কেন্দ্ৰীয় কেবিনেটে ২০২৬ চনৰ ১৮ এপ্ৰিলৰ পৰা কাৰ্যকৰী হোৱাকৈ কেন্দ্ৰীয় চৰকাৰৰ কৰ্মচাৰীৰ বাবে DA ২% বৃদ্ধিৰ অনুমোদন জনাইছে। ইয়াৰ উপৰিও কেন্দ্ৰীয় চৰকাৰৰ পেঞ্চনাৰসকলৰ বাবে DR ২% বৃদ্ধি কৰা হৈছে। এই শেহতীয়া বৃদ্ধিৰ ফলত কেন্দ্ৰীয় চৰকাৰৰ কৰ্মচাৰী আৰু পেঞ্চনাৰ উভয়ৰে DA আৰু DR ক্ৰমে ৬০% হৈছে। এই সিদ্ধান্তৰ ফলত ১ কোটিৰো অধিক লোক উপকৃত হোৱাৰ সম্ভাৱনা আছে।
চৰকাৰী কৰ্মচাৰী আৰু পেঞ্চনাৰৰ দৰমহাৰ অংশ হিচাপে গঠিত ডিয়াৰনেছ এলাৱেন্স ৬০% লৈ বৃদ্ধি কৰা হৈছে। এই ডি এ বৃদ্ধিয়ে ২০২৬ চনৰ জানুৱাৰীৰ পৰা কেন্দ্ৰীয় চৰকাৰৰ কৰ্মচাৰীৰ টেক-হোম দৰমহা বৃদ্ধি কৰিব। বৰ্ধিত ডি এ আৰু ডি আৰ কাৰ্যকৰী তাৰিখ ১ জানুৱাৰী, ২০২৬। সাধাৰণতে কেন্দ্ৰীয় চৰকাৰে বছৰত দুবাৰকৈ, জানুৱাৰী আৰু জুলাই মাহত এই ভাট্টাসমূহ সংশোধন কৰে, আৰু পিছত আনুষ্ঠানিক ঘোষণা কৰা হয়।
২০২৬ চনৰ ১৮ জানুৱাৰীত এই বৃদ্ধিৰ ঘোষণাৰ পিছত কেন্দ্ৰীয় চৰকাৰৰ কৰ্মচাৰীসকলে এপ্ৰিল মাহৰ দৰমহাৰ সৈতে বৃদ্ধি পোৱা ডি এ লাভ কৰাৰ আশা কৰিছে। ইয়াৰ উপৰিও তেওঁলোকে জানুৱাৰীৰ পৰা মাৰ্চলৈকে বকেয়া লাভ কৰিব।
টেক-হোম দৰমহা কিমান বৃদ্ধি পাব?
এতিয়া আটাইতকৈ ডাঙৰ প্ৰশ্নটো হ’ল ডিয়াৰনেছ এলাৱেন্স বৃদ্ধিয়ে তেওঁলোকৰ টেক-হোম দৰমহা কিমান বৃদ্ধি কৰিব। ধৰি লওক এজন কেন্দ্ৰীয় চৰকাৰৰ কৰ্মচাৰীৰ মৌলিক দৰমহা ৫০,০০০ টকা। ৫৮ শতাংশ হাৰত তেওঁলোকৰ পূৰ্বৰ ডিয়ৰনেছ ভাট্টা আছিল ২৯,০০০ টকা। এতিয়া যেতিয়া ডি এ ৬০ শতাংশলৈ বৃদ্ধি পাইছে, তেতিয়া তেওঁলোকৰ ডিয়াৰনেছ ভাট্টা ৩০,০০০ টকা লৈ বৃদ্ধি পাব।
অৰ্থাৎ এপ্ৰিলৰ পৰা ডি এত তেওঁলোকে অতিৰিক্ত ১,০০০ টকা (২৯,০০০ – ৩০,০০০ টকা) লাভ কৰিব। যিহেতু ডি এ বৃদ্ধি ২০২৬ চনৰ ১ জানুৱাৰীৰ পৰা কাৰ্যকৰী হ’ব, সেয়েহে তেওঁলোকে পূৰ্বৰ তিনি মাহৰ বকেয়াও লাভ কৰিব।
কিমান বৃদ্ধি পাব পেঞ্চন?
একেদৰে কেন্দ্ৰীয় চৰকাৰৰ পেঞ্চনাৰসকলৰ মহৰা সকাহ (ডি আৰ) ২ শতাংশ বৃদ্ধি কৰি ৬০ শতাংশলৈ লৈ গৈছে। এই বৃদ্ধিৰ ফলত ২০২৪ চনৰ এপ্ৰিল মাহৰ পৰা এই পেঞ্চনাৰসকলৰ মাহিলী পেঞ্চন বৃদ্ধি পাব। ইয়াৰ প্ৰভাৱ বুজিবলৈ এটা উদাহৰণ চাওঁ আহক:
যদি কোনো কেন্দ্ৰীয় চৰকাৰৰ পেঞ্চনাৰ ব্যক্তিয়ে প্ৰতিমাহে ৬০,০০০ টকাৰ মৌলিক পেঞ্চন লাভ কৰে তেন্তে তেওঁলোকে পূৰ্বৰ ৫৮% ডি আৰ হাৰত ৩৪,৮০০ টকা লাভ কৰিব। এতিয়া ডি আৰ ৬০% লৈ বৃদ্ধি পাইছে, তেওঁলোকে প্ৰতিমাহে ৩৬,০০০ টকা ডিয়াৰনেছ ৰিলিফ হিচাপে লাভ কৰিব। অৰ্থাৎ তেওঁলোকৰ পেঞ্চন প্ৰতিমাহে ১২০০ টকা বৃদ্ধি পাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
