ইউৰোপৰ পিছত আমেৰিকাতো মাঙ্কি পক্সৰ সংক্ৰমণ বৃদ্ধি পোৱা পৰিলক্ষিত হৈছে। ইয়াৰ সংক্ৰমণ বৃদ্ধি পোৱাৰ লগে লগে ইয়াক ৰোধ কৰিবলৈ ইউৰোপৰ লগতে মাৰ্কিন যুক্তৰাষ্ট্ৰটো কিছু বিশেষ নিৰ্দেশনা জাৰি কৰা হৈছে৷
যদিওবা মাঙ্কি পক্স যৌন সংক্ৰামক ৰোগ নহয়, তথাপিও যৌন সম্ভোগৰ অন্তৰংগতাৰ সময়তে ইয়াৰ সংক্ৰমণ বৃদ্ধি পোৱাৰ সম্ভাৱনা বৃদ্ধিও পায় বুলি কোৱা হৈছে। সেয়ে এইবাৰ আমেৰিকাৰ চেণ্টাৰ ফৰ ডিজিজ কণ্ট্ৰ’লে মাঙ্কি পক্সৰ সংক্ৰমণ ৰোধ কৰিবলৈ যৌন স্বাস্থ্যৰ ওপৰত কিছু নিৰ্দেশনা জাৰি কৰিছে।
যৌন স্বাস্থ্য নিৰ্দেশনাত কোৱা হৈছে যে যিসকল লোকৰ মাঙ্কি পক্সত আক্ৰান্ত হৈ আছে বা তেনে কোনো ৰোগীৰ সংস্পৰ্শ বা ওচৰ চাপি আহিছে তেওঁলোকে সাৱধান হ’ব লাগে যাতে হস্তমৈথুন কৰাৰ সময়ত আন লোকে তেওঁৰ পৰা অতি কমেও ৬ ফুট দূৰত্বৰ ভিতৰত নাথাকে। লগতে যৌন সম্ভোগৰ ক্ষেত্ৰৰ পৰাপক্ষত দূৰত থাকিব লাগে৷
লগতে পঢ়ক আকৌ পূৰ্ণ যৌৱনা হৈ উঠিব গুৱাহাটী! অন্য স্থানলৈ স্থানান্তৰণ হ’ব ৰাজ্যৰ ৰাজধানী!
কেৱল এয়াই নহয়, গাইডলাইনত বিশেষজ্ঞসকলে যৌন সম্ভোগৰ লগতে চুমা খোৱাৰ পৰা বিৰত থাকিবলৈ পৰামৰ্শ দিছে। উত্তেজনা বৃদ্ধি কৰা কাপোৰ পৰিধান এৰাই চলাৰ লগতে আলিংগনৰ পৰা বিৰত থাকিবলৈও নিৰ্দেশনা জাৰি কৰা হৈছে।
উল্লেখ্য যে যোৱা ৮ মে’ত ব্ৰিটেইনত প্ৰথমবাৰৰ বাবে ধৰা পৰাৰ পাছৰে পৰা ইউৰোপ আৰু আমেৰিকাৰ বিভিন্ন দেশত এই ভাইৰাছ বিয়পি পৰিছে।
যদিও ই কোনো যৌন সংক্ৰামক ৰোগ নহয়, তথাপিও এই ৰোগৰ প্ৰসাৰৰ ফলত ইউৰোপত এই ৰোগত আক্ৰান্ত লোকসকলৰ অন্তৰংগতা বিশেষকৈ যৌন সম্পৰ্ক স্থাপনৰ ফলতো বহু পৰিমাণে ইয়াৰ প্ৰকোপ বৃদ্ধি পোৱা বুলি কোৱা হৈছে। তাৰ পাছৰে পৰা কেইবাখনো দেশে এই ভাইৰাছৰ সংক্ৰমণ ৰোধৰ বাবে যৌন সম্পৰ্কৰ ক্ষেত্ৰত নিৰ্দেশনা জাৰি কৰিছে। এইবাৰ আমেৰিকাৰ নামো এই তালিকাত সংযোজিত হ’ল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
