হোটেলৰ সপ্তম মহলাৰ পৰা ৰাজস্থানৰ উদীয়মান মডেল গুণগুণ উপাধ্যায়ে আত্মহত্যাৰ চেষ্টা চলোৱা ঘটনাই নতুন মোৰ লৈছে৷
উল্লেখ্য যে দুদিনমান পূৰ্বে ৰাজস্থানৰ যুধপুৰত গুণগুণ উপাধ্যায় নামৰ উদীয়মান এগৰাকী মডেলে আত্মহত্যাৰ চেষ্টা কৰিছিল৷
আৰক্ষীয়ে ঘটনাটোৰ তদন্ত প্ৰক্ৰিয়া আৰম্ভ কৰাৰ পিছতে পোহৰলৈ আহিছে বহু বিস্ফোৰক তথ্য৷ আৰক্ষীয়ে প্ৰকাশ কৰা মতে হনীট্ৰেপিঙৰ বলি হোৱাৰ বাবে আত্মহত্যাৰ দৰে অতি চৰম সিদ্ধান্ত গ্ৰহণ কৰিবলৈ বাধ্য হৈ পৰিছিল মডেল গুণগুণ উপাধ্যায়ে৷
আৰক্ষীয়ে প্ৰকাশ কৰা অনুসৰি ইতিমধ্যে ঘটনা সন্দৰ্ভত এহাল দম্পতীক গ্ৰেপ্তাৰ কৰিছে৷ আৰক্ষীয়ে গ্ৰেপ্তাৰ কৰা অক্ষত আৰু দীপালি নামৰ দম্পতীহালে মডেল গুণগুণৰ বাৰ্থৰুমত গা ধুই থকা ভিডিঅ’ গোপনে ৰেকৰ্ডিং কৰিছিল৷ আৰু সেই ভিডিঅ’টোৰ দ্বাৰাই দম্পতীহালে মজডেল গুণগুণক হনীট্ৰপিং কৰি আহিছিল৷
ইফালে আৰক্ষীয়ে প্ৰকাশ কৰা অনুসৰি উক্ত দম্পতীহালে মডেল গুণগুণক ৰাজস্থানৰ এগৰাকী মন্ত্ৰীৰ সৈতে নৈশযাপনৰ বাবেও হেঁচা প্ৰয়োগ কৰিছিল৷ কিন্তু মডেলগৰাকীয়ে সেই প্ৰস্তাৱ প্ৰত্যাখ্যান কৰে৷
ইয়াৰ পিছতে দম্পহীহালে মডেলগৰাকীক হনীট্ৰেপিং কৰিবলৈ আৰম্ভ কৰা বুলি আৰক্ষীয়ে প্ৰকাশ কৰিছে৷ দম্পতী হালে এইদৰে মানসিক হাৰাশাস্তি দিয়াৰ বাবেই মডেলগৰাকীয়ে হোটেলৰ সপ্তম মহলাৰ পৰা জঁপিয়াই আত্মহত্যাৰ চেষ্টা চলায়৷ হোটেলৰ সপ্তম মহলাৰ পৰা জঁপিয়ালেও সৌভাগ্যবশতঃ মডেলগৰাকীৰ প্ৰাণ ৰক্ষা পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
