দেশ জ্বলিছে…আন্দোলন চলিছে৷ জম্মু-কাশ্মীৰৰ পৰা কন্যাকুমাৰীলৈ, উত্তৰ-পূবৰ পৰা লক্ষদ্বীপলৈ আন্দোলনত থৰহৰিৰে কঁপিছে দেশ৷
পিছে এই আন্দোলনত এইবাৰ কৃষক নহয়, হিংসাত্মক আন্দোলনত জড়িত হৈ পৰিছে দেশৰ উঠি অহা যুৱ-প্ৰজন্ম৷ কেন্দ্ৰীয় চৰকাৰৰ এটা সিদ্ধান্ত, যি সিদ্ধান্তৰে দেশত লাগু কৰিব বিচাৰিছে অগ্নিপথ নামৰ এখন বিশেষ আঁচনি৷
এই আঁচনিৰ জৰিয়তে দেশৰ সেনা বাহিনীত সংযোজন কৰাৰ সিদ্ধান্ত লৈছে মাত্ৰ ৪ বছৰীয়া এক চাকৰি পৰিক্ৰমা৷ এই ৪ বছৰীয়া চাকৰিৰ পৰিক্ৰমাত প্ৰথমাৱস্থাত সেনা বাহিনীত ১৯ বছৰৰ পৰা ২১ বছৰলৈ দেশসেৱা কৰাৰ সময় ধাৰ্য্য কৰি দিয়া হৈছিল ৷
য’ত প্ৰতিটো মাহত দৰমহা হিচাপে প্ৰায় ৩৯ হাজাৰ ৫০০ টকাকৈ দিয়াৰ আঁচনি গ্ৰহন কৰিছিল কেন্দ্ৰীৰ চৰকাৰৰ প্ৰতিৰক্ষা বিভাগে ৷ আনহাতে এই ৪ বছৰ সেনাবাহিনীৰ চাকৰি সীমা শেষ হোৱাৰ পাছত প্ৰায় ১১-পৰা ১৩ লাখ টকাৰ এককালীন পেঞ্চন দিয়াৰ সিদ্ধান্ত কৰিছিল এই অগ্নিপথ আঁচনিৰ জৰিয়তে কেন্দ্ৰ চৰকাৰে৷
পিছে কেন্দ্ৰীয় চৰকাৰৰ এই আঁচনিক লৈ বৰ্তমান দেশৰ সৰ্বত্ৰে প্ৰতিবাদমুখৰ হৈ পৰিছে চাকৰিপ্ৰত্যাশী প্ৰতিগৰাকী যুৱক-যুৱতী৷ ইফালে এই আন্দোলনক কেন্দ্ৰ কৰি দেশত দুটা ভাগত বিভক্ত হৈ পৰিছে সাধাৰণ জনতা৷
একাংশ জনতাই চৰকাৰৰ এই অগ্নিপথ আঁচনিক সমৰ্থন আগবঢ়োৱাৰ লগতে অধিকাংশ জনতাই প্ৰতিবাদমুখৰ হৈ পৰিছে এই আঁচনিৰ বিৰুদ্ধে৷
পাছে এই অগ্নিপথ আঁচনিৰ বিৰুদ্ধে কেৱল সাধাৰণ জনতাই জড়িত হৈ পৰিছে এনে নহ’য়, এইবাৰ চৰকাৰক সমৰ্থন আগবঢ়াই নিজ নিজ মত প্ৰকাশত উঠি পৰি লাগিছে একাংশ বলীউড আভিনেতা-অভিনেত্ৰীয়ে৷ফলত প্ৰত্যাশীতভাৱে চৰকাৰৰ পক্ষত পূৰ্বৰ দৰে পুনৰ ঠিয় হৈ সামাজিক মাধ্যমত নিজৰ মত প্ৰকাশ কৰিছে বলীউডৰ বিতৰ্কিত অভিনেত্ৰী কংগনা ৰাণাৱটে৷
কংগনা ৰাণাৱটে চৰকাৰৰ অগ্নিপথ আঁচনিক সমৰ্থন কৰি সামাজিক মাধ্যমত পোষ্ট কৰে যে ভাৰত চৰকাৰৰ এয়া সময় উপযোগী এক ভাল সিদ্ধান্ত৷
কিয়নো আজিৰ সময়ত গৰিষ্ঠ সংখ্যক নৱপ্ৰজন্মই মোবাইলত পাবজি খেলি সময় পাৰ কৰাৰ লগতে ৰাস্তা-ঘাটে আদ্দা মাৰি জীৱনৰ গুৰুত্বপূৰ্ণ সময়খিনি অবাবত নষ্ট কৰি আছে৷
কিন্তু এই অগ্নিপথ আঁচনিৰ জৰিয়তে সেই অলাগতিয়াল বুলি ভবা প্ৰতিগৰাকী যুৱকে অগ্নিপথ আঁচনিৰ জৰিয়তে এগৰাকী অগ্নিবীৰ হৈ দেশপ্ৰেমৰ গভীৰ মহত্ব বুজি পোৱাৰ লগতে আৰ্থিকভাৱেও অতি কম বয়সত স্বচ্ছল হ’ব পাৰিব৷
কংগনা ৰাণাৱটে লগতে মন্তব্য কৰে যে এনেধৰণৰ দেশসেৱা ইজৰাইলৰ দৰে দেশত প্ৰতিগৰাকী যুৱকৰ বাবে বাধ্যতামূলক৷ কংগনা ৰাণাৱটে চৰকাৰক সমৰ্থন কৰি সামাজিক মাধ্যমত দিয়া এনে মন্তব্য পাছতে গৰিষ্ঠসংখ্যকে কংগনা ৰাণাৱটক সমালোচনা কৰাৰ লগতে অন্য একাংশই কংগনা ৰাণাৱটক সমৰ্থনো আগবঢ়াইছে৷
ইফালে চৰকাৰৰ অগ্নিপথ আঁচনি সম্পৰ্কৰ কংগনা ৰাণাৱটেই নহয় অভিনেত্ৰী ৰবিনা টেণ্ডনেও চৰকাৰৰ সমৰ্থনত সামাজিক মাধ্যমত নিজৰ মন্তব্য পোষ্ট কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
