অসম লাইভ ২৪ঃ প্ৰাক্তন মুখ্যমন্ত্ৰী সৰ্বানন্দ সোণোৱালে আঢ়ৈ লাখ টকাৰ বৰঙণি আগবঢ়ায় মুখ্যমন্ত্ৰীৰ সাহায্য পুঁজিলৈ। বৃহস্পতিবাৰে মুখ্যমন্ত্ৰী হিমন্ত বিশ্ব শৰ্মাৰ হাতত অৰ্পন কৰে এই বৰঙণি। কোভিড-১৯ৰ বিৰুদ্ধে যুঁজখন অধিক শক্তিশালী কৰিবলৈ এই বৰঙণি আগবঢ়োৱাৰ কথা প্ৰকাশ কৰে মাজুলীৰ বিধায়কগৰাকীয়ে। সম্প্ৰতি দেশৰ লগতে অসমতো হ্ৰাস পাইছে কোভিড সংক্ৰমণৰ ঘটনা। আৰম্ভ হৈছে আনলক প্ৰক্ৰিয়া। কিন্তু কোভিডৰ সাম্ভাৱ্য তৃতীয় ঢৌৰ বাবে সাজু হৈ উঠিছে ৰাজ্য চৰকাৰ। বৃহস্পতিবাৰে সৰুসজাইত ৩০০ বিচনাযুক্ত কোভিড কেয়াৰ হাস্পতাল উদ্বোধন কৰে মুখ্যমন্ত্ৰী হিমন্ত বিশ্ব শৰ্মাই । কোভিডৰ বিৰুদ্ধে এই যুঁজত ৰাজ্য চৰকাৰক সহায়ৰ হাত আগবঢ়াইছে প্ৰাক্তন মুখ্যমন্ত্ৰী তথা মাজুলীৰ বিধায়ক সৰ্বানন্দ সোণোৱালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
