ফিফা ফুটবল বিশ্বকাপৰ মূল পৰ্বত ভাৰতৰ অংশগ্ৰহণ এতিয়াও সপোনৰ অগোচৰ হৈ থাকিলেও কাটাৰ ২০২২ ফিফা ফুটবল বিশ্বকাপত এইবাৰ ভাৰতৰ উপস্থিতি প্ৰত্যক্ষ কৰিব সমগ্ৰ বিশ্বৰ ক্ৰীড়া প্ৰেমীয়ে৷
ইতিহাস ৰচি ফিফা বিশ্বকাপ ২০২২ত ভাৰতৰ এক প্ৰতিষ্ঠানে স্পনছ’ৰশ্বিপ লাভ কৰিবলৈ সক্ষম হৈছে৷ ভাৰতীয় ব্যৱসায়িক প্ৰতিষ্ঠান BYJU’S-এ ২০২২ বৰ্ষৰ কাটাৰ বিশ্বকাপত বাণিজ্যিক স্পনছ’ৰশ্বিপ লাভ কৰিছে৷
ইয়াৰ ফলত BYJU’S-এ ফিফা ফুটবল বিশ্বকাপৰ ইতিহাসত বাণিজ্যিক স্পনছ’ৰশ্বিপ লাভ কৰা ভাৰতৰ প্ৰথমটো ব্যয়সায়িক প্ৰতিষ্ঠানৰ কৃতিত্ব লাভ কৰে৷
লগতে পঢ়ক ৪ বছৰীয়া পুত্ৰ আৰু পত্নীক এৰি আলফা(স্বা)ত যোগদান বৰপেটাৰ ধনজিতৰ
ফিফাৰ মুখ্য বাণিজ্যিক বিষয়া কাই মাডাটিয়ে এই কথা ঘোষণা কৰিছে৷ বিষয়াগৰাকীয়ে এই কথা প্ৰকাশ কৰি কয় যে ‘‘আমি BYJU’S-ৰ দৰে এটা কোম্পানীৰ সৈতে অংশীদাৰী হ’বলৈ পাই আনন্দিত হৈছো৷’’
‘‘ক্ৰীড়া হৈছে জীৱনৰ বৃহৎ অংগ আৰু ইয়ে বিশ্বৰ সকলো লোককে একত্ৰিত কৰি ৰাখিছে৷ আৰু ফুটবল হৈছে বিশ্বৰ কোটি কোটি মানুহৰ অনুপ্ৰেৰণাৰ উৎস৷ আমি আশা কৰিছো যে BYJU’S-ৰ এই অংশীদাৰীত্বই বিশ্বৰ শিশুসকলক শিকিবলৈ আৰু অধিক অনুপ্ৰাণিত কৰিব৷’’ ফিফাৰ ক্ৰীড়া বিষয়াগৰাকীয়ে লগতে কয়৷
লগতে পঢ়ক নিজৰ তেজেৰে কোন মহিলাই অংকন কৰিলে ‘দ্য কাশ্মীৰ ফাইলছ’ৰ পোষ্টাৰ?
উল্লেখ্য যে ভাৰতীয় ব্যৱসায়িক প্ৰতিষ্ঠান BYJU’S-এ ২০১৯ৰ পৰাই ভাৰতীয় জাতীয় ক্ৰিকেট দলৰ টি চাৰ্টৰ স্পনছ’ৰশ্বিপ কৰি আহিছে৷ BYJU’S-এ এখন দ্বিপাক্ষিক মেচৰ বাবদ ৪.৬১ কোটি টকা আৰু আইচিচিৰ এটা ইভেণ্টৰ বাবদ ১.৫১ কোটি টকা পৰিশোধ কৰি মোবাইল নিৰ্মাণ প্ৰতিষ্ঠান Oppoৰ ভাৰতীয় দলৰ স্পনছ’ৰশ্বিপ লাভ কৰিছিল৷
এতিয়াই ফিফা ২০২২ কাৰ্টাৰ বিশ্বকাপৰ বাণিজ্যিক চুক্তিৰ সবিশেষ প্ৰকাশ কৰা নাই বিশ্ব ফুটবলৰ মূৰব্বী ক্ৰীড়া সংগঠনটোৱে৷
ইফালে ফিফাই এইবাৰ বিশ্বকাপ প্ৰতিযোগিতাৰ পৰা ১.৬৯৬ মাৰ্কিন ড’লাৰ ৰাজহ সংগ্ৰহৰ লক্ষ্য স্থিৰ কৰি লৈছে আৰু এই লক্ষ্যৰ অংশীদাৰ হ’ব ভাৰতীয় ব্যৱসায়িক প্ৰতিষ্ঠান BYJU’S৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
