হৰমুজ জলদ্বীপ অতিক্ৰম কৰা দুখন বাণিজ্যিক জাহাজৰ ওপৰত গুলীচালনা। ইৰানৰ নৌসেনাই ভাৰতীয় জাহাজক লক্ষ্য কৰি গুলীচালনা কৰে। এই বিষয়টোক লৈ বৈদেশিক পৰিক্ৰমা মন্ত্ৰালয়ত ইৰানৰ ৰাষ্ট্ৰদূতক মাতি অনা হৈছে। ভাৰতীয় টেংকাৰখনক আক্ৰমণৰ বিৰোধিতা প্ৰকাশ কৰি চৰকাৰে এক বাৰ্তা প্ৰেৰণ কৰিছে। খবৰ অনুসৰি ভাৰতীয় জাহাজখনৰ ওপৰত এই আক্ৰমণ ওমানৰ সমীপতে সংঘটিত হৈছিল। ইফালে ভাৰতৰ কঠোৰ স্থিতিৰ লগে লগে ইৰাণৰ ৰাষ্ট্ৰদূত মহম্মদ ফাথালী বৈদেশিক পৰিক্ৰমা মন্ত্ৰালয়ত উপস্থিত হয়।
ইৰাকৰ পৰা তেহৰাণলৈকে দুখন জাহাজ হৰমুজ জলদ্বীপত আক্ৰমণ। ইৰানৰ নৌসেনাই ভাৰতীয় জাহাজখনৰ ওপৰত গুলীচালনা কৰে। ভাৰতৰ বৈদেশিক পৰিক্ৰমা মন্ত্ৰালয়ে ব্যৱস্থা গ্ৰহণ কৰি ইৰানৰ ৰাষ্ট্ৰদূতক মাতি আনিছে। সূত্ৰ অনুসৰি হৰমুজ জলদ্বীপত ভাৰতীয় জাহাজখনৰ ওপৰত হোৱা আক্ৰমণক লৈ বৈদেশিক পৰিক্ৰমা মন্ত্ৰালয়ে উদ্বেগ প্ৰকাশ কৰিছে। মন্ত্ৰালয়ে ইৰাণৰ ৰাষ্ট্ৰদূত ড০ মহম্মদ ফাথালীক মাতি আনুষ্ঠানিক প্ৰতিবাদ দাখিল কৰে। জাহাজসমূহে টেংকাৰত প্ৰায় ২০ লাখ বেৰেল ইৰানী তেল কঢ়িয়াই লৈ গৈছিল। এই ঘটনাই অঞ্চলটোত আৰু অধিক উত্তেজনা বৃদ্ধি কৰিছে। ইতিমধ্যে আমেৰিকা আৰু ইৰাণৰ মাজত সংঘাত চলি থকাৰ সময়তে এই ঘটনা সংঘটিত হৈছে, আৰু হৰমুজ অঞ্চল অতি স্পৰ্শকাতৰ হৈয়ে আছে।
বিশাল তেল টেংকাৰখন হৰমুজ জলদ্বীপৰ কাষেৰে পাৰ হৈ গৈছিল, সেই সময়ত টাৰ্গেট কৰি গুলী চলোৱা হয়। অৱশ্যে এই পৰ্যন্ত কোনো বৃহৎ ক্ষতি বা হতাহতিৰ খবৰ পোৱা নাই। ইৰাণৰ যুদ্ধই বৰ্তমান বিভ্ৰান্তিৰ সৃষ্টি কৰিছে বুলি সূত্ৰই প্ৰকাশ কৰিছে। ইৰাণৰ বিভিন্ন বাহিনী আৰু ইউনিটে ইজনে সিজনৰ লগত সম্পূৰ্ণ সমন্বয় স্থাপন নকৰাৰ ফলত ইয়াৰ সৃষ্টি হৈছে। আমেৰিকাই ভুলবশতঃ নিজৰ জাহাজ বা মিত্ৰশক্তিৰ ওপৰত গুলীচালনাৰ পূৰ্বৰ ঘটনা এই যুদ্ধৰ সময়ত সংঘটিত হৈছে।
ইৰানে পুনৰ বন্ধ কৰিলে হৰমুজ জলদ্বীপ
ইয়াৰ পূৰ্বে শনিবাৰে পুৱা ইৰানে ঘোষণা কৰে যে হৰমুজ জলদ্বীপ পূৰ্বৰ অৱস্থালৈ ঘূৰি আহিছে। ইৰানৰ বন্দৰসমূহত আমেৰিকাই অৱৰোধ কৰাৰ প্ৰতিক্ৰিয়া স্বৰূপে ইৰাণে হৰমুজ জলদ্বীপৰ ওপৰত পুনৰ কঠোৰ নিয়ন্ত্ৰণ আৰোপ কৰিছে বুলি কয়। এই ঘোষণাৰ পিছতে বহু বাণিজ্যিক জাহাজে হৰমুজৰ মাজেৰে পাৰ হোৱাৰ প্ৰচেষ্টা পৰিত্যাগ কৰিছে। এই পথেৰে এতিয়া কোনো জাহাজ যাত্ৰা কৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
