স্বামী-স্ত্ৰীৰ মাজত কিমান বছৰৰ ব্যৱধান হ’ব লাগে, সফল সংসাৰৰ নীতি হিচাপে কি কয় চানক্যই !
আচাৰ্য চানক্য নীতি শাস্ত্ৰৰ কথা সকলোৱে জানে। সংসাৰৰ কথা, জীৱনত সফল হোৱাৰ কথা বহু ক্ষেত্ৰতেই বিভিন্ন নীতি দি থৈ গৈছে চানক্যই। সুখৰ আৰু সফল সংসাৰৰ কথাও কৈ গৈছে তেখেতে। স্বামী-স্ত্ৰীৰ মাজত বয়সৰ ব্যৱধান কিমান হব লাগে, কিমান হলে এখন সংসাৰ সুখৰ হয় সেই সন্দৰ্ভত কি কৈছে চানক্যই !
তেখেতে কোৱা অনুসৰি স্বামী-স্ত্ৰীৰ সম্বন্ধ শাৰীৰিক আৰু মানসিক ভাৱে ওতঃপ্ৰোতঃ ভাৱে জড়িত। লগতে এই দুয়ো ক্ষেত্ৰত সুখ হোৱাটো প্ৰয়োজনো।
আচাৰ্য চানক্যই কয় যে, যদিহে স্বামী-স্ত্ৰীৰ মাজৰ বয়সৰ ব্যৱধান অধিক হয়, তেন্তে সংসাৰলৈ বেমেজালি আহে, সমস্যা আহে।
সেয়ে ভুলতো কেতিয়াও বয়সৰ ব্যৱধান অধিক হব নালাগে। বিশেষকৈ স্বামীৰ বয়সৰ তুলনাত পত্নীৰ বয়সৰ ব্যৱধান অধিক হব নালাগে। আচাৰ্যৰ মতে এনে সম্পৰ্ক অধিক সময় নিটিকে। সম্পৰ্কৰ মাজত সমস্যাই বাস কৰে। শেষত সম্পৰ্ক ভাঙি পৰাৰ সম্ভাৱনাই দেখা দিয়ে।
বয়সৰ ব্যৱধান অধিক হলে মানসিক সমস্যাৰো সৃষ্টি হয় এটা সম্পৰ্কৰ মাজত। বেলেগ বেলেগ মানসিকতাই বিৰাজ কৰে সংসাৰত। যাৰ ফলত শেষত একেবাৰে দুৰ্বল হৈ পৰে সম্পৰ্ক।
সেয়ে চানক্যৰ নীতি অনুসৰি- স্বামী-স্ত্ৰীৰ মাজত বয়সৰ ব্যৱধান ৩ৰ পৰা ৫ বছৰৰ ভিতৰত হব লাগে। তেতিয়া দুয়োৰে মাজত মিলাপ্ৰীতি বাঢ়ে। বুজাবুজি অধিক থাকে।
মানসিক অসান্তি নাহে সংসাৰলৈ। দুয়ো দুয়োকে ভালদৰে বুজি পায়। যাৰ ফলত সম্পৰ্ক সদায়ে শক্তিশালী হৈ থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
