৰ দেহো অনা হ’ব দিল্লীলৈ৷ দিল্লীৰ চৰকাৰী আৱাস কামৰাগ মাৰ্গত ৰখা হ’ব ৰাৱাট-পত্নীৰ নশ্বৰ দেহ৷

তাতে অন্তিমবাৰৰ বাবে শেষ শ্ৰদ্ধাঞ্জলি জনাব গুণমুগ্ধই৷ শ্ৰদ্ধাঞ্জলি অনুষ্ঠানত উপস্থিত থাকিব প্ৰধানমন্ত্ৰী নৰেন্দ্ৰ মোদী৷ এখন সামৰিক বিমানেৰে অনা হ’ব ৰাৱাট-পত্নীৰ নশ্বৰ দেহ৷ ইফালে, ৰাৱাটৰ গৃহচহৰ উত্তৰাখণ্ডত এতিয়া শোকাকুল পৰিৱেশ৷

৩ দিনীয়াকৈ ৰাজ্যিক শোক প্ৰকাশ উত্তৰাখণ্ড চৰকাৰৰ৷ আৰু আজি সংসদত হেলিকপ্টাৰ দুৰ্ঘটনা সন্দৰ্ভত বিবৃতি দিয়ে প্ৰতিৰক্ষা মন্ত্ৰী ৰাজনাথ সিঙে৷ নিহতসকললৈ শ্ৰদ্ধাঞ্জলি জ্ঞাপন কৰে লোকসভাৰ অধ্যক্ষ আৰু সাংসদে৷

See More

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ