অসম লাইভ ২৪ঃ ৰাজযোগ লৈয়ে জন্ম হৈছিল হিমন্ত বিশ্ব শৰ্মাৰ। হিমন্ত বিশ্ব শৰ্মাৰ জন্মকুণ্ডলীত উল্লেখ আছিল এই কথা। পুত্ৰই মুখ্যমন্ত্ৰীৰূপে শপত বাক্য পাঠ কৰাৰ পাছত মাতৃ মৃণালিনী দেৱীয়ে সংবাদ মাধ্যমৰ আগত প্ৰকাশ কৰে এই কথা। মাতৃগৰাকীয়ে কয়, ‘হিমন্তৰ জন্মকুণ্ডলীত ৰাজযোগ আছিল। মুখ্যমন্ত্ৰী হ’ব বুলি মনে মনে ভাৱিছিলো। ভগৱানক ভাবিলে কিবা এটা ভাল লাগে। তাৰ ফল পাইছো, ভুলটো সদায় মাক হিচাপে আঙুলিয়াই দিম। মই ৯ বছৰ বয়সতে ৰাইজৰ কামত উলিয়াই দিছিলো।’আনহাতে মুখ্যমন্ত্ৰীত্ব এক ট্ৰফী নহয়, ই এক গধুৰ দায়িত্ব বুলিও উল্লেখ কৰে হিমন্ত বিশ্ব শৰ্মাৰ মাতৃয়ে। সোমবাৰে ৰাজ্যৰ পঞ্চদশ মুখ্যমন্ত্ৰীৰূপে আনুষ্ঠানিকভাৱে দায়িত্বভাৰ গ্ৰহণ কৰে ড০ হিমন্ত বিশ্ব শৰ্মাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ