অসম লাইভ ২৪ঃ বিয়াৰ মণ্ডপ এৰি পালেগৈ থানা। দৰাৰ বিৰুদ্ধে অভিযোগ দাখিল কৰিবলৈয়ে থানা পালেগৈ কন্যা। এনেকুৱা কি ঘটনা ঘটিল যে, থানা পালেগৈ কন্যাগৰাকী? ঘটনাৰ স্থান উত্তৰ প্ৰদেশ। ২৬ নৱেম্বৰত বিবাহ হোৱাৰ পাছতেই ২৮ নৱেম্বৰত ৰিচিপশ্ব্যনৰ ব্যৱস্থাও কৰা হৈছিল। সজাই তোলা হৈছিল মঞ্চ। অনুষ্ঠানটোত প্ৰায় ৩০০ জন অতিথি উপস্থিত আছিল। সাজি-কাছি দৰাসহিতে কন্যাও সেই অনুষ্ঠানত উপস্থিত হৈছিল। তাৰপাছতেই হঠাতেই অঘটন। নৱবধুৰ ওঁঠত দৰাই হঠাতেই আঁকি দিলে চুমা। কিন্তু এই চুমাই মাতি আনিলে দৰাৰ জীৱনলৈ অন্ধকাৰ। কন্যাই স্বামীৰ এনে কাৰ্যত অতিষ্ঠ হৈ লগে লগেই ৰিচিপশ্ব্যনৰ পৰা ওলায় মাতৃগৃহলৈ যাত্ৰা কৰে। পৰিয়ালৰ অন্য সদস্যই বুজনি দিছিল যদিও কোনো কাৰণতে এই কাৰ্য মানি নহয় কন্যাই। অৱশেষত মাতৃগৃহলৈ যোৱাতেই শান্ত নাথাকি থানা পালেগৈ নৱবিৱাহিতা।
আৰক্ষীয়ে এই সন্দৰ্ভত প্ৰকাশ কৰা প্ৰতিবেদনত উল্লেখ থকা অনুযায়ী, নৱবিবাহিতাই আৰক্ষীৰ আগত কৈছে, ‘মই আৰু কোনো কাৰণতে এনে স্বামীৰ সৈতে থাকিব নিবিচাৰো। মই মোৰ স্বামীৰ আচৰণ মুঠেও ভালপোৱা নাই। ৩০০ লোকৰ সন্মুখত এনেকুৱা কাম কৰিবলৈ যদি লাজ কৰা নাই তাৰমানে এয়াই প্ৰমাণ কৰে যে তেওঁৰ চৰিত্ৰ মুঠেও ভাল নহয়। তেওঁৰ বিৰুদ্ধে আৰক্ষীয়ে যাতে উচিত ব্যৱস্থা গ্ৰহণ কৰে মই সেই আশাই কৰিছো।’
উল্লেখ্য যে, বিষয়টোক লৈ দৰাই কয় যে, মই মোৰ পত্নীকহে চুমা আঁকি দিছিলো। মোৰ সৈতে তেওঁৰ এটা চেলেঞ্জ আছিল যে, মই যদি সকলোৰে সন্মুখত চুমা খাব পাৰো তেন্তে তেওঁ মোৰ ১৫০০ টকা দিব। আৰু মই যদি এই কাম কৰিব নোৱাৰো তেন্তে মই তেওঁক ৩০০০ টকা দিব লাগিব। আৰক্ষীয়ে সেই বিষয়টোক লৈ পুনৰ নৱবিবাহিতাক প্ৰশ্ন কৰাত তেওঁ যে এয়া সম্পূৰ্ণ মিছা কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
