অসম লাইভ ২৪ঃ ভাৰতত ভিন্ন ধর্মৰ লোক বাস কৰে। নিজৰ বিশ্বাস অনুযায়ী ভিন্ন ভিন্ন দেৱ-দেৱীক পূজা কৰে। ভাৰতত লাখ লাখ মন্দিৰ আছে আৰু এই মন্দিৰসমূহৰ প্ৰতি মানুহ এক বিশ্বাস তথা আস্থা আছে। কিন্তু কেতিয়াবা মানুহে এনেকুৱা কিছুমান বস্তুৰ ওপৰত আস্থা ৰাখে, যিটো শুনিলে আচৰিত হ’বলগীয়া হয়। ৰাজস্থানত এনেকুৱা এটা মন্দিৰ আছে, যিটো মন্দিৰত বুলেট বাইকক পূজা কৰা হয়। মন্দিৰৰ ওচৰেৰে পাৰ হোৱা ব্যক্তিয়ে মন্দিৰৰ সন্মুখত এবাৰ মূৰ দোৱাই যায়। আপুনি হয়তো ভাবিব পাৰে বুলেট বাইক পূজা কৰা এইটো আকৌ কেনেধৰণৰ মন্দিৰ? অৱশ্যে ইয়াৰ আঁৰত আছো এক ৰহস্যময় ঘটনা। ১৯৮৮ চনত ৰাজস্থানৰ চোটিলা গাঁৱৰ ওম বান্না নামৰ এজন লোকে নিজৰ বুলেট বাইকখনেৰে শহুৰেকৰ ঘৰলৈ গৈ থাকোতে পথ দুর্ঘটনাত মৃত্যু হয়। দুর্ঘটনাৰ পিছত ঘটনাস্থলীত আৰক্ষী উপস্থিত হয়, আৰু দুর্ঘটনাগ্ৰস্ত বাইখন থানালৈ লৈ যায়। কিন্তু আৰক্ষীয়ে নিয়া বাইখন থানাৰ পৰা নোহোৱা হয়। কিন্তু আৰক্ষীয়ে বাইখন পুনৰ দুর্ঘটনাস্থলীত উদ্ধাৰ কৰে, য’ত ওম বান্নাৰ মৃত্যু হৈছিল। আৰক্ষীয়ে পুনৰ বাইখন থানালৈ লৈ যায়, আৰু সেইদিনাও বাইখন থানাৰ পৰা নোহাৱা হয়। আৰক্ষীয়ে পুনৰ দুর্ঘটনাস্থলীৰ পৰা বাইকখন উদ্ধাৰ কৰে। কেইবাবাৰো এনেকুৱা হোৱাৰ পিছত আৰক্ষীয়ে থানাত বাইখন এডাল চেইনেৰে বান্ধি থয়। কিন্তু আচৰিতভাৱে সেইদিনাও বাইকখন থানাৰ পৰা নোহাৱা হয়। এই আশ্চর্যকৰ ঘটনা দেখি স্থানীয় ৰাইজ তথা আৰক্ষী শংকিত হৈ পৰে। ইয়াৰ পিছত আৰক্ষী আৰু ৰাইজে লগ হৈ বুলেট বাইখন খন সেই ঠাইত স্থাপন কৰে, য’ত ওম বান্নাৰ মৃত্যু হৈছিল। জানিব পৰা মতে বুলেট বাইখন স্থাপন কৰা পিছত সেই ঠাইডোখৰত আজিলৈকে কোনো ধৰণৰ দুর্ঘটনা হোৱা নাই। ইয়াৰ পিছত মানুহে সেই বাইকখনক পূজা কৰা আৰম্ভ কৰি দিয়ে আৰু এটি মন্দিৰো নির্মাণ কৰে। কেৱল এয়াই নহয়, দুর্ঘটনা নিহত হোৱা ওম বান্নাকো পূজা কৰিবলৈ লয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
