অসম লাইভ ২৪ঃ বিজেপি নেতাৰ বিৰুদ্ধে ধর্ষণ বা যৌন নিগ্ৰহৰ অভিযোগ নতুন নহয়। উত্তৰ প্ৰদেশৰ একাধিক নেতাৰ বিৰুদ্ধে পূর্বে এনে অভিযোগ বহুবাৰ উঠিছে। এইবাৰ আগ্ৰাৰ বিজেপি নেতা এজনৰ ফার্ম হাউছত নাৰী দেহৰ ৰমৰমীয়া ব্যৱসায় চলোৱাৰ ঘটনা পোহৰলৈ আহিছে। আগ্ৰা আৰক্ষীয়ে ইতিমধ্যে এই ছেক্স ৰেকেট ধৰা পেলাইছে। আৰক্ষীয়ে গেৰুৱা নেতাজনক সোধ-পোচ কৰে। বিজেপিৰ প্ৰাক্তন জিলা সভাপতিজনে আৰক্ষীক স্পষ্ট কৰি দিয়ে- এই ফার্ম হাউছটো অন্য লোকক লীজত দিয়া হৈছিল। গতিকে তেওঁ কোনোপধ্যে এই অবৈধ ব্যৱসায়ৰ লগত জড়িত নহয়। আগ্ৰাৰ এছএছপি বাবুল কুমাৰে সংবাদ মাধ্যমক জনোৱা মতে আগ্ৰা চিটি আৰক্ষীয়ে ফার্ম হাউছটোত অভিযান চলাই এক বিশাল ছেক্স ৰেকেট ধৰা পেলায়। আৰক্ষী বিষয়াগৰাকীয়ে জনোৱা মতে যুৱতীসকলক প্ৰথমতে এই ফার্ম হাউছলৈ অনা হয় আৰু তাৰ পাছত বিভিন্ন হোটেললৈ পঠোৱা হয়। ইয়াৰ আঁৰত প্ৰভাৱশালী লোক জড়িত থকাৰ সন্দেহ ব্যক্ত কৰে এছএছপি বাবুল কুমাৰে। ঘটনাত জড়িত থকাৰ অভিযোগত ৩ মহিলাসকল ৯ জনক গ্ৰেপ্তাৰ কৰা হৈছে। অভিযুক্ত বিজেপি নেতাজনে দাবী কৰিছে তেওঁ শচীন, বিষ্ণু আৰু বিশাল দয়াল নামৰ তিনিজন লোকক ফার্ম হাউছটো লীজত দিছিল। ফার্ম হাউছত কি চলে তেওঁ নাজানে। এক নিৰপেক্ষ তদন্তৰ দাবীও কৰে বিজেপি নেতাজনে। ইয়াৰ বিপৰীতে আৰক্ষীয়ে প্ৰাথমিক তদন্তত বিজেপি নেতাজন এই ব্যৱসায়েৰে জড়িত থকাৰ প্ৰমাণ পোৱা গৈছে বুলি দাবী কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
