বৰষুণৰ আশংকা! ভাৰত-অষ্ট্ৰেলিয়াৰ খেলত যদি বৰষুণ আহে তেন্তে কোনে পাব ফাইনেল টিকত, সমীকৰণ কি ?
আজি চেম্পিয়ন ট্ৰফীত ভাৰত অষ্ট্ৰেলিয়াৰ মাজত প্ৰথমখন ছেমিফাইনেলৰ খেল অনুষ্ঠিত হ’ব। গ্ৰুপ এৰ পৰা ভাৰতে ৬ পইণ্ট লাভ কৰি শীৰ্ষ স্থানেৰে ছেমিফাইনেত প্ৰৱেশ কৰিছে, আনহাতে অষ্ট্ৰেলিয়াই গ্ৰুপ বিৰ পৰা ৪ পইণ্টেৰে দ্বিতীয় স্থান লাভেৰে ছেমি ফাইনেলত প্ৰৱেশ কৰিছে।
সেই হিচাপে আজিৰ খেলত হট ফেভাৰিত ভাৰতীয় দল। কিন্তু পূৰ্বৰ ৰেকৰ্ড চালে অষ্ট্ৰেলিয়া অধিক বাৰ জয় লাভ কৰিছে এনে প্ৰতিযোগিতাত ভাৰতৰ বিৰুদ্ধে। যাৰ বাবে দুয়োফালে আজি সমান সমান চিন্তা।
কিন্তু তাৰে মাজতে দেখা দিছে আন এক চিন্তাই । বৰষুণে বিধি পথালি দিব নেকি আজিৰ খেলত। অৱশ্যে আজি মঙলবাৰে ডুবাইৰ আকাশ কালিৰ তুলনাত কিছু ফৰকাল। তথাপি বৰষুণৰ আশংকা নুই কৰিব নোৱাৰি।
সেয়ে যদিহে আজিৰ ছেমিফাইনেলৰ খেলত বৰষুণ আহে তেম্তে কোন দলে লাভ কৰিব ইয়াৰ সুবিধা। কোনে যাব ফাইনেললৈ। কি ইয়াৰ সমীকৰণ।
যদিহে আজি খেলৰ মাজতে বৰষুণ আহে, তেন্তে ৰিজাৰ্ভ ডেৰ দিনা সেই অভাৰৰ পৰাই পুনৰ খেল আৰম্ভ হ’ব। যদি ৰিজাৰ্ভ ডেৰ দিনাও একেই পৰিস্থিতি থাকে তেন্তে এই ক্ষেত্ৰত সুবিধা পাব ভাৰতে। কাৰণ নিয়ম অনুসৰি বৰষুণৰ বাবে নিৰ্ধাৰিত দিন আৰু ৰিজাৰ্ভ দিন দুয়োদিনে খেল বাতিল হ’লে গ্ৰুপ পৰ্যায়ত শীৰ্ষত থাকি ছেমিফাইনেল প্ৰৱেশ কৰা দলে ফাইনেললৈ যোৱাৰ টিকট পাব।
যদি দুয়োখন ছেমিফাইনেলৰ খেলেই বৰষুণৰ বাবে বাতিল কৰিব লগীয়া হয় তেন্তে ফাইনেল খেল ভাৰত আৰু দক্ষিণ আফ্ৰিকাৰ মাজত অনুষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
