ডিজিটেল ডেস্কঃ বিশ্বৰ অপৰাধজগতৰ এটা চিনাকি নাম- ডাউদ ইব্ৰাহিম। আণ্ডাৰৱল্ডৰ ডন হিচাপে খ্যাত ডাউদৰ এটা নিৰ্দেশত বিশ্বৰ যিকোনো প্ৰান্তত সংঘটিত হয় কূটাঘাটমূলক কাৰ্যকলাপ। এটা সময়ত ডুবাইত বহি এটা চুইজ টিপিয়ে ডাউদে মুম্বাইত হত্যা কৰিছিল বহু নিৰীহ লোকৰ। প্ৰৱল প্ৰতাপী ডাউদ এতিয়া শস্যাশায়ী। মৃত্যুৰ দুৱাৰদলিত ডাউদে এতিয়া জীৱনৰ ভিক্ষা মাগিছে।
বিভিন্ন এজেন্সীত প্ৰকাশিত খবৰ অনুসৰি, ডাউদ বহু দিনৰে পৰাই বিভিন্ন ৰোগত আক্ৰান্ত হৈ আছে। মধুমেহ ৰোগ বাৰুকৈয়ে জ্বলা-কলা খোৱাইছে ডাউদ ইব্ৰাহিমক। মধুমেহৰ লগতে অন্য বহু ৰোগত আক্ৰান্ত ডাউদক হস্পাতালত ভৰ্তি হৈ থাকোতেই কোনেৱে খাদ্যৰ সৈতে বিহ মিহলাই দিয়া বুলি চৰ্চা হৈছে। এই বিহপান কৰাৰ পাছতে এতিয়া সংকটজনক অৱস্থাত আছে ডাউদ। প্ৰাপ্ত খবৰ অনুসৰি, পাকিস্তানৰ কাৰাচীৰ এখন হস্পাতালত চলি আছে ডাউদৰ চিকিতসা।
বহু সংবাদ প্ৰতিষ্ঠানে, ডাউদৰ মৃত্যু হৈছে বুলি খবৰ প্ৰকাশ কৰিছে। কিন্তু এতিয়ালৈকে ডাউদৰ স্বাস্থ্যৰ সন্দৰ্ভত নাই কাৰোৰে ওচৰত সঠিক তথ্য। ডাউদৰ স্বাস্থ্যৰ এনে অৱস্থাৰ মাজতে চৰ্চালৈ আহিছে এটা বিশেষ প্ৰসংগ। হাজাৰ হাজাৰ লোকৰ প্ৰাণ লৈ নিজকে প্ৰৱল-প্ৰতাপী ডন হিচাপে বিশ্বত কুখ্যাতি লভা ডাউদৰ শেহতীয়া অৱস্থাক লৈ বহুতে আলোচনা কৰিছে।
ডুবাইৰ পৰা নিউয়ৰ্কলৈ, কৰাচিৰ পৰা মুম্বাইলৈ ডাউদৰ ১০০ ৰ অধিক ঘৰ আছে, কিন্তু কোনো এটা ঘৰতেই মানুহটো শান্তিৰে থাকিব নোৱাৰে। বহুতে সামাজিক মাধ্যমত লিখিছে যে, ইমান প্ৰৱল প্ৰতাপী ডন হৈও তেওঁ আনকি কত থাকে কাকো কব নোৱাৰে, কোনোদিন ঘৰৰ পৰা ওলাব নোৱাৰে,ৰাস্তাত অকণমান খোজকাঢ়িব নোৱাৰে।মানুহটোৰ সম্পত্তি কিমান কোনেও নাজানে কিন্তু যদি বৈধ বুলি ধৰি হিচাপ কৰা যায় মানুহটো বিশ্বৰ শীৰ্ষ ধনী মানুহৰ অন্যতম হৈ উঠিব। কিন্তু সকলো থাকিও নিঃস্ব মানুহটো।
মানুহ হত্যা কৰাটোকে নিচা হিচাপে লোৱা এই কুখ্যাত ড্ৰাগছ মাফিয়াটোক আমাৰ দেশলৈ বিচাৰৰ বাবে অনাৰ দাবী দীৰ্ঘদিনীয়া। বহু কাৰণতে সেয়া হৈ উঠা নাই কিন্ত নাভাবিব যে ডাউড ইব্ৰাহিমে শাস্তি নোপোৱাকৈ আছে। কিন্তু মানুহৰ আদালতত নহলেও ভগৱানৰ আদালত হয়তো ডাউদক ঠিকেই শাস্তি প্ৰদান কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
