এগৰাকী ব্ৰিটিছ ভুতত্ত্ববিদ আৰু এগৰাকী জাৰ্মান পৰ্যটকক মৃত্যুদণ্ডৰ ৰায় প্ৰদান কৰিছে মধ্যপ্ৰাচ্য দেশ ইৰাকৰ এক আদালতে৷
দুয়ো গৰাকী লোকৰ বিৰুদ্ধে ইৰাকৰ পৰা অতি প্ৰাচীন ১২ টা শিল আৰু মৃৎশিল্পৰ টুকুৰা চোৰ কৰাৰ অপৰাধত এই চৰম শাস্তি বিহিছে ইৰাকৰ আদালতে৷
সংবাদ মাধ্যমত প্ৰকাশ পোৱা বাতৰি মতে ৬৬ বছৰীয়া অৱসৰপ্ৰাপ্ত জিম ফিটন নামৰ ভূতত্ত্ববিদগৰাকীয়ে দক্ষিণ ইৰাকৰ এৰিডু চহৰৰ প্ৰত্নতাত্ত্বিক স্থানৰ পৰা উক্ত সম্পদখিনি সংগ্ৰহ কৰিছিল৷ অভিযোগ অনুসৰি ফিটনে ফালকাৰ ৱাল্ডমেন জাৰ্মান পৰ্যটকগৰাকীয়ে সৈতে এক প্ৰত্নতাত্ত্বিক আৰু ভূতাত্ত্বিক ভ্ৰমণলৈ গৈছিল৷
লগতে পঢ়ক ৯ গৰাকী পত্নী! এগৰাকীয়েই হ’ব পাৰিব মাতৃ! কি নিয়ম কৰিলে স্বামীয়ে?
তেওঁলোকে উক্ত প্ৰত্নতাত্ত্বিক সম্পদসমূহ লৈ যোৱা ২০ মাৰ্চত নিজ দেশলৈ উভতনি যাত্ৰা কৰাৰ পূৰ্বে বিমানবন্দৰত কৰা তালাচীৰ সময়ত ধৰা পৰে আৰু ইৰাকৰ আৰক্ষীয়ে দুয়োকে গ্ৰেপ্তাৰ কৰে৷ ইয়াৰ পিছতে যোৱা ১৫ মে’ত দুই অভিযুক্তৰ শুনানি গ্ৰহণ কৰি ইৰাকৰ আদালতে ফাঁচীৰ নিৰ্দেশ দিয়ে৷
দুই অভিযুক্তই কয় যে তেওঁলোকে ইৰাকৰ আইনৰ বিষয়ে অৱগত নাছিল সেয়ে এই সম্পদসমূহ উপহাৰ হিচাপে গ্ৰহণ কৰিহে নিজ ঘৰলৈ উভতনি যাত্ৰা আৰম্ভ কৰিছিল৷
এই বাতৰি বিয়পি পৰাৰ লগে লগে বিশ্বৰ মানৱধিকাৰ সংগঠনসমূহে ইৰাকৰ আদালতৰ ৰায়ৰ বিৰুদ্ধে প্ৰতিবাদমুখৰ হৈ পৰিছে৷
লগতে পঢ়ক ফেট ৰিমুভেল অস্ত্ৰোপচাৰ কৰি মৃত্যু দক্ষিণৰ জনপ্ৰিয় ২১ বছৰীয়া অভিনেত্ৰীৰ
ইফালে ভূতত্ত্ববিদ ফিটনৰ পৰিয়ালে ব্ৰিটেইনৰ সংসদক ইৰাকৰ এই ৰায়ৰ বিৰুদ্ধে হস্তক্ষেপ কৰিবলৈ আহ্বান জনাইছে৷ এই আহ্বানৰ পিছতে সমগ্ৰ বিষয়টো বিশ্বৰ সংবাদ মাধ্যমৰ শিৰোণাম দখল কৰে আৰু বিশ্বজুৰি মানৱ অধিকাৰ সংগঠনসমূহে ইৰাকৰ আদালতৰ ৰায় প্ৰত্যাহাৰৰ দাবী জনাইছে৷
আনহাতে, দুই অভিযুক্তই দাবী কৰিছে যে বিমানবন্দৰত তেওঁলোকক গ্ৰেপ্তাৰ কৰাৰ পূৰ্বলৈকে তেওঁলোক দুয়ো পৰিচিত নাছিল৷
আদালতৰ ন্যায়াধীশে অভিযুক্তদ্বয়ক কয় যে তেওঁলোকৰ বিৰুদ্ধে ২০০২ চনৰ এখন আইন অনুসৰি অভিযোগ উত্থাপন কৰা হৈছে য’ত ‘ইৰাকৰ পৰা ইচ্ছাকৃতভাৱে কোনো প্ৰাচীন বস্তু লোৱা বা উলিয়াই নিবলৈ চেষ্টা কৰা’ৰ দোষীত মৃত্যুদণ্ডৰ ৰায় প্ৰদান কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
