অসম লাইভ২৪ঃ ২৫০ জন যৌন দাসী ৰাখিছিল ব্যক্তিগৰাকীয়ে৷ কেৱল যৌনদাসীৰ সৈতেই সম্পৰ্ক ৰাখিছিল এনে নহয়৷ জীৱ-জন্তুৰ সৈতেও যৌন সম্পৰ্ক কৰিছিল এইজন ব্যক্তিয়ে। আৰক্ষীৰ তদন্ততেই ধৰা পৰিছে ব্ৰাজিলৰ ‘যৌন অপৰাধী’। এই নৰকীয় কাণ্ড সংঘটিত হৈছে লেটিন আমেৰিকাৰ দেশ ব্ৰাজিলত। ইতিমধ্যে আৰক্ষীয়ে গ্ৰেপ্তাৰ কৰিছে অভিযুক্তক। ৩২ বছৰীয়া অভিযুক্তগৰাকীৰ নাম ৰনি শ্বেলব। তদন্তকাৰীৰ মতে, ৰ’নীয়ে কমেও ২৫০ গৰাকী যুৱতীক যৌন দাসী হিচাপে ৰাখিছিল। ব্ৰাজিলৰ এই অভিযুক্তই যুৱতীকেইগৰাকীক ব্লেকমেইলিঙ কৰি কোটি কোটি টকাও উপাৰ্জন কৰিছিল।
নাৰী সৰবৰাহৰ চক্ৰৰ সৈতে ওতঃপ্ৰোত সম্পৰ্ক থকাৰ অভিযোগ উত্থাপন হৈছে অপৰাধী ৰনিৰ বিৰুদ্ধে। ২০১৯ চনত এগৰাকী যুৱতীয়ে ৰনিৰ বিৰুদ্ধে আৰক্ষীৰ ওচৰত এজাহাৰ দাখিল কৰিছিল। লগে লগে প্ৰশাসনে ব্যৱস্থা গ্ৰহণ কৰে। সেই বছৰৰ ১১ অক্টোবৰত ৰনিক গ্ৰেপ্তাৰ কৰা হৈছিল। আৰক্ষীৰ মতে, ৰ’নীয়ে ছ’চিয়েল মিডিয়াৰ জৰিয়তে মহিলাৰ সৈতে যোগাযোগ কৰিছিল। ব্ৰাজিলৰ পুলিচে কয় যে যুৱতীক টকাৰ প্ৰলোভনত যৌন দাসী বনাইছিল ৰ’নীয়ে। ছ’চিয়েল মিডিয়াৰ জৰিয়তে কলেজ আৰু বিশ্ববিদ্যালয়ৰ ছোৱালীৰ লগত ৰ’নীয়ে মত বিনিময় কৰিছিল। তেওঁলোকৰ কোনোবাই যদি কাম কৰিবলৈ মান্তি হয় তেন্তে তেওঁ বিভিন্ন লোভনীয় সামগ্ৰী উপহাৰ হিচাপে দিবলৈ আৰম্ভ কৰিছিল। অভিনয় কৰিলে ২ লাখ টকা পাব বুলি ৰ’নীয়ে আশ্বাসো দিছিল।
উল্লেখ্য যে কলেজীয়া ছাত্ৰ-ছাত্ৰীৰ উপৰিও ৰ’নীয়ে কিশোৰ-কিশোৰীকো লক্ষ্য কৰি ল’বলৈ আৰম্ভ কৰিছিল। সেই দাবী ব্ৰাজিলৰ আৰক্ষীৰ। ২০১৯ চনত গ্ৰেপ্তাৰ হোৱাৰ পিছত ব্ৰাজিলৰ এই যুৱকজনে এটা চাঞ্চল্যকৰ স্বীকাৰোক্তি দিয়ে। ৰ’নীয়ে আদালতত দাবী কৰে যে তেওঁ কোনো অপৰাধ সংঘটিত কৰা নাই। কেৱল সেয়াই নহয়, তেওঁ লগতে কয় যে যৌনদাসী ৰখাটো তেওঁৰ অধিকাৰৰ ভিতৰত পৰে। বৰ্তমান এই যুৱক ব্ৰাজিলৰ কাৰাগাৰত বন্দী হৈ আছে। আদলতে তেওঁক ৪০ বছৰ সশ্রম কাৰাদণ্ড দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
